Esdras 7:21 - Mbeti ti Nzapa - Tënë so amu fini

²¹ “Mbi, gbia Artakzerses, mbi mu yanga na awabatango-nginza ti sese ti mbage ti Do ti ngu ti Efrate titene aye so kue Esdras, wayango-sandaga na wafango-ndia ti Nzapa ayeke hunda na ala, fade ala yeke mu ni kue na legeni.

Esdras 7:21 ပူးပေါင်းရင်းမြစ်များ

Esdras 4:16

Tongana a kiri aleke gbata ni si a kiri aleke gbagba ni na nduzu, asese so ayeke na Do ti ngu ti Efrate ayeke kiri ti duti ti mo pepe.”

Esdras 4:20

Ando, ambeni ngangu gbia ayeke na Jérusalem; ala yeke le-gbia na sese so kue ayeke na Do ti ngu ti Efrate. Azo ayeke futa na ala alapo, lapo na ndö ti akungba nga na alapo ti lege.

Esdras 6:6

Tongaso, gbia Darius asu mbeti si lo tokua na Tatenai, govoronere ti sese so ayeke na Do ti ngu ti Efrate, lo na Shetar-Boznai nga na amba ti ala, akota komanda ti sese ni; lo tene: “Ala zia tënë so!

Esdras 7:1

Na peko ti aye so, na ngoi so Artakzerses ayeke gbia na kodro ti Perse, mbeni zo alondo na Babilone asi; iri ti lo Esdras. Esdras ayeke mbeni *hale ti kota wayango-sandaga Aaron. Molongo ti ahale ti Esdras ayeke tongaso: Esdras ayeke molenge ti Seraya; Seraya ayeke molenge ti Azaria; Azaria ayeke molenge ti Hilkia; Hilkia ayeke molenge ti Shalum; Shalum ayeke molenge ti Sadok; Sadok ayeke molenge ti Ahitub; Ahitub ayeke molenge ti Amaria; Amaria ayeke molenge ti Azaria; Azaria ayeke molenge ti Merayot; Merayot ayeke molenge ti Zeraya; Zeraya ayeke molenge ti Uzi; Uzi ayeke molenge ti Buki; Buki ayeke molenge ti Abishua; Abishua ayeke molenge ti Pinas; Pinas ayeke molenge ti Elazar; Elazar ayeke molenge ti Aaron. Esdras ahinga mbeti mingi, lo hinga nga *Ndia ti *KOTA GBIA mingi, Ndia so KOTA GBIA, Nzapa ti Israel afa na Moïse so. Ndali ti so maboko ti KOTA GBIA Nzapa ti Esdras ayeke na ndö ti lo, gbia ayeke mu na lo aye so kue lo hunda.

Esdras 7:22

Ala yeke mu na Esdras wen ti nginza ngbii alingbi kilo 3 000, *ble so alingbi kilo 30 000, vin so alingbi litere 4 000, mafuta so alingbi litere 4 000 na ingo so a lingbi ti fa wungo ni fango pepe.

Esdras 8:36

Na pekoni, mbeti ti ndia so gbia amu lani na ala so, ala mu ni na akota komanda ti gbia nga na agovoronere so ayeke na Do ti ngu ti Efrate. Akota zo ni so amu maboko na azo ti Israel nga na kota da ti Nzapa.

Néhémie 2:7

Mbi kiri mbi tene na gbia: “Gbia, tongana mo baa nzoni na le ti mo, ayeke nzoni mo sara titene a mu na mbi mbeni mbeti so mbi yeke gue na ni na agovoronere so ayeke na Do ti ngu ti Efrate, tongaso si ala lingbi ti zia lege na mbi ti hon ti gue na Juda.

Abia (Psaumes) 119:4

KOTA GBIA, mo laa mo mu andia ti mo na azo titene ala bata ni nzoni.

Daniel 6:26

Na pekoni gbia Darius asara mbeti si lo tokua na azo nde nde kue, azo ti amara nde nde kue na azo ti ayanga ti kodro nde nde kue so asara kodro na ndö ti sese kue; lo tene: “Ayeke nzoni siriri asi ala singo!