Esdras 7:17 - Mbeti ti Nzapa - Tënë so amu fini

¹⁷ Kâ, mo yeke mu nginza so ti vo na akoli-bagara, akoli-taba, amolenge ti taba nga na aye ndali ti asandaga ti farini na ti samba. Fade mo yeke ya aye so kue na sandaga na Nzapa ti ala na ndö ti gbalaka ti ya ti kota da ti Nzapa so ayeke na Jérusalem.

Esdras 7:17 ပူးပေါင်းရင်းမြစ်များ

Esdras 6:12

Gbia so kue wala mara so kue ake andia ti mbi so si lo tara ti buba kota da ti Nzapa so ayeke na Jérusalem, ndo so Nzapa asoro titene iri ti lo aduti daa, ayeke nzoni Nzapa a pika gbia ni nga na mara ni. Mbi Darius laa mbi mu yanga so: alingbi azo kue asara ye alingbi na ni!”

Esdras 7:18

Na pekoni, mo na amba ti mo, ala yeke mu tanga ti wen ti nginza ni na tanga ti lôro ni ti sara na ye so ala baa nzoni na le ti ala ti sara, alingbi na ye so be ti Nzapa ti ala aye.

Ésaïe 16:1

Amakonzi ti Moab atene: “Kâ na gbata ti Kota-têne-ti-benyama, ala tokua koli-taba na kota zo ti kodro ni, na gbia ti Juda, na hoto ti *Sion.”

Wungo ti azo 15:3

na ndembe so ala yeke ya *sandaga na KOTA GBIA, ataa sandaga so a yeke gbi ni kue na wâ, ataa sandaga ndali ti zendo so ala mu, wala sandaga so ala mu na be ti ala wani, wala sandaga so ala yeke mu na lango ti sarango amatanga ti ala, ala yeke soro bagara, ngasa wala taba ndali ti asandaga ni. So laa fion ni ayeke nzere na KOTA GBIA.

Jean 2:14

Na ya ti kota da ti Nzapa, lo wara azo ti kango abagara, ataba na *ambipa; lo wara nga azo so aduti na tere ti meza si ala yeke sanze nginza.