Esdras 7:16 - Mbeti ti Nzapa - Tënë so amu fini

¹⁶ Fade mo yeke gue nga na wen ti nginza na lôro so kue mo yeke wara na maboko ti azo na sese ti Babilone, aye so azo ti mara ti mo, na awayango-sandaga amu na be ti ala wani ndali ti kota da ti Nzapa ti ala so ayeke na Jérusalem.

Esdras 7:16 ပူးပေါင်းရင်းမြစ်များ

1 Mbai 29:17

Nzapa ti mbi, mbi hinga so mo laa mo yeke baa ya ti be ti zo si mo yeda na ye so ayeke mbirimbiri. Ti mbi, na be so ayeke mbirimbiri laa mbi mu aye so kue na mo na be ti mbi wani. Fadeso, mbi yeke na ngia ti baa azo ti mo so abongbi ge ti mu ye na mo na be ti ala wani.

1 Mbai 29:6

Tongaso amakonzi ti asewa, amakonzi ti amara ti Israel, ala so ayeke na li ti aturugu saki oko, ala so ayeke na li ti aturugu ngbangbo oko nga na azo so ayeke baa ndo na ndö ti akua ti gbia amu ye na be ti ala wani;

1 Mbai 29:9

Azo ni kue ayeke na ngia, ngbanga ti so ala mu aye na KOTA GBIA na be ti ala kue nga na nzoni be. Be ti David asi singo na kota ngia.

2 Mbai 31:14

Kore, molenge ti Imna, zo ti mara ti Lévi, zo ti batango yanga ti gbagba na mbage ti To, ayeke baa lege ti aye so azo amu na be ti ala wani na Nzapa. Aye so azo azi na ndö ti aye so ala wara si ala zia nde ndali ti KOTA GBIA nga na aye so ayeke nde si ayeke nzoni kue ahon atanga ni, lo laa lo yeke kangbi ni.

2 Mbai 6:2

Me ti mbi, mbi sara da na mo, ndo so mo yeke duti daa lakue lakue!”

2 Mbai 6:5

nilaa lo tene: ‘Ti londo na lango so mbi sara si azo ti mbi asigigi na sese ti Ezipte, mbi soro laoko pepe mbeni gbata na popo ti amara ti Israel kue titene a sara da na ya ni ndali ti mbi, wala mbi soro mbeni zo pepe titene lo ga makonzi ti azo ti Israel, azo ti mbi.

2 Mbai 6:6

Me mbi soro Jérusalem ti duti daa, mbi soro nga David titene lo sara komandema na ndö ti Israel, azo ti mbi.’

Esdras 1:4

Na ya ti akodro so kue azo ti Israel ayeke daa, alingbi azo ti kodro ni amu maboko na ala na gango na ala wen ti nginza, lôro na ambeni nzoni ye. Ala lingbi nga ti mu na azo ti Israel anyama nga na aye so zo ayeke mu na be ti lo wani ndali ti kota da ti Nzapa so ayeke na Jérusalem.”

Esdras 1:6

Azo so kue ayeke nduru na azo ti Israel amu maboko na ala na lege ti aye nde nde so a sara na wen ti nginza nga na lôro. Azo ni amu nga na ala ambeni nzoni ye, aye mingi ti ngangu ngere na anyama; na ndö ni, ala mu aye so zo amu na be ti lo wani ndali ti kota da ti KOTA GBIA.

Abia (Psaumes) 135:21

Ti londo na *Sion, ayeke nzoni azo amu singila na KOTA GBIA so ndo ti duti ti lo ayeke na Jérusalem! Aleluya!

2 Korente 8:12

Biani, tongana zo ayeke na nzara ti mu ye si lo mu ni alingbi na ye so lo yeke na ni, Nzapa ayeke yamba ye ni; me ye so zo ayeke na ni pepe, Nzapa ayeke hunda ni pepe.

2 Korente 9:7

Alingbi zo oko oko amu ye tongana ti so lo leke na be ti lo, na vundu pepe, wala mbeni zo agbu lo na ngangu pepe titene lo mu ni. Biani, Nzapa aye zo so ayeke mu ye na ngia.