Esdras 7:15 - Mbeti ti Nzapa - Tënë so amu fini

¹⁵ Na mbage, e tokua mo ti gue na wen ti nginza nga na lôro so mbi na awamungo-wango ti mbi, e ye ti mu na Nzapa ti Israel, lo so ndo ti dutingo ti lo ayeke na Jérusalem.

Esdras 7:15 ပူးပေါင်းရင်းမြစ်များ

1 Mbai 29:6

Tongaso amakonzi ti asewa, amakonzi ti amara ti Israel, ala so ayeke na li ti aturugu saki oko, ala so ayeke na li ti aturugu ngbangbo oko nga na azo so ayeke baa ndo na ndö ti akua ti gbia amu ye na be ti ala wani;

2 Mbai 2:6

Fadeso, tokua na mbi mbeni wakode-kua ti lôro, ti wen ti nginza, ti bengba wen na ti wen, wakode-kua so ahinga nga ti sara anzoroko na tere ti abongo: nzoroko so abe bengo, nzoroko so akpa le ti nduzu, nzoroko so abe si aza zango; lo hinga nga ti de alimo na kode na tere ti aye, lo na awakode-kua so babâ ti mbi David asoro ala lani si ala yeke na tere ti mbi na sese ti Juda nga na Jérusalem.

2 Mbai 32:23

Azo mingi aga na Jérusalem ti mu aye na KOTA GBIA, ala ga nga na apendere kadoo na Ezekias, gbia ti Juda. Na peko ti aye so asi so, amara kue ane Ezekias mingi.

2 Mbai 6:2

Me ti mbi, mbi sara da na mo, ndo so mo yeke duti daa lakue lakue!”

2 Mbai 6:6

Me mbi soro Jérusalem ti duti daa, mbi soro nga David titene lo sara komandema na ndö ti Israel, azo ti mbi.’

Esdras 1:6

Azo so kue ayeke nduru na azo ti Israel amu maboko na ala na lege ti aye nde nde so a sara na wen ti nginza nga na lôro. Azo ni amu nga na ala ambeni nzoni ye, aye mingi ti ngangu ngere na anyama; na ndö ni, ala mu aye so zo amu na be ti lo wani ndali ti kota da ti KOTA GBIA.

Esdras 6:12

Gbia so kue wala mara so kue ake andia ti mbi so si lo tara ti buba kota da ti Nzapa so ayeke na Jérusalem, ndo so Nzapa asoro titene iri ti lo aduti daa, ayeke nzoni Nzapa a pika gbia ni nga na mara ni. Mbi Darius laa mbi mu yanga so: alingbi azo kue asara ye alingbi na ni!”

Esdras 6:4

A yeke leke ni na akota têne so a de tere ni dengo; a yeke zia molongo ti atêne ni ota; na peko ni, a yeke zia molongo ti yongoro keke oko. Ala yeke futa akua ni na nginza ti da ti mosoro ti gbia.

Esdras 7:14

Mbi na awamungo-wango ti mbi mbarambara, e tokua mo na Jérusalem nga na kete kodro ti Juda ti baa wala azo ayeke sara ye alingbi na Ndia ti Nzapa so mbeti ni ayeke na maboko ti mo.

Esdras 8:25

Na le ti ala, mbi haka wen ti nginza, lôro na aye nde nde ti ngangu ngere so lani gbia, awamungo-wango ti lo, agbenyogbia ti lo na azo ti Israel so ayeke na ya ti kodro ni amu ndali ti kota da ti Nzapa ti e.

Abia (Psaumes) 135:21

Ti londo na *Sion, ayeke nzoni azo amu singila na KOTA GBIA so ndo ti duti ti lo ayeke na Jérusalem! Aleluya!

Abia (Psaumes) 26:8

KOTA GBIA, mbi ye kota da ti mo so mo yeke duti na ya ni; mbi ye ndo ti mo so gonda ti mo ayeke na ya ni.

Abia (Psaumes) 72:10

Agbia ti kodro ti Tarsis na ala ti azoa so ayeke yongoro kâ ayeke tokua na lo akadoo; agbia ti kodro ti Saba na ala ti Seba ayeke futa lapo na lo.

Abia (Psaumes) 76:11

Ataa ngonzo ti azo ayeke sara si mo wara gonda; azo so ayeke kpe ngonzo ni, mo yeke yu ala tongana bongo.

Abia (Psaumes) 76:2

Nzapa asara si azo ahinga lo na Juda, iri ti lo awu mingi na Israel.

Abia (Psaumes) 9:11

Azo so ahinga mo, ayeke nzoni ala zia be ti ala na ndö ti mo; azo so ayeke gi mo, KOTA GBIA, mo yeke zia ala pepe.