Esdras 7:13 - Mbeti ti Nzapa - Tënë so amu fini

¹³ “Mbela so mbi mu ayeke so: azo ti Israel so kue ayeke na ya ti kodro ti mbi, ataa awayango-sandaga, ataa azo ti mara ti Lévi, ataa asenge zo so aye ti kiri na Jérusalem, mo na ala alingbi ti gue senge!

Esdras 7:13 ပူးပေါင်းရင်းမြစ်များ

2 Mbai 30:5

Tongaso ala yeda ti tokua azo ti to mbela na ya ti kodro ti Israel kue, ti londo na Bersheba ngbii asi na Dan ti iri azo ti ga na Jérusalem ti sara matanga ti Pake ndali ti KOTA GBIA, Nzapa ti Israel. Biani, kozo titene azo asara matanga na ngu ni so, gi azo kete laa asara matanga ni alingbi na andia ni so a su na mbeti.

Esdras 1:3

Azo so kue na popo ti ala ayeke azo ti lo, ayeke nzoni ala gue na Jérusalem, na sese ti Juda ti leke kota da ti KOTA GBIA, Nzapa ti Israel. Nzapa so a yeke voro lo na Jérusalem laa. Ayeke nzoni Nzapa ti ala aduti na ala!

Esdras 5:13

Andaa na kozo ngu ni so Sirus ayeke gbia ti Perse, lo mu yanga titene a kiri a leke kota da ti Nzapa.

Esdras 6:1

Tongaso gbia Darius amu yanga titene a gi ndo na Babilone na ya ti da ti batango angbene buku na ti amosoro ti gbia.

Esther 3:15

Gi so gbia amu yanga awe, azo ti tokua ni asigigi na kota loro si ala gue na ambeti ni. Azo atambula na ya ti kota kodro ti Suze kue ti fa na azo tënë ti ndia so. Tongaso gbia na Haman aduti ti nyon ye. Me li ti azo ti gbata ti Suze kue aga kirikiri.

Esther 9:14

Gbia amu yanga titene ala sara tongana ti so ala fa so: na kota-kodro ti Suze, lo kiri lo mu mbeni fini mbela si a kanga kuâ ti amolenge ti Haman na tere ti keke na nduzu.

Abia (Psaumes) 110:3

Na lango so mo bongbi aturugu ti mo ti gue na bira, azo ti mo, na be ti ala wani, amu peko ti mo. Na ndö ti ahoto so ayeke nde si ayeke nzoni kue, amaseka ayeke ga na mbage ti mo; ala kpa ngu ti pere ti kota ndaperere.

Abia (Psaumes) 148:6

Lo zia ala ti ngba kpu na kpu, lo lu andia ndali ti ala, ngangu ti andia ni ayeke ngba lakue lakue.

Daniel 6:26

Na pekoni gbia Darius asara mbeti si lo tokua na azo nde nde kue, azo ti amara nde nde kue na azo ti ayanga ti kodro nde nde kue so asara kodro na ndö ti sese kue; lo tene: “Ayeke nzoni siriri asi ala singo!

Filipe 2:13

Biani, Nzapa laa ayeke zia nzara ti sarango ye na be ti ala si lo yeke mu na ala lege ti sarango ni alingbi na ye so lo leke na be ti lo.

Aye so Nzapa afa 22:17

Yingo-Vuru na wali so amu koli na fini ni atene: “Ga!” Ayeke nzoni zo so ama tënë so, atene: “Ga!” Zo so nzara ti ngu asara lo, ayeke nzoni lo ga. Zo so ayeda, ayeke nzoni lo mu ngu senge senge lo nyon, ngu so ayeke mu fini na zo.