Esdras 6:8 - Mbeti ti Nzapa - Tënë so amu fini

⁸ Mbela so mbi mu ndali ti agovoronere ti azuife na akangba ti azuife so ayeke leke kota da ti Nzapa ayeke so: a yeke futa azo ti kua ni na nginza so a zi ni na ndö ti amosoro ti gbia; so ti tene, nginza ti alapo so azo ti sese ti mbage ti Do ti ngu ti Efrate afuta. Ala mu nginza ni na azo so; tongaso si akua ni alingbi ti luti na lege pepe.

Esdras 6:8 ပူးပေါင်းရင်းမြစ်များ

Esdras 4:16

Tongana a kiri aleke gbata ni si a kiri aleke gbagba ni na nduzu, asese so ayeke na Do ti ngu ti Efrate ayeke kiri ti duti ti mo pepe.”

Esdras 4:23

Gi so a diko mbeti ti gbia Artakzerses na Rehum, na wakuasu Shimeshai nga na amba ti ala awe, ala londo hio ague na Jérusalem. Ala sara ngangu na azuife, ala gbu azuife ni na ngangu titene ala zia lege ti lekengo gbata ni.

Esdras 5:5

Me le ti Nzapa ayeke na ndö ti *akangba ti azuife. Nilaa a kanga lege na ala pepe ti leke kota da ti Nzapa. Azo ni atokua mbeti na gbia Darius si ala yeke ku titene lo kiri tënë na ala na ndö ni si.

Esdras 6:14

*Akangba ti azuife angba ti sara kota da ni si akua ni ayeke tambula nzoni, alingbi na atënë ti mungo ngangu na be so wayanga-Nzapa Aggée na Zakarii, molenge ti Ido atene na ala. Ala hunzi ti sara da ni, alingbi na yanga so Nzapa ti Israel amu nga alingbi na ambela ti agbia ti Perse so ayeke Sirus, Darius na Artakzerses.

Esdras 6:4

A yeke leke ni na akota têne so a de tere ni dengo; a yeke zia molongo ti atêne ni ota; na peko ni, a yeke zia molongo ti yongoro keke oko. Ala yeke futa akua ni na nginza ti da ti mosoro ti gbia.

Esdras 6:7

Ala zia akua ti lekengo kota da ti Nzapa titene atambula: fade agovoronere ti azuife, na *akangba ti azuife ayeke leke kota da ni na kozo ndo so a sara ni ando daa.

Esdras 6:9

Na lango oko oko, fade ala yeke mu na awayango-sandaga so ayeke na Jérusalem ye so alingbi ndali ti kua ti ala, tongana ti so ala fa: akoli-bagara, akoli-ngasa na amolenge ti taba ndali ti *asandaga so a yeke gbi ni kue na wâ na Nzapa ti yayu. Ala yeke mu nga na awayango-sandaga ni *ble, ingo, vin na mafuta.

Esdras 7:14

Mbi na awamungo-wango ti mbi mbarambara, e tokua mo na Jérusalem nga na kete kodro ti Juda ti baa wala azo ayeke sara ye alingbi na Ndia ti Nzapa so mbeti ni ayeke na maboko ti mo.

Néhémie 11:23

Gbia amu mbeni mbela ndali ti azo ti hengo bia ni, mbela ni afa ndia ti akua so ala yeke sara na ya ti lango oko oko.

Néhémie 2:8

Ayeke nzoni a mu nga na mbi mbeni mbeti so mbi yeke gue na ni na Asaf, wabatango-gbako ti gbia. Tongaso, fade lo yeke mu na mbi akeke so alingbi titene a sara na ayanga ti gbagba ti bira so ayeke na tere ti kota da ti Nzapa. Mbi yeke mu nga akeke ni ti leke na agbagba ti gbata ni nga na da so mbi yeke lango ande na ya ni.” Gbia amu na mbi ambeti ni, ngbanga ti so maboko ti Nzapa ti mbi ayeke na ndö ti mbi ti bata mbi.

Daniel 6:26

Na pekoni gbia Darius asara mbeti si lo tokua na azo nde nde kue, azo ti amara nde nde kue na azo ti ayanga ti kodro nde nde kue so asara kodro na ndö ti sese kue; lo tene: “Ayeke nzoni siriri asi ala singo!

Aggée 2:8

Nginza ayeke ti mbi, lôro ayeke ti mbi; so tënë ti yanga ti KOTA GBIA so ayeke na ndö ti dunia kue laa.