Esdras 6:4 - Mbeti ti Nzapa - Tënë so amu fini

⁴ A yeke leke ni na akota têne so a de tere ni dengo; a yeke zia molongo ti atêne ni ota; na peko ni, a yeke zia molongo ti yongoro keke oko. Ala yeke futa akua ni na nginza ti da ti mosoro ti gbia.

Esdras 6:4 ပူးပေါင်းရင်းမြစ်များ

1 Agbia 6:36

Na pekoni, a sara gbagba ti kota da ti Nzapa, – so ti tene gbagba ti ya ni – na atêne so a de tere ni dengo, molongo ti atêne ni ayeke ota; na ndö ni, a zia molongo oko ti angbongboro keke ti sedre.

Esdras 3:7

Ala mu nginza na azo ti dengo tere ti têne nga na asarapande. Ala mu kobe ti tengo ni, ye ti nyongo ni nga na mafuta na azo ti Sidon na ti Tir titene ala tokua ndo si a mu akeke ti sedre ti Liban aga na ni na le ti kota ngu-ingo ngbii asi na Zafa. Ala sara tongaso, ngbanga ti so Sirus, gbia ti Perse amu lege na ala.

Esdras 5:8

“Gbia, e ye ti fa na mo so e gue na kodro ti Juda si e si na kota da ti kota Nzapa. Azuife akiri ayeke leke da ni na akota têne so a de tere ni dengo, ala zia na ya ti dere ti da ni angbongboro keke. Ala yeke sara kua ni pendere mingi si akua ni ayeke gue gi na nduzu.

Esdras 6:8

Mbela so mbi mu ndali ti agovoronere ti azuife na akangba ti azuife so ayeke leke kota da ti Nzapa ayeke so: a yeke futa azo ti kua ni na nginza so a zi ni na ndö ti amosoro ti gbia; so ti tene, nginza ti alapo so azo ti sese ti mbage ti Do ti ngu ti Efrate afuta. Ala mu nginza ni na azo so; tongaso si akua ni alingbi ti luti na lege pepe.

Abia (Psaumes) 68:29

Nzapa ti mo amu yanga titene mo ga ngangu. Nzapa, fa ngangu ti mo, mo so mo sara ye mingi ndali ti e so!

Abia (Psaumes) 72:10

Agbia ti kodro ti Tarsis na ala ti azoa so ayeke yongoro kâ ayeke tokua na lo akadoo; agbia ti kodro ti Saba na ala ti Seba ayeke futa lapo na lo.

Ésaïe 49:23

Agbia ayeke ga ababâ ti batango ala, amolenge ti agbia ti wali ayeke ga amama ti batango ala. Agbia ni ayeke kuku, akpo li ti ala na sese na dawa ti mo, ala yeke su sese so ayeke na tere ti gere ti mo. Tongaso fade mo yeke hinga, mo tene: mbi yeke KOTA GBIA; azo so azia be ti ala na ndö ti mbi, kamene ayeke gbu le ti ala pepe.”

Aye so Nzapa afa 12:16

Me sese amu maboko na wali ni: sese azi yanga ti lo si amene bale so sioni nyama ni ade ni so.