Esdras 6:20 - Mbeti ti Nzapa - Tënë so amu fini

²⁰ Awayango-sandaga na azo ti mara ti Lévi abongbi oko si *asukula sioni na tere ti ala. So azo ti mara ti Lévi aga *nzoni awe, ala fâ amolenge ti taba ti Pake ndali ti azo kue, ndali ti a-ita ti ala awayango-sandaga nga ndali ti ala wani.

Esdras 6:20 ပူးပေါင်းရင်းမြစ်များ

2 Mbai 29:34

Me wungo ti awayango-sandaga ni ayeke kete mingi ti zi poro ti anyama so kue a yeke mu na sandaga so a yeke gbi ni kue na wâ; nilaa a-ita ti ala, azo ti mara ti Lévi, amu maboko na ala ngbii kua ni ahunzi, ti ku titene ambeni wayango-sandaga *asukula sioni na tere ti ala si. Biani, azo ti mara ti Lévi aleke be ti ala ti sukula sioni ti ala ahon awayango-sandaga.

2 Mbai 35:11

Azo afâ go ti anyama ni; ala mu mene ni na awayango-sandaga si awayango-sandaga afi ni na ndö ti gbalaka. Azo ti mara ti Lévi azi poro ti anyama ni.

2 Mbai 35:14

Na pekoni, azo ti mara ti Lévi aleke ye so ayeke ndali ti ala wani nga ndali ti awayango-sandaga, ngbanga ti so awayango-sandaga so ayeke *ahale ti Aaron angba ti mu sandaga so a yeke gbi ni kue na wâ, ala ngba nga ti zö mafuta ngbii ndo avuko. Ndani laa azo ti mara ti Lévi ato kobe ndali ti ala wani nga ndali ti awayango-sandaga so ayeke ahale ti Aaron.

2 Mbai 35:15

Azo ti hengo bia so ayeke ahale ti Asaf angba na ndo ti kua ti ala, alingbi na yanga so David, Asaf, Heman na Yedutun, zo ti bango nda ti aye ti gbia amu. Azo ti batango ayanga ti gbagba angba na ndo ti kua ti ala; ala zia kua ti ala ahon pepe, ngbanga ti so a-ita ti ala, azo ti mara ti Lévi ayeke to kobe ndali ti ala.

Sigingo 12:21

Moïse airi *akangba ti Israel kue si lo tene na ala: “Ala gue, amu kete taba wala kete ngasa ndali ti asewa ti ala, ala fâ ni ti sara na *matanga ti Pake.

Ahebro 7:27

Jésus ayeke tongana tanga ti akota wayango-sandaga pepe: lo baa nzoni na le ti lo pepe ti ya *sandaga na ya ti lango oko oko ndali ti asiokpari ti lo wani kozoni si na pekoni, lo ya sandaga ndali ti asiokpari ti azo. Lo mu ti lo sandaga ni fani oko biani biani na ndembe so lo ka tere ti lo na kuâ.