Esdras 6:18 - Mbeti ti Nzapa - Tënë so amu fini

¹⁸ A kangbi ya ti awayango-sandaga na azo ti mara ti Lévi si ala duti na ya ti abongbi nde nde, tongaso si ala lingbi ti sara kua ti Nzapa na Jérusalem, alingbi na tënë so a su na ya ti mbeti ti Moïse.

Esdras 6:18 ပူးပေါင်းရင်းမြစ်များ

1 Mbai 24:1

A kangbi *ahale ti Aaron na ya ti abongbi nde nde. Aaron adu amolenge-koli osio: Nadab, Abihu, Elazar na Itamar.

1 Mbai 24:24

Molenge ti Uziel ayeke Mika. Na popo ti ahale ti Mika, Shamir ayeke daa.

1 Mbai 25:1

David na amakonzi ti abongbi azia ambeni *hale ti Asaf, ti Heman na ti Yedutun nde ti sara kua ti Nzapa. Ala yeke he bia ti tene atënë so alondo na Nzapa si ala yeke pika na gbe ni akundi, akete kundi nga na awen so ayeke toto. Iri ti azo so a mu ala ndali ti kua ni ayeke so:

2 Mbai 35:10

Ala leke lege ti sarango matanga ni tongaso: awayango-sandaga aluti na ndo ti kua ti ala si azo ti mara ti Lévi aluti nga na ya ti bongbi ti ala, alingbi na yanga so gbia amu.

2 Mbai 7:6

Awayango-sandaga aluti na ndo ti kua ti ala; azo ti mara ti Lévi aluti nga si ala yeke pika aye ti mozoko so David aleke ndali ti KOTA GBIA; ala yeke sepela KOTA GBIA, alingbi na bia so David azia na ala; ala tene: “Biani, nzoni be ti lo angba kpu na kpu!” Awayango-sandaga aluti na dawa ti ala si ala yeke huru atatalita; azo ti Israel kue aluti na nduzu.

Wungo ti azo 3:6

“Mo tene na azo ti mara ti Lévi ti ga nduru na tere ti mo; mo zia ala na gbe ti wayango-sandaga Aaron titene ala mu maboko na lo.

Wungo ti azo 3:9

Fade mo yeke mu azo ti mara ti Lévi ti zia ala na gbe ti Aaron nga na gbe ti amolenge ti lo; a yeke mu ala na popo ti azo ti Israel si a yeke mu ala biani biani na Aaron nga na amolenge ti lo.