Esdras 6:15 - Mbeti ti Nzapa - Tënë so amu fini

¹⁵ Kota da ni ahunzi na lango baleuse na ota ti nze ti Adar ti ngu omene ni so Darius ayeke le-gbia.

Esdras 6:15 ပူးပေါင်းရင်းမြစ်များ

1 Agbia 8:63

Salomon amu sandaga ti beoko na KOTA GBIA: abagara saki baleuse na use, ataba na angasa saki ngbangbo oko na baleuse. Lege so lo na azo ti Israel kue asara matanga ti ziango kota da ni nde ndali ti KOTA GBIA laa.

Esdras 4:24

Na Jérusalem, akua ti lekengo kota da ti Nzapa aluti; akua ni aluti ngbii asi na ngu use ni so Darius ayeke gbia ti Perse.

Esdras 5:16

Nilaa Sheshebasar aga ge na Jérusalem, lo lu afini gere ti kota da ti Nzapa. Ti londo na ngoi ni so ngbii asi fadeso, kua ti da ni angba ti tambula, me ade ti hunzi pepe.’

Esdras 9:9

Biani, e yeke ando angbaa, me mo Nzapa ti e, mo zia e na ya ti ngbaa ni pepe. Mo sara si agbia ti Perse asara nzoni be na e; ala kiri fini na e si e lingbi ti leke kota da ti mo nga na agbagba ni so a kungbi ando na sese; e wara ndo so e lingbi ti duti daa na Jérusalem nga na sese ti Juda si sioni ye asi na e pepe.

Esther 3:13

Ala mu ambeti ni na azo ti tokua ti gbia si azo ti tokua ni ague na ni na ya ti akodro-sese ni oko oko kue. Tënë ti ya ti mbeti ni ayeke tongaso: “Ala gbu azuife kue, amaseka na akangba, amolenge na awali kue gi na ya ti lango oko; ala fâ azo ni kue ahunzi ala, mbeni oko angba pepe. Ala gbu akungba ti azo ni si aga ti ala. Ala sara ye so kue gi na ya ti lango oko, mbirimbiri na lango baleoko na ota ti nze baleoko na use ni so a iri ni nze ti Adar.”

Esther 3:7

Na ngu baleoko na use so Zerses aga gbia, na kozo nze so iri ni nze ti Nisan, Haman amu yanga titene a bi zeke so iri ni purim. Ala bi zeke ni ti mu lege na ala ti hinga lango wa na nze wa so ala lingbi ti fâ azuife ni. Zeke ni afa nze ti Adar so ayeke nze baleoko na use ni.

Esther 8:12

Ala sara aye so kue gi na ya ti lango oko na ya ti kodro ti gbia Zerses ni kue, mbirimbiri na lango baleoko na ota ti nze baleoko na use ni so a iri ni nze ti Adar.

Esther 9:1

Lango baleoko na ota ti nze baleoko na use, so ti tene nze ti Adar alingbi awe. Lango so mbela ti gbia ayeke wara ngangu ti lo na ni laa; so ti tene lango so awato ti azuife abaa ti ala atene, ala yeke sara komandema na ndö ti azuife, me ye ni akiri aga nde: azuife laa akiri ale-gbia na ndö ti azo so lani ake ala.

Esther 9:15

Na lango baleoko na osio ti nze ti Adar, azuife so ayeke na Suze akiri abongbi tere ti ala si ala fâ azo ngbangbo ota, me ala gbu ye ti azo ni pepe.

Esther 9:17

Ala sara ye ni so na lango baleoko na ota ti nze ti Adar. Na lango baleoko na osio ni, ala wu tere ti ala. Ala sara si lango ni so aga lango so ala yeke duti ti te, ti nyon, ti sara ngia.

Esther 9:19

Ndani laa azuife so ayeke lango na ya ti akete kodro ayeke sara kua na lango baleoko na osio ti nze ti Adar pepe; ala sara si lango ni so aga lango so ala yeke duti ti te, ti nyon, ti sara ngia, ti sara amatanga si ti tokua akobe na amba ti ala na popo ti ala.

Esther 9:21

Lo hunda na ala titene na ngu oko oko, ala mu lango baleoko na osio nga na lango baleoko na oku ti nze ti Adar tongana alango ti matanga.

Zakarii 1:1

Na ngu use ni so Darius ayeke gbia, na nze miombe ni, tënë ti *KOTA GBIA asi na wayanga-Nzapa Zakarii, molenge ti Berekia, molenge ti Ido. Tënë ni atene:

Zakarii 1:16

Ndani laa, tënë so KOTA GBIA atene ayeke so: mbi yeke kiri na mbage ti Jérusalem ti baa mawa ti lo; fade a yeke kiri ti leke da ti mbi kâ, a yeke kiri ti leke gbata ni; so tënë ti yanga ti KOTA GBIA so ayeke na ndö ti dunia kue laa.”

Zakarii 4:9

“Zorobabel laa alu agere ti kota da ni, lo laa lo yeke hunzi kua ti da ni.” Tongana ye ni asi, fade ala yeke hinga atene, KOTA GBIA so ayeke na ndö ti dunia kue laa atokua mbi na ala.