Esdras 5:5 - Mbeti ti Nzapa - Tënë so amu fini

⁵ Me le ti Nzapa ayeke na ndö ti *akangba ti azuife. Nilaa a kanga lege na ala pepe ti leke kota da ti Nzapa. Azo ni atokua mbeti na gbia Darius si ala yeke ku titene lo kiri tënë na ala na ndö ni si.

Esdras 5:5 ပူးပေါင်းရင်းမြစ်များ

2 Mbai 16:9

Biani, le ti KOTA GBIA ayeke baa ndo na ndö ti sese kue titene lo mu maboko na azo so azia be ti ala kue na lo. Me ye so mo sara so, mo sara ni tongana zo so li ti lo ayeke daa pepe. Ndani laa, ti fadeso, awato ti mo ayeke ga na bira na tere ti mo.”

Esdras 7:28

KOTA GBIA laa asara nzoni be na mbi na le ti gbia na awamungo-wango ti lo, nga na le ti akota zo so kue angoro lo. Be ti mbi awara ngangu ndali ti so maboko ti KOTA GBIA Nzapa ti mbi ayeke na ndö ti mbi, nilaa mbi wara lege ti bongbi ambeni kota zo ti Israel si mbi na ala, e gue so.”

Esdras 8:22

Tongana mbi hunda fade na gbia titene lo mu na e aturugu na azo ti kpengo na ambarata titene ala bata e na lege ndali ti awato ti e, ka kamene asara mbi. Biani, lani e tene na gbia, e tene: “Maboko ti Nzapa ti e ayeke na ndö ti azo so kue ayeke gi lo; me ngonzo ti lo ayeke londo ngangu na tere ti azo so azia lo.”

Abia (Psaumes) 32:8

KOTA GBIA atene na mbi: “Fade mbi yeke fa ye na mo, mbi yeke fa na mo lege ti tambula daa, mbi yeke mu na mo wango si mbi yeke baa ndo na ndö ti mo.

Abia (Psaumes) 33:18

Me le ti KOTA GBIA ayeke na ndö ti azo so ayeke kpe mbeto ti lo, azo so azia be ti ala ti ku nzoni be ti lo

Abia (Psaumes) 34:15

Mo ke lege ti sioni ye, mo sara nzoni ye; mo gi lege ti siriri, mo ngba daa.

Abia (Psaumes) 76:10

na ndembe so mo londo ti fâ ngbanga, ti soo asenge zo kue ti sese. Luti kete

Filipe 1:28

Ala mu lege na awato ti ala ti zia mbeto na be ti ala oko pepe. So laa ayeke fa atene, lege ti awato ti ala ni ayeke gue na ala na kuâ; me ti ala, azo ti Filipe, ye ni ayeke ga ande ye ti songo ala na kuâ, ngbanga ti so Nzapa laa asara titene ala soo kuâ.

1 Pierre 3:12

Biani, le ti *Kota Gbia ayeke na ndö ti azo ti mbirimbiri, mê ti lo ayeke ma sambela ti ala; me ti azo so ayeke sara ye ti sioni, Kota Gbia ayeke londo ti ke ala.”