Esdras 4:9 - Mbeti ti Nzapa - Tënë so amu fini

⁹ “Rehum, govoronere ti sese ni, lo na wakuasu Shimeshai, na amba ti ala, azo ti sese ti Din, ti Afarsatak, ti Tarpel, ti Afaras, ti Erek, ti Babilone, ti Suze, ti Deha na ti Elam,

Esdras 4:9 ပူးပေါင်းရင်းမြစ်များ

Tongo nda ti aye 10:22

Amolenge ti Sem ayeke so: Elam, Asur, Arpaksad, Lud na Aram.

2 Agbia 17:24

Gbia ti Asirii amu azo ti Babilone, ti Kuta, ti Ava, ti Hamat na ti Sefarvaim aga na ala si lo zia ala na ya ti agbata ti Samarii na plase ti azo ti Israel. Azo ni amu Samarii, aga sese ti ala wani si ala duti na ya ti agbata ni.

Esdras 4:8

Rehum, govoronere ti sese ni, lo na wakuasu Shimeshai, asu mbeti na gbia Artakzerses ti tene tënë na lo na ndö ti Jérusalem. Mbeti ni ato nda ni tongaso:

Esdras 5:3

Gi hio tongaso, Tatenai, govoronere ti sese so ayeke na Do ti ngu ti Efrate, na Shetar-Boznai na amba ti ala aga abaa ala si atene na ala: “Zo wa laa amu na ala yanga ti leke kota da ti Nzapa so, ti leke agbagba ni na nduzu, zo wa?

Esdras 5:6

So ayeke mbeti so Tatenai, govoronere ti sese so ayeke na Do ti ngu ti Efrate, lo na Shetar-Boznai na amba ti ala, akota komanda so ayeke na Do ti ngu ti Efrate asu si atokua na gbia Darius laa.

Esdras 6:6

Tongaso, gbia Darius asu mbeti si lo tokua na Tatenai, govoronere ti sese so ayeke na Do ti ngu ti Efrate, lo na Shetar-Boznai nga na amba ti ala, akota komanda ti sese ni; lo tene: “Ala zia tënë so!

Néhémie 4:2

Ala kue ama tere na hondengo ni ti ga ti sara bira na Jérusalem nga ti bi wusuwusu na ya ti gbata ni.

Esther 1:2

Na ngoi ni so, ngu ota na peko ti so lo gbu mbata ti kua ti lo na kota kodro ni so ayeke Suze,

Esther 2:3

Ayeke nzoni lo zia akota zo so ayeke na ya ti akodro-sese ti lo kue ti bongbi apendere maseka-wali kue si aga na ala na da ti awali ti gbia so ayeke na kota kodro ti Suze. Fade Hege, *mbaiwa so ayeke zo ti batango awali ti gbia ayeke baa ndo na ndö ti ala. Lo laa lo yeke mu ande na ala aye ti sarango na pendere ti ala.

Ésaïe 21:2

Na ya ti mbeni ye tongana bango-li, mbi baa mbeni ye so ayeke sioni mingi: zo so lani ayeke na ya ti *mbuki, lo ga zo ti kango azo, zo ti bubango ye ayeke sara kua ti lo. *KOTA GBIA atene: “Azo ti Elam, ala londo na bira ma! Azo ti Medii, ala ngoro gbata ni na bira! Mbi yeke sara titene dema kue akai.”

Jérémie 25:25

– agbia kue ti Zimri, ala ti Elam na ala ti Medii kue;

Jérémie 49:34

Tënë ti *KOTA GBIA asi na wayanga-Nzapa Jérémie ndali ti azo ti sese ti Elam. Tënë ni asi na lo na ngoi so Sedesias, gbia ti Juda, ato nda ti le-gbia.

Ezekiel 32:24

“Baa, gbia ti Elam laa, lo na azo ti lo so ayeke gbani gbani; adu ti kuâ ti ala angoro ti ti lo kue. A fâ ala kue na ya ti bira. Azo so afâ ganza pepe si ayeke zia lani kota mbeto na be ti azo so angba na fini na ndö ti dunia so, ala zu yongoro kâ na gbe ti sese awe. Kamene ahon ndö ti ala, ala na azo so azu na ya ti du ti kuâ.

Daniel 8:2

Ye so mbi baa na ya ti mbeni ye tongana bango-li ayeke tongaso: Mbi baa tere ti mbi tongana mbi yeke na yanga ti ngu so iri ni Ulai, na Suze, li-kodro ni so ngangu gbagba ayeke na tere ni si ayeke na sese ti Elam.

Awatokua 2:9

E so e londo na Parte, na Medii, na Elam, na Mezopotamii, na Judée, na Kapadose, na Pon, na Azii,