Esdras 4:7 - Mbeti ti Nzapa - Tënë so amu fini

⁷ Na ngoi so Artakzerses ayeke le-gbia na kodro ti Perse, Bishelam, Mitredat, Tabeel na ambeni mba ti ala asu nga mbeti na gbia Artakzerses. Ala su mbeti ni na yanga ti arameen nga na kode ti sungo agere ti mbeti ti yanga ti arameen.

Esdras 4:7 ပူးပေါင်းရင်းမြစ်များ

2 Agbia 18:26

Tongaso Eliakim, molenge ti Hilkia, Shebna na Yoa atene na makonzi ti aturugu ti batango gbia, atene: “E gbu gere ti mo, mo tene tënë na e, azo ti gbe ti mo, na yanga ti arameen, ngbanga ti so e yeke ma ni. Me mo tene tënë ni na yanga ti hebro pepe, ngbanga ti azo so aduti na ndö ti gbagba ti gbata ni.”

Esdras 4:1

Awato ti azuife ti mara ti Juda na ti Benjamin ama a tene, azo ti Israel alondo na kodro wande, ala kiri si ala yeke leke kota da ti *KOTA GBIA, Nzapa ti Israel.

Esdras 4:17

Gbia Artakzerses akiri na peko ti mbeti ni atene: “Mbi tokua mbeti so na govoronere Rehum, na wakuasu Shimeshai nga na amba ti ala so ayeke na gbata ti Samarii nga na ala so ayeke na sese ti Do ti ngu ti Efrate. “Mbi bara ala…

Esdras 4:8

Rehum, govoronere ti sese ni, lo na wakuasu Shimeshai, asu mbeti na gbia Artakzerses ti tene tënë na lo na ndö ti Jérusalem. Mbeti ni ato nda ni tongaso:

Esdras 4:9

“Rehum, govoronere ti sese ni, lo na wakuasu Shimeshai, na amba ti ala, azo ti sese ti Din, ti Afarsatak, ti Tarpel, ti Afaras, ti Erek, ti Babilone, ti Suze, ti Deha na ti Elam,

Esdras 5:6

So ayeke mbeti so Tatenai, govoronere ti sese so ayeke na Do ti ngu ti Efrate, lo na Shetar-Boznai na amba ti ala, akota komanda so ayeke na Do ti ngu ti Efrate asu si atokua na gbia Darius laa.

Esdras 7:1

Na peko ti aye so, na ngoi so Artakzerses ayeke gbia na kodro ti Perse, mbeni zo alondo na Babilone asi; iri ti lo Esdras. Esdras ayeke mbeni *hale ti kota wayango-sandaga Aaron. Molongo ti ahale ti Esdras ayeke tongaso: Esdras ayeke molenge ti Seraya; Seraya ayeke molenge ti Azaria; Azaria ayeke molenge ti Hilkia; Hilkia ayeke molenge ti Shalum; Shalum ayeke molenge ti Sadok; Sadok ayeke molenge ti Ahitub; Ahitub ayeke molenge ti Amaria; Amaria ayeke molenge ti Azaria; Azaria ayeke molenge ti Merayot; Merayot ayeke molenge ti Zeraya; Zeraya ayeke molenge ti Uzi; Uzi ayeke molenge ti Buki; Buki ayeke molenge ti Abishua; Abishua ayeke molenge ti Pinas; Pinas ayeke molenge ti Elazar; Elazar ayeke molenge ti Aaron. Esdras ahinga mbeti mingi, lo hinga nga *Ndia ti *KOTA GBIA mingi, Ndia so KOTA GBIA, Nzapa ti Israel afa na Moïse so. Ndali ti so maboko ti KOTA GBIA Nzapa ti Esdras ayeke na ndö ti lo, gbia ayeke mu na lo aye so kue lo hunda.

Esdras 8:36

Na pekoni, mbeti ti ndia so gbia amu lani na ala so, ala mu ni na akota komanda ti gbia nga na agovoronere so ayeke na Do ti ngu ti Efrate. Akota zo ni so amu maboko na azo ti Israel nga na kota da ti Nzapa.

Néhémie 2:1

Na ngu baleuse ni so Artakzerses ayeke le-gbia, na nze ti Nisan, na ndembe so gbia aduti ti te kobe, mbi mu samba mbi tuku ni na lo. Mbi yeke na vundu; laoko mbi si na dawa ti lo tongaso pepe.

Ésaïe 36:11

Tongaso Eliakim, Shebna nga na Yoa atene na makonzi ti aturugu ti batango gbia, atene: “E gbu gere ti mo, mo tene tënë na e, azo ti gbe ti mo, na yanga ti arameen, ngbanga ti so e yeke ma ni. Me mo tene tënë ni na yanga ti hebro pepe, ngbanga ti azo so aduti na ndö ti gbagba ti gbata ni.”

Daniel 11:2

Fadeso, mbi yeke fa na mo taa-tënë.’ ” “ ‘Baa, ambeni gbia ota ayeke kiri ti ga na li ti kodro ti Perse; osio ni ayeke ga nga. Me osio ni ayeke wara mosoro mingi ahon ambeni so kue. Tongana lo baa so mosoro ti lo ni amu na lo ngangu so alingbi awe, fade lo yeke londo ti sara bira na kodro ti Grese.

Daniel 2:4

Ala kiri tënë na lo na yanga ti *arameen, atene: “Gbia na nduzu! Mo fa na e, azo ti kua ti mo, bango-li ni si e fa nda ni na mo.”