Esdras 4:6 - Mbeti ti Nzapa - Tënë so amu fini

⁶ Na ndembe so Zerses ato nda ti le-gbia na kodro ti Perse, awato ti azuife asu mbeti na tere ti azo ti Juda na ti Jérusalem si ala tokua ni na gbia.

Esdras 4:6 ပူးပေါင်းရင်းမြစ်များ

Tongo nda ti aye 26:21

Azo ti kua ti Isaac akiri azi mbeni du ti ngu nde; azo akiri apapa na lo ndali ni. Isaac adi iri ti du ti ngu ni Sitna.

Esdras 4:5

Ti londo na ngoi so kue Sirus ayeke gbia ti Perse ngbii asi na ngoi so Darius aga gbia ti Perse, awato ni amu nginza na awamungo-wango ti gbia ti sara titene pialo ti azuife ali ngu.

Esther 1:1

Ye ni asi na ngoi ti gbia Zerses; Zerses ayeke ando gbia na ndö ti akodro-sese ngbangbo oko baleuse na mbarambara, ti londo na Inde ngbii asi na Etiopii.

Esther 1:10

Na lango mbarambara ti matanga ni, na peko ti so lo nyon vin ngbii si tere ti lo anzere awe, lo mu yanga na *ambaiwa ti lo mbarambara Mehuman, Bizta, Harbona, Bigta, Abagta, Zetar na Karkas

Esther 2:16

Na ngu mbarambara so gbia Zerses aga gbia, na nze baleoko ni, so ti tene na nze ti Tebet, a mu Esther si a gue na lo na tere ti gbia kâ na yangbo ti gbia.

Esther 3:8

Haman atene na gbia Zerses: “Babâ gbia, mbeni mara ayeke na ya ti kodro so ayeke ti lo nde. Azo ti mara ni amu ya ti kodro ti mo kue si ala yeke duti ti ala nde na azo ti kodro ni. Lege ti dutingo ti ala na sarango ye ti ala ayeke nde na ti ambeni mara; ala ye ti sara ye alingbi na andia ti gbia pepe. Tongana mo zia ala duti kpoo tongaso, mo yeke wara nyen daa?

Daniel 11:2

Fadeso, mbi yeke fa na mo taa-tënë.’ ” “ ‘Baa, ambeni gbia ota ayeke kiri ti ga na li ti kodro ti Perse; osio ni ayeke ga nga. Me osio ni ayeke wara mosoro mingi ahon ambeni so kue. Tongana lo baa so mosoro ti lo ni amu na lo ngangu so alingbi awe, fade lo yeke londo ti sara bira na kodro ti Grese.

Daniel 9:1

Darius, molenge ti Zerses, zo ti mara ti Medii laa ayeke gbia na ndö ti kodro ti Babilone.

Matthieu 27:37

Na li ti keke ti kroa ti lo, ala zia mbeni mbeti so afa nda ti ngbanga so a fâ na li ti lo, atene: “So Jésus, gbia ti azuife.”

Awatokua 24:13

Azo ni alingbi ti fa na mo pepe ye so afa atene, tënë so ala yeke bi na li ti mbi fadeso ayeke taa-tënë.

Awatokua 25:7

So Paul asi awe, azuife so alondo na Jérusalem aga, ala luti angoro lo si ala to nda ti bi akota tënë mingi na li ti lo, me ala lingbi ti fa pepe ye so afa atene, tënë so ala yeke bi na li ti lo so ayeke taa-tënë.

Aye so Nzapa afa 12:10

Na pekoni, mbi ma mbeni kota go so alondo na yayu, atene: “Fadeso ngoi titene Nzapa asoo e asi awe! Fadeso lo fa ngangu ti lo ti gbia awe! Fadeso *Mesii ti lo afa so lo yeke na komandema awe! Zo ti bingo tënë na li ti a-ita ti e, lo so lo yeke luti na le ti Nzapa ti bi tënë na li ti ala bi na lâ so, a mu lo na yayu, a bi lo na gigi awe.