Esdras 4:5 - Mbeti ti Nzapa - Tënë so amu fini

⁵ Ti londo na ngoi so kue Sirus ayeke gbia ti Perse ngbii asi na ngoi so Darius aga gbia ti Perse, awato ni amu nginza na awamungo-wango ti gbia ti sara titene pialo ti azuife ali ngu.

Esdras 4:5 ပူးပေါင်းရင်းမြစ်များ

2 Mbai 22:4

Lo sara ye so ayeke sioni na le ti *KOTA GBIA tongana ti azo ti sewa ti Akab. Na peko ti kuâ ti babâ ti lo, azo ti sewa ti Akab laa aga azo ti mungo wango na lo si wango ti ala ni ague na lo na kuâ.

Esdras 4:24

Na Jérusalem, akua ti lekengo kota da ti Nzapa aluti; akua ni aluti ngbii asi na ngu use ni so Darius ayeke gbia ti Perse.

Esdras 4:4

Tongaso azo ti kodro ni ato nda ti sara si be ti azuife awoko, ala zia mbeto na be ti azuife, tongaso si ala lingbi ti do lege ti lekengo da ni ti zia.

Esdras 4:6

Na ndembe so Zerses ato nda ti le-gbia na kodro ti Perse, awato ti azuife asu mbeti na tere ti azo ti Juda na ti Jérusalem si ala tokua ni na gbia.

Esdras 5:5

Me le ti Nzapa ayeke na ndö ti *akangba ti azuife. Nilaa a kanga lege na ala pepe ti leke kota da ti Nzapa. Azo ni atokua mbeti na gbia Darius si ala yeke ku titene lo kiri tënë na ala na ndö ni si.

Daniel 10:13

Me *ange so ayeke bata kodro ti Perse agbanzi lege na mbi na ya ti lango baleuse na oko. Na pekoni, Michel, oko ti akota makonzi ti a-ange aga ti mu maboko na mbi. Tongaso mbi ngba kâ na tere ti agbia ti Perse.

Nahum 1:11

Zo so aleke na be ti lo ti sara sioni na KOTA GBIA, zo ni asigigi na ya ti kodro ti mo. Zo ni aleke na be ti lo sioni pialo ti bubango ndo.