Esdras 4:4 - Mbeti ti Nzapa - Tënë so amu fini

⁴ Tongaso azo ti kodro ni ato nda ti sara si be ti azuife awoko, ala zia mbeto na be ti azuife, tongaso si ala lingbi ti do lege ti lekengo da ni ti zia.

Esdras 4:4 ပူးပေါင်းရင်းမြစ်များ

2 Samuel 4:1

So Ishebaal, molenge ti Saul ama a tene, Abner akui na Hebron awe, ngangu ti lo ahunzi kue si kota mbeto agbu azo ti Israel kue.

Esdras 3:3

Ataa so mbeto ti azo nde so aduti na ya ti kodro ni asara ala, azo ti Israel akiri aleke gbalaka ni na ndö ti akozo gere ni. Na pekoni ala ya asandaga so a yeke gbi ni kue na wâ na *KOTA GBIA: asandaga ti ndaperere na ti lakui.

Esdras 4:5

Ti londo na ngoi so kue Sirus ayeke gbia ti Perse ngbii asi na ngoi so Darius aga gbia ti Perse, awato ni amu nginza na awamungo-wango ti gbia ti sara titene pialo ti azuife ali ngu.

Néhémie 4:11

Azo ti lekengo gbagba na azo ti yongo akungba ayeke sara kua na mbeni maboko oko si ala gbu aye ti bira na tanga ti maboko ni.

Néhémie 4:2

Ala kue ama tere na hondengo ni ti ga ti sara bira na Jérusalem nga ti bi wusuwusu na ya ti gbata ni.

Néhémie 6:9

Biani, azo so kue aye ti bi mbeto na ya ti e; nilaa ala tene: “Gbaa, fade be ti ala ayeke woko si ala yeke do lege ti kua ni ti zia.” KOTA GBIA, mo mu na mbi ngangu ndali ti kua ni!

Jérémie 38:4

Na pekoni, akota zo ti kodro ni atene na gbia Sedesias: “E ye gi kuâ ti Jérémie, ngbanga ti so atënë so lo yeke tene, asara si be ti aturugu nga na be ti azo ti kodro kue awoko. Koli so aye nzoni ti azo ti kodro so pepe, me lo ye gi sioni ti ala.”

Daniel 10:13

Me *ange so ayeke bata kodro ti Perse agbanzi lege na mbi na ya ti lango baleuse na oko. Na pekoni, Michel, oko ti akota makonzi ti a-ange aga ti mu maboko na mbi. Tongaso mbi ngba kâ na tere ti agbia ti Perse.

Daniel 10:20

Lo hunda mbi, lo tene: ‘Mo hinga nda ni so mbi ga na mbage ti mo? Fadeso mbi yeke kiri ti tiri bira na ange so ayeke bata kodro ti Perse. Gi so mbi sigigi ti gue, ange so ayeke bata kodro ti Grese asi.