Esdras 4:20 - Mbeti ti Nzapa - Tënë so amu fini

²⁰ Ando, ambeni ngangu gbia ayeke na Jérusalem; ala yeke le-gbia na sese so kue ayeke na Do ti ngu ti Efrate. Azo ayeke futa na ala alapo, lapo na ndö ti akungba nga na alapo ti lege.

Esdras 4:20 ပူးပေါင်းရင်းမြစ်များ

Tongo nda ti aye 15:18

Gi na lango ni so KOTA GBIA asara *mbuki na popo ti lo na Abram, lo tene: “Mbi yeke mu ande kodro so na ahale ti mo. Kodro ni ayeke londo na ngu ti Ezipte ague ngbii asi na *bale ti Efrate.

1 Agbia 5:1

Salomon asara komandema na ndö ti akodro-gbia kue, ti londo na *bale ti Efrate asi na kodro ti azo ti Filistii, akiri ague ngbii asi na katikati ti sese ti Ezipte. Agbia ti akodro so kue ayeke na gbe ti Salomon, ala yeke futa alapo na lo na ngoi so kue lo ngba na fini.

1 Agbia 5:4

Salomon aduti na ndö ti akodro so kue ayeke na mbage ti Do ti bale ti Efrate, ti londo na Tifsa ngbii asi na Gaza. Agbia ti akodro so kue ayeke na gbe ti Salomon. Lo duti na siriri na azo ti akodro so kue ayeke nduru na tere ti lo.

1 Mbai 18:13

Lo zia agovoronere na ndö ti azo ti Edom si ala ga azo ti gbe ti David. KOTA GBIA asara si David aso benda na ndö ti awato ti lo na ndo so kue lo yeke gue daa.

1 Mbai 18:3

David ahon nga ndö ti Hadadezer, gbia ti Soba na bira, Soba so ayeke na mbage ti gbata ti Hamat. Na ndembe ni, Hadadezer atara ti zia maboko na ndö ti akodro so ayeke na tere ti *bale ti Efrate.

1 Mbai 18:6

David azia agovoronere na ndö ti ala, ala ga azo ti gbe ti lo si ala yeke futa lapo na lo. *KOTA GBIA asara si David aso benda na ndö ti awato ti lo na ndo so kue lo yeke gue daa.

1 Mbai 19:19

So azo so ayeke na gbe ti gbia Hadadezer abaa so azo ti Israel ahon ndö ti ala na bira awe, ala leke tënë ti siriri na David si ala duti na gbe ti lo. Na pekoni, azo ti Sirii aye mbeni pepe ti mu maboko na azo ti Amon.

2 Mbai 17:11

Ataa azo ti Filistii kue aga na lo kadoo wala lapo ti wen ti nginza. A-arabu aga na lo anyama: akoli-taba 7 700 nga na akoli-ngasa 7 700.

2 Mbai 9:14

Na ndö ni, lo yeke wara nga nginza ti lapo so azo ayeke futa na ndö ti akungba so ayeke londo na kodro wande nga na ndö ti akungba ti dengo buze. Agbia ti Arabii kue na agovoronere ti kodro ni ayeke ga nga na lo lôro na wen ti nginza.

Esdras 4:13

Gbia, ayeke nzoni mo hinga, mo tene, tongana a leke gbata so si a leke gbagba ni awe, fade azo ni ayeke kiri ti futa lapo pepe, wala lapo na ndö ti akungba wala lapo ti lege pepe. Tongana ala ke ti futa ni, fade mosoro ti gbia ayeke kiri na peko.

Esdras 4:16

Tongana a kiri aleke gbata ni si a kiri aleke gbagba ni na nduzu, asese so ayeke na Do ti ngu ti Efrate ayeke kiri ti duti ti mo pepe.”

Esdras 4:19

Mbi mu yanga titene a gi nda ti atënë ni. A baa biani so, ngu na ngu gbata ti Jérusalem ayeke tomboka na tere ti agbia, azo ni ayeke bi akpale mingi si ala yeke sara wusuwusu.

Esdras 4:21

Fadeso, alingbi ala mu yanga na azuife ti kai akua ni: ala yeke kiri ti leke gbata ni pepe ngbii mbi wani, mbi mu yanga na ala si.

Esdras 7:24

E ye nga ti fa na awabatango-nginza, e tene: fade awayango-sandaga, azo ti mara ti Lévi, azo ti hengo bia, asanziri na azo ti kua ti kota da ti Nzapa, na tanga ti azo ti kua kue, ndia amu lege pepe titene ala futa lapo, nginza na ndö ti akungba nga na lapo ti lege.

Abia (Psaumes) 72:8

Ayeke nzoni lo sara komandema, ti londo na mbeni kota ngu-ingo ngbii asi na mbeni kota ngu-ingo, ti londo na *bale ti Efrate ngbii asi na nda ti sese kue!

Abia ti demango tere 1:1

Azo-oo, azo! Taa gbata so ando azo asi singo daa so, ni laa angba fadeso gi lo oko so-oo! Gbata so iri ni awu ando na popo ti agbata kue so, ni laa aga fadeso tongana mbeni wali-mua so-oo! Gbata so ayeke ando na ndö ti akete-kodro kue so, ni laa fadeso kua ti ngbaa ahon ndö ti lo so-oo!

Ezekiel 19:11

Amaboko ti keke ni akpengba si aga keke ti komandema ti agbia. Lo yo na nduzu, lo hon li ti akeke kue. Ndali ti yongo ti lo nga ndali ti gba ti amaboko ti lo, azo kue ayeke baa lo.

Matthieu 9:9

So Jésus alondo na ndo so ti hon, lo baa mbeni koli so iri ti lo Matthieu; lo yeke duti na ndo so azo ayeke futa lapo daa. Jésus atene na lo: “Mu peko ti mbi!” Matthieu alondo si lo mu peko ti Jésus.