Esdras 4:15 - Mbeti ti Nzapa - Tënë so amu fini

¹⁵ Tongaso, ayeke nzoni gbia agi ya ti abuku ti mbai ti aye so agbia so aga kozoni na lo asara; na ya ti ambeti ni, fade gbia ayeke baa so azo ti gbata ni ayeke azo ti ngangu li: ala sara ngangu li na agbia nga na agovoronere ti asese ni lakue. Ngu na ngu, kua ti azo ni ayeke ti bingo wusuwusu. Ndani laa a buba gbata ni.

Esdras 4:15 ပူးပေါင်းရင်းမြစ်များ

2 Agbia 24:20

Akpale so aga na ndö ti Jérusalem nga na ndö ti Juda ndali ti ngonzo ti KOTA GBIA; ye so asara si lo tumba ala yongoro na tere ti lo. Sedesias atomboka na tere ti Nabukodonosor, gbia ti Babilone.

2 Agbia 25:4

Tongaso azo akoro mbeni du na ya ti gbagba ti gbata ni. Na bi, aturugu ni kue akpe ahon. Ataa so azo ti Babilone angoro gbata ni kue, aturugu ni ahon na yanga ti gbagba so ayeke na popo ti agbagba use, nduru na tere ti kete yaka ti gbia. Na pekoni, ala mu lege so ague na popo-hoto ti Jourdain.

Esdras 4:12

“Gbia, ayeke nzoni mo hinga, mo tene, azuife so alondo na mo kâ si ala si na e ge na Jérusalem so, ala to nda ti leke gbata ni awe, gbata ti azo ti ngangu li na ti azo ti sioni so. Ala yeke lu agere ti gbagba ni si ala yeke leke agbagba ni na nduzu.

Esdras 4:14

Babâ gbia, e so e wara pasa ti ga azo ti kua ti mo, e lingbi ti yeda pepe titene azo abaa mo tongana buba zo. Ndani laa e tokua mbeti so ti fa na mo aye so asi.

Esdras 4:16

Tongana a kiri aleke gbata ni si a kiri aleke gbagba ni na nduzu, asese so ayeke na Do ti ngu ti Efrate ayeke kiri ti duti ti mo pepe.”

Néhémie 2:19

Me so Sanebalat, zo ti gbata ti Horon, lo na Tobia, zo ti mara ti Amon so ayeke mu maboko na lo, na Geshem so ayeke arabu ama tënë ni, ala to nda ti he e na ngia; ala baa e tongana ambumbuse zo, ala tene: “Nyen laa ala yeke sara so, nyen? Ala ye ti tomboka na tere ti gbia laa ma?”

Néhémie 6:6

Tënë ti ya ti mbeti ni atene: “A yeke ma â-atene na popo ti amara nde atene, mo na a-ita ti mo azuife, ala yeke gi lege ti tomboka na tere ti gbia. Tënë so Geshem atene nga na e laa. Ndani laa mo yeke leke gbagba ti gbata ni so. Mo ye nga ti ga gbia ti azuife ni.

Esther 2:23

So azo agi nda ti tënë ni si ala baa so ye ni ayeke taa-tënë, ala gbu akoli use so akanga go ti ala na tere ti keke na nduzu. Na pekoni, taa na dawa ti gbia wani, ala su tënë ni na ya ti ambeti-sango ti ngu oko oko ti kodro-gbia ni.