Esdras 3:7 - Mbeti ti Nzapa - Tënë so amu fini

⁷ Ala mu nginza na azo ti dengo tere ti têne nga na asarapande. Ala mu kobe ti tengo ni, ye ti nyongo ni nga na mafuta na azo ti Sidon na ti Tir titene ala tokua ndo si a mu akeke ti sedre ti Liban aga na ni na le ti kota ngu-ingo ngbii asi na Zafa. Ala sara tongaso, ngbanga ti so Sirus, gbia ti Perse amu lege na ala.

Esdras 3:7 ပူးပေါင်းရင်းမြစ်များ

2 Samuel 5:11

Hiram, gbia ti Tir atokua azo na David; lo tokua nga akeke ti sedre, asarapande na azo ti surungo ya ti têne titene ala sara da na David.

1 Agbia 5:6

Salomon ayeke lani na ando ti lango saki baleosio ndali ti ambarata ti lo, ambarata so ayeke ndali ti apusu; lo yeke nga na ambarata saki baleoko na use.

2 Agbia 12:10

Wayango-sandaga Yoyada amu mbeni sanduku, lo koro du na yanga ni si lo zia na tere ti gbalaka, na mbage ti maboko ti koli na lingo na ya ti kota da ti KOTA GBIA. Nginza so kue azo ayeke ga na ni na ya ti kota da ti KOTA GBIA, awayango-sandaga so ayeke bata yanga ti kota da ni ayeke mu ni si ayeke zia na ya ti sanduku ni.

2 Agbia 12:13

amason na azo ti dengo tere ti têne; ala yeke mu nga nginza ni ti vo na akeke nga na atêne so a de tere ni dengo, ti vo na aye so kue ala lingbi ti leke na kota da ni.

2 Mbai 34:10

Ala zia nginza ni na maboko ti awakode-kua so ayeke baa ndo na ndö ti akua ti lekengo kota da ti KOTA GBIA. Awakode-kua ni amu nginza ni na azo so ayeke leke aye so abuba na ya ti kota da ti KOTA GBIA titene ala sara si da ni akpengba.

Esdras 3:6

Ataa so ala de ti lu gere ti kota da ti KOTA GBIA pepe, gi na kozo lango ti nze mbarambara ni, ala to nda ti ya na KOTA GBIA asandaga so a yeke gbi ni kue na wâ.

Ezekiel 27:17

Mo na azo ti Juda na ti Israel ayeke de nga buze. Ala yeke ga na *ble ti gbata ti Minit, bondo, mafuta ti wotoro, mafuta nga na yombo so afun nzoni mingi ti vo na akungba ti mo.

Jonas 1:3

Me Jonas alondo ti lo ti kpe ti gue na Tarsis, yongoro na le ti KOTA GBIA. Lo gue, lo si na Zafa. Kâ, lo wara mbeni mangboko so ayeke gue na Tarsis. Lo futa mangboko ni si lo na azo ti ya ni kue alondo ti gue na Tarsis, yongoro na le ti KOTA GBIA.

Awatokua 12:20

Be ti Herode aso mingi na azo ti Tir na ti Sidon. Azo ni ama tere ti gue ti baa Herode. Ala gue kozoni abaa Blastus, makonzi-kubu ti gbia titene lo gbu koko ti ala. Na pekoni, ala gue na Herode titene ala ma tere si siriri akiri na popo ti ala. Andaa kobe ayeke londo na kodro ti gbia Herode si ayeke gue na kodro ti ala.

Awatokua 9:36

Na gbata ti Zope, mbeni wali ayeke daa so ayeke disiple ti Jésus, iri ti lo ayeke Tabita. Iri ti lo na yanga ti greke ayeke Dorkas, nda ni atene “Dengbe”. Lo mu ngoi ti lo kue ti sara anzoni ye na azo, ti mu maboko na azo ti mawa.

Awatokua 9:38

Gbata ti Zope ayo na gbata ti Lida pepe. So adisiple ti Zope ama a tene, Pierre ayeke na Lida, ala tokua azo use na lo, atene: “Mo ga hio na e ge si!”

Awatokua 9:43

Pierre angba na Zope aninga, na da ti mbeni zo so a iri lo Simon; lo yeke zo ti sarango kua ti poro ti nyama.