Esdras 3:11 - Mbeti ti Nzapa - Tënë so amu fini

¹¹ Ala gonda KOTA GBIA na lege ti bia si ala mu singila na lo; ambeni ahe bia ni si ambeni akiri peko ti bia ni, atene: “KOTA GBIA ayeke nzoni, nzoni be ti lo angba ndali ti azo ti Israel kpu na kpu!” Azo kue asepela nga KOTA GBIA, ala dekongo ngangu, ngbanga ti so a lu gere ti kota da ti KOTA GBIA awe.

Esdras 3:11 ပူးပေါင်းရင်းမြစ်များ

1 Mbai 16:34

Ala sepela KOTA GBIA, ngbanga ti so lo yeke nzoni, nzoni be ti lo angba kpu na kpu!

1 Mbai 16:41

Na tere ti ala, lo zia Heman na Yedutun, ala na ambeni koli so a soro ala gi titene ala mu singila na KOTA GBIA: biani, nzoni be ti lo angba kpu na kpu!

2 Mbai 5:13

Azo ti hurungo tatalita na azo ti hengo bia abongbi tere ti ala kue ti sepela na ti gonda KOTA GBIA. Na ndembe so toto ti tatalita, ti ngo na ti aye ti mozoko alondo, ala yeke sepela KOTA GBIA, atene: “E mu singila na KOTA GBIA, ngbanga ti so lo yeke nzoni; nzoni be ti lo angba kpu na kpu!” Tongaso, mbinda asi singo na ya ti kota da ni, da ti KOTA GBIA.

2 Mbai 7:3

Azo ti Israel kue abaa wâ so alondo na yayu azu si gonda ti KOTA GBIA asi singo na ya ti kota da ni. Ala kuku akpo li ti ala na sese so a leke pendere pendere na têne; ala sepela KOTA GBIA, atene: “Biani, lo yeke nzoni; nzoni be ti lo angba kpu na kpu!”

Néhémie 12:24

Amakonzi ti azo ti mara ti Lévi Hashabia, Sherebia na Yeshua, molenge ti Kadmiel aluti abaa le na ambeni zo ti mara ti Lévi, ala yeke sepela Nzapa si ala yeke gonda lo, tongana ayeke ngoi ti ala ti sarango kua na ya ti kota da ti Nzapa. Amakonzi ni asara ye alingbi na yanga so David, zo ti Nzapa amu.

Néhémie 12:40

Use bongbi ti azo ti hengo bia ni ague, aluti na ya ti kota da ti Nzapa. Mbi nga, mbi luti, mbi na ndambo ti akota zo so amu peko ti mbi.

Abia (Psaumes) 100:5

Biani, KOTA GBIA ayeke nzoni, nzoni be ti lo angba kpu na kpu; lo ngba ti sara ye alingbi na tënë ti yanga ti lo ngu na ngu.

Abia (Psaumes) 103:17

Me nzoni be ti KOTA GBIA angba ngbene ye kpu na kpu, lakue lakue ndali ti azo so akpe mbeto ti lo. Lo ngba ti sara ye ti mbirimbiri na amolenge ti amolenge ti ala,

Abia (Psaumes) 106:1

Aleluya! Ala sepela *KOTA GBIA, ngbanga ti so lo yeke nzoni, nzoni be ti lo angba kpu na kpu!

Abia (Psaumes) 107:1

Ala sepela *KOTA GBIA, ngbanga ti so lo yeke nzoni, nzoni be ti lo angba kpu na kpu!

Abia (Psaumes) 118:1

Ala mu singila na *KOTA GBIA ngbanga ti so lo yeke nzoni. Biani, nzoni be ti lo angba kpu na kpu!

Abia (Psaumes) 131:1

A yeke he bia so na ndembe ti guengo ni na Jérusalem. Bia ti David. *KOTA GBIA, mbi yeke zo ti baba pepe, mbi ye gi kota ndo pepe. Mbi yeke kpe na peko ti akota ye pepe, wala aye so ahon ngangu ti mbi pepe.

Abia (Psaumes) 135:3

Ala sepela KOTA GBIA, ngbanga ti so lo yeke nzoni! Ala he bia ti gonda iri ti lo, ngbanga ti so lo yeke wara azo na ngia!

Abia (Psaumes) 47:1

Bia ti azo ti Kore; bia so ayeke ndali ti makonzi-bia.

Abia (Psaumes) 47:5

Lo soro na e kodro so aga ti e; e yeke gonda tere ti e ndali ni, e *ahale ti Jacob so Nzapa aye e mingi so. Luti kete

Sigingo 15:21

Miriam amu li ti bia ni na ala, atene: “Ala he bia na KOTA GBIA, lo fa kota ngangu ti lo, lo bi ambarata na azo ti kpengo na mbarata ni na ya ti kota ngu-ingo!”

Ésaïe 12:6

Ala, azo so alango na *Sion, ala dekongo na ngia, ala dodo na ngia, ngbanga ti so Nzapa ti Israel so ayeke na popo ti ala, lo yeke kota, lo yeke nde si lo yeke nzoni kue.

Ésaïe 44:23

Biani, *KOTA GBIA ayeke sara ye. Tongaso yayu, mo dekongo na ngia; gbe ti sese so alinda mingi, mo dodo na ngia! Ahoto, ala dekongo na ngia; ala agbako, ala na akeke ti ala, ala dekongo na ngia. Biani, KOTA GBIA azi Jacob awe, lo fa gonda ti lo na sese ti Israel.

Ésaïe 6:3

Ala yeke dekongo na amba ti ala, atene: “*KOTA GBIA ayeke nde, lo yeke nde, lo yeke nde si lo yeke nzoni kue, KOTA GBIA so ayeke na ndö ti dunia kue so! Ndö ti sese kue asi singo na gonda ti lo!”

Jérémie 33:11

bia ti azo so tere ti ala anzere, bia ti azo so ayeke na ngia, bia ti akoli na awali so amu tere fini ni. A yeke ma nga bia ti azo so ayeke ga na *sandaga ti mungo singila na ya ti kota da ti KOTA GBIA, atene: ‘Ala mu singila na KOTA GBIA so ayeke na ndö ti dunia kue, ngbanga ti so lo yeke nzoni, nzoni be ti lo angba kpu na kpu!’ Biani, fade mbi yeke sara titene kodro so akiri na kozo ndo ti lo”; tënë so KOTA GBIA atene laa.

Aggée 2:3

“Na popo ti ala, zo wa laa abaa ando mara ti pendere ti kota da ti KOTA GBIA ti kozoni so? Ti fadeso, ala yeke baa ni tongana nyen? Da ni ayeke fadeso ye oko na le ti ala pepe?

Zakarii 4:7

Ange ni akiri atene: “Kota hoto, mo yeke nyen? Na dawa ti Zorobabel, mo ga kpangbara ndo. Na ndo so laa lo yeke sigigi na kozo têne ti gere ti da ni. Fade azo ayeke dekongo, atene: ‘So pendere têne! So pendere têne!’ ”

Zakarii 9:9

Dodo na ngia, mo gbata ti *Sion! Dekongo na ngia, mo gbata ti Jérusalem! Baa, gbia ti mo ayeke ga na mbage ti mo; lo yeke mbirimbiri, lo so benda, lo sara tere ti lo tongana senge zo, lo duti na ndö ti lele, lo duti na ndö ti molenge ti lele.

Nzoni Tënë so Luc asu na mbeti 1:50

Lo yeke sara nzoni be kpu na kpu na azo so akpe mbeto ti lo.

Josué 6:10

Me Josué amu yanga na azo ni, atene: “Ala dekongo pepe! Ala kai kpoo! Tënë oko asigigi na yanga ti ala pepe, ngbii asi na lango so mbi yeke hunda na ala ti dekongo si ala dekongo.”

Josué 6:16

Ti fani mbarambara ni, so awayango-sandaga ahuru didi awe, Josué atene na azo ni, atene: “Ala dekongo ngangu, ngbanga ti so KOTA GBIA azia gbata ni na maboko ti ala awe!

Josué 6:5

Tongana a huru adidi ti akoli-taba ni aninga si ala ma ni, fade azo kue adekongo ngangu; fade ngangu gbagba so angoro gbata ni ayeke kungbi. Tongaso, azo ti Israel ayeke li na ya ti gbata ni, zo oko oko gi na dawa ti lo.”