Esdras 2:69 - Mbeti ti Nzapa - Tënë so amu fini

⁶⁹ Ala mu ye so kue ala lingbi ti mu ndali ti kua ti da ni. Wungo ti aye so kue ala mu ayeke ale ti lôro 61 000, wen ti nginza so nengo ni kue ayeke kilo 2 500. Ala mu nga abongo ti awayango-sandaga 100.

Esdras 2:69 ပူးပေါင်းရင်းမြစ်များ

1 Agbia 7:51

So gbia Salomon ahunzi ti sara kota da ti *KOTA GBIA kue awe, lo tene na azo ti ga na aye so babâ ti lo David azia ando nde ndali ti KOTA GBIA so: wen ti nginza, lôro na akungba; lo zia aye ni na ya ti kubu so ayeke bata ka amosoro ti da ti KOTA GBIA daa.

1 Mbai 22:14

Mbi baa pasi mingi ti bongbi aye so ndali ti kua ti da ti KOTA GBIA: kilo kutu ota ti lôro, kilo kutu baleota ti wen ti nginza, bengba wen na wen so zo alingbi ti diko ni pepe. Mbi bongbi nga akeke na atêne. Mo lingbi ti zia ambeni ye na ndö ni.

1 Mbai 29:7

ala mu ye ndali ti kua ti kota da ti Nzapa. Ala mu kilo ti lôro 170 000, ale ti nginza 10 000 so a sara na lôro, kilo ti wen ti nginza 300 000, kilo ti bengba wen 600 000 nga na kilo ti wen 3 000 000.

Esdras 2:68

So ala si na Jérusalem, gbata ti kota da ti KOTA GBIA, ambeni zo ti li ti asewa amu ambeni ye na be ti ala wani ndali ti kota da ti KOTA GBIA. Ala mu aye ni titene a kiri a leke na kota da ti KOTA GBIA na ndo so a leke ni ando daa kozoni so.