Esdras 2:68 - Mbeti ti Nzapa - Tënë so amu fini

⁶⁸ So ala si na Jérusalem, gbata ti kota da ti KOTA GBIA, ambeni zo ti li ti asewa amu ambeni ye na be ti ala wani ndali ti kota da ti KOTA GBIA. Ala mu aye ni titene a kiri a leke na kota da ti KOTA GBIA na ndo so a leke ni ando daa kozoni so.

Esdras 2:68 ပူးပေါင်းရင်းမြစ်များ

1 Mbai 21:18

*Ange ti *KOTA GBIA atene na Gad ti tene na David, atene: “Ayeke nzoni David ague na lakere ti Ornan, zo ti mara ti Yebus, ti sara mbeni gbalaka ndali ti KOTA GBIA kâ.”

1 Mbai 22:1

Nilaa David atene: “Ndo so laa da ti KOTA GBIA Nzapa ayeke daa si ndo so nga laa gbalaka so azo ti Israel alingbi ti mu asandaga na ndö ni na Nzapa laa.”

2 Mbai 3:1

Salomon ato nda ti sara kota da ti *KOTA GBIA na Jérusalem, na ndö ti hoto ti Moria. Kâ laa KOTA GBIA afa tere ti lo lani na babâ ti lo David; kâ laa David aleke mbeni ndo ndali ni na ndö ti lakere ti Ornan, zo ti mara ti Yebus.

Esdras 2:67

azambala ayeke 435, alele ayeke 6 720.

Esdras 2:69

Ala mu ye so kue ala lingbi ti mu ndali ti kua ti da ni. Wungo ti aye so kue ala mu ayeke ale ti lôro 61 000, wen ti nginza so nengo ni kue ayeke kilo 2 500. Ala mu nga abongo ti awayango-sandaga 100.

Esdras 3:3

Ataa so mbeto ti azo nde so aduti na ya ti kodro ni asara ala, azo ti Israel akiri aleke gbalaka ni na ndö ti akozo gere ni. Na pekoni ala ya asandaga so a yeke gbi ni kue na wâ na *KOTA GBIA: asandaga ti ndaperere na ti lakui.

Esdras 9:9

Biani, e yeke ando angbaa, me mo Nzapa ti e, mo zia e na ya ti ngbaa ni pepe. Mo sara si agbia ti Perse asara nzoni be na e; ala kiri fini na e si e lingbi ti leke kota da ti mo nga na agbagba ni so a kungbi ando na sese; e wara ndo so e lingbi ti duti daa na Jérusalem nga na sese ti Juda si sioni ye asi na e pepe.

Abia (Psaumes) 110:3

Na lango so mo bongbi aturugu ti mo ti gue na bira, azo ti mo, na be ti ala wani, amu peko ti mo. Na ndö ti ahoto so ayeke nde si ayeke nzoni kue, amaseka ayeke ga na mbage ti mo; ala kpa ngu ti pere ti kota ndaperere.

Sigingo 25:2

“Mo tene na azo ti Israel, mo tene: Ala bongbi ambeni ye ti ala aga na ni na mbi. Fade ala yamba aye ni na maboko ti azo so kue aga na ni na nzoni be.

Sigingo 35:21

Na pekoni, azo kue ti nzoni be, na be ti ala wani abongbi ambeni ye aga na ni na KOTA GBIA ti sara na da ti bongo so KOTA GBIA na azo ti lo ayeke wara tere daa. Ala ga nga na aye ni ndali ti akua ti lo kue nga ti sara na abongo so a zia nde ndali ti kua ti Nzapa.

Sigingo 35:29

Azo ti Israel kue, akoli wala awali ti nzoni be, na be ti ala wani, ala ga na aye so alingbi ti sara na kua so KOTA GBIA amu yanga daa na Moïse.

Sigingo 36:3

Moïse amu na ala aye so kue azo ti Israel aga na ni ndali ti kua ti da so ayeke nde si ayeke nzoni kue so. Me lakue na ndaperere, azo angba ti ga na aye na Moïse na be ti ala wani.

2 Korente 8:12

Biani, tongana zo ayeke na nzara ti mu ye si lo mu ni alingbi na ye so lo yeke na ni, Nzapa ayeke yamba ye ni; me ye so zo ayeke na ni pepe, Nzapa ayeke hunda ni pepe.

2 Korente 8:3

Mbi wani mbi baa na le ti mbi, ala mu ye so alingbi na kate ti ala si ala kiri amu ye ni ahon ti so alingbi na kate ti ala. Na be ti ala wani,

2 Korente 9:7

Alingbi zo oko oko amu ye tongana ti so lo leke na be ti lo, na vundu pepe, wala mbeni zo agbu lo na ngangu pepe titene lo mu ni. Biani, Nzapa aye zo so ayeke mu ye na ngia.