Esdras 2:41 - Mbeti ti Nzapa - Tënë so amu fini

⁴¹ Azo ti hengo bia na ya ti kota da ti Nzapa so akiri ayeke tongaso: akoli ti kete mara ti Asaf ayeke 128.

Esdras 2:41 ပူးပေါင်းရင်းမြစ်များ

1 Mbai 15:17

Azo ti mara ti Lévi amu kua ni na Heman, molenge ti Joël; na popo ti a-ita ti lo, ala mu Asaf, molenge ti Berekia; na popo ti amolenge ti Merari, ala mu ita ti ala Etan, molenge ti Kushaya.

1 Mbai 6:39

So ayeke iri ti ando so a mu na *ahale ti Aaron na akete mara ti Kehat ti duti daa laa. Ala laa ayeke akozo zo so awara sese ti duti daa; a bi mbeni ye ti hinga lege so a kangbi ye na ala.

Esdras 2:40

Azo ti mara ti Lévi so akiri ayeke tongaso: akoli ti akete mara ti Yeshua, ti Kadmiel, ti Binui na ti Hodavia ayeke 74.

Esdras 2:42

Asanziri so akiri ayeke tongaso: akoli ti kete mara ti Shalum, ti Ater, ti Talmon, ti Akub, ti Hatita na ti Shobai ayeke 139.

Esdras 3:10

So azo ti lekengo kota da ti KOTA GBIA alu gere ti da ni awe, awayango-sandaga ayu abongo ti ala ti kua, ala mu atatalita si ala ga ti mu ndo ti ala. *Ahale ti Asaf, azo ti mara ti Lévi amu wen so atoto ngangu si ala na awayango-sandaga ni asepela KOTA GBIA alingbi na lege so David, gbia ti Israel, afa na ala.

Néhémie 11:17

Ambeni zo ni ayeke Matania, molenge ti Mika; Mika ayeke molenge ti Zabdi; Zabdi ayeke molenge ti Asaf, makonzi so ayeke mu li ti bia ti sepelango Nzapa na ndembe so azo ayeke sambela; Bakebukia, ita ti Matania ayeke mu na lo maboko; Abda, molenge ti Shamua; Shamua ayeke molenge ti Galal; Galal ayeke molenge ti Yedutun.

Néhémie 7:44

“Azo ti hengo bia so akiri ayeke tongaso: akoli ti kete mara ti Asaf ayeke 148.