Esdras 10:6 - Mbeti ti Nzapa - Tënë so amu fini

⁶ Tongaso Esdras alondo na dawa ti kota da ti Nzapa, lo gue na da ti Yohanan, molenge ti Eliashib si lo duti kâ. Lo ke ti te kobe, lo ke nga ti nyon ngu, ngbanga ti so vundu agbu lo mingi ndali ti sioni ye mingi so amba ti lo azo ti Israel asara, so ti tene ala so a gbu ala a gue na ala na kodro wande si ala kiri so.

Esdras 10:6 ပူးပေါင်းရင်းမြစ်များ

Esdras 10:1

So Esdras angba ti kuku na dawa ti kota da ti Nzapa, lo yeke toto si lo yeke sambela ti hunda titene Nzapa azi siokpari na li ti ala, gba ti azo ti Israel, akoli, awali na amolenge, abongbi na tere ti lo. Azo ni kue ayeke toto mingi.

Esdras 10:7

A to mbela na Juda nga na Jérusalem ti hunda na azo so kue a gbu ala lani, a gue na ala na kodro wande si ala kiri so titene ala bongbi tere ti ala na Jérusalem.

Esdras 9:4

Mbi ngba tongaso ngbii asi na ngbonga so a yeke mu *sandaga ti lakui. Azo mingi asara mbeto ti fango ngbanga ti Nzapa ti Israel ndali ti sioni ye mingi so azo so a gbu ala si ala kiri so asara; azo ni kue abongbi na tere ti mbi.

Néhémie 12:10

Yeshua adu Yoyakim; Yoyakim adu Eliashib; Eliashib adu Yoyada;

Néhémie 12:22

Na ngoi ti akota wayango-sandaga Eliashib, na pekoni Yoyada si ti hunzi na Yohanan nga na Yadua, a su na mbeti iri ti azo ti mara ti Lévi so ayeke amakonzi ti asewa; a sara legeoko tongaso na awayango-sandaga ngbii asi na ngoi so Darius ayeke gbia ti Perse.

Néhémie 13:28

Mbeni molenge oko ti Yoyada, tara ti kota wayango-sandaga Eliashib amu molenge ti Sanebalat, zo ti gbata ti Horon, ti ga wali ti lo. Ndani laa, mbi tumba lo ti londo na Jérusalem.

Néhémie 13:5

Eliashib amu na Tobia mbeni kota kubu so a yeke bata na ya ni *asandaga ti ale ti kobe, dukani na agbakuru nde nde ti kota da ti Nzapa, na asandaga so a yeke mu na awayango-sandaga, *adime ti ble, ti fini vin na ti mafuta; adime ti aye so a bata ndali ti azo ti mara ti Lévi, azo ti hengo bia na azo ti batango yanga ti gbagba.

Néhémie 3:1

Kota wayango-sandaga Eliashib alondo ti gbu kua ni, lo na amba ti lo awayango-sandaga. Ala kiri aleke yanga ti gbagba so iri ni Ti-ataba. So ala zia ayanga ti gbagba ni daa awe, ala zia ni nde ndali ti Nzapa. Na pekoni, ala kiri aleke gbagba ni ague ngbii asi na tere ti kota da so ayo na nduzu so iri ni Ngbangbo. Ala zia nga ni nde ndali ti Nzapa. Ala hon ala si na kota da ti Hananeel so ayo na nduzu.

Néhémie 3:20

Na peko ti lo kâ, Baruk, molenge ti Zabai ayeke sara ti lo kua ni na be ti lo kue; lo leke mbeni ndo ni, ti londo na ndo so gbagba ni asi daa si angoro ti gue, ngbii asi na tere ti da ti kota wayango-sandaga Eliashib.

Mbeti ti Job 23:12

Mbi zia atënë ti yanga ti lo pepe ti sara mbeni ye nde; ambela ti lo kue, mbi bata ni na be ti mbi.

Abia (Psaumes) 102:4

Biani, lango ti fini ti mbi ahon tongana guru ti wâ, abio ti mbi ayeke gbi tongana le ti wâ.

Sigingo 34:28

Moïse angba na KOTA GBIA na ndo so lango baleosio na bi baleosio. Lo te kobe pepe, lo nyon ngu pepe. Lo su na ndö ti atêne ni atënë ti mbuki so ayeke Andia baleoko.

Ésaïe 22:12

Na lango ni so, Kota Gbia, NZAPA so ayeke na ndö ti dunia kue, airi ala ti toto, ti dema tere, ti kio kua ti li ti ala, ti yu bongo ti mua.

Daniel 9:3

Mbi yo le ti mbi na nduzu ti baa ndo na mbage ti KOTA GBIA ti sambela lo, ti voro tere ti mbi na lo. Mbi ke kobe, mbi yu bongo ti mua si mbi tuku mburu ti wâ na li ti mbi.

Ndia ti fani use ni 9:18

Moïse atene: Na pekoni, mbi ti na sese na gbe ti KOTA GBIA. Mbi ngba na ndo so lango baleosio na bi baleosio tongana ti kozoni; mbi te kobe pepe, mbi nyon ngu pepe. Mbi sara ye so ndali ti siokpari so kue ala sara: ala sara ye so ayeke sioni mingi na le ti KOTA GBIA, ala zia ngonzo mingi na be ti lo.