Esdras 10:14 - Mbeti ti Nzapa - Tënë so amu fini

¹⁴ Ayeke nzoni amakonzi ti e aluti na ndo so na iri ti bongbi ti azo ni kue. Azo so kue na ya ti agbata ti e amu awali so ayeke awande, fade ala yeke ga ti luti na dawa ti amakonzi ni na lango so a yeke fa na ala. Azo ni na *akangba nga na awafango-ngbanga ti agbata oko oko ayeke ga nga. E yeke leke tënë ni ngbii ngonzo ti Nzapa so alondo tongana wâ na tere ti e so ade.”

Esdras 10:14 ပူးပေါင်းရင်းမြစ်များ

2 Agbia 23:26

Me kota ngonzo ti KOTA GBIA akai pepe, ngonzo ti lo so alondo tongana wâ na tere ti azo ti Juda ndali ti asioni ye so kue Manase asara ti zia ngonzo na be ti lo.

2 Mbai 28:11

Ala ma mbi si! A-ita ti ala, azo ti Juda so ala gbu ala ti ga azo ti kanga so, ala zia lege na ala ti kiri na ndo ti ala. Biani, KOTA GBIA asara ngonzo mingi na tere ti ala, azo ti Israel.”

2 Mbai 29:10

Fadeso, mbi ye ti sara *mbuki na KOTA GBIA, Nzapa ti Israel, tongaso si sioni ngonzo ti lo ade na tere ti e.

2 Mbai 30:8

Fadeso, ala sara ngangu li tongana ti ababâ ti ala pepe; ala mu tere ti ala na KOTA GBIA, ala kiri aga na ndo ti lo so lo zia nde ndali ti lo wani kpu na kpu; ala sara kua na KOTA GBIA, Nzapa ti ala, tongaso si sioni ngonzo ti lo akai na tere ti ala.

Esdras 10:13

Me e yeke mingi, ngoi ti ngu-Nzapa laa; e lingbi ti ngba na gigi pepe. Na mbage, a lingbi ti leke tënë so gi na ya ti lango oko wala lango use pepe, ngbanga ti so azo mingi na popo ti e asara mara ti siokpari so awe.

Esdras 10:15

Jonatan, molenge ti Asael, lo na Yazia, molenge ti Tikva ake ti ala tënë ni so. Meshulam na Shabetai, zo ti mara ti Lévi aye gbe ti tënë ni na ala.

Abia (Psaumes) 78:38

Me lo, lo yeke baa mawa ti zo, lo yeke zi sioni na li ti ala, lo yeke fâ ala pepe. Fani mingi, lo kanga lege na ngonzo ti lo, lo sara si sioni ngonzo ti lo alondo pepe.

Ésaïe 12:1

Na lango ni so, fade mo yeke tene: “*KOTA GBIA, mbi mu na mo singila, ngbanga ti so mo sara lani ngonzo na tere ti mbi, me ngonzo ni ade awe, mo de be ti mbi awe.

Wungo ti azo 25:4

KOTA GBIA atene na Moïse: “Mo gbu amakonzi kue ti azo ni, mo kanga go ti ala na tere ti keke na nduzu, ala yeke baa le ti lâ, na dawa ti mbi. Tongaso si ngonzo ti mbi ade na tere ti azo ti Israel.”

Ndia ti fani use ni 13:17

ala yeke bongbi amosoro ni kue na ndo so azo ayeke bongbi daa na be ti gbata ni, ala yeke gbi amosoro ni nga na gbata ni na wâ. Fade ayeke ga tongana *sandaga so a yeke gbi kue na wâ ndali ti KOTA GBIA Nzapa ti ala. Gbata ni so ayeke ngba ndo ti gba ti atêne kpu na kpu; a yeke kiri ti leke ni laoko pepe.

Ndia ti fani use ni 17:9

Ala yeke gue ti baa awayango-sandaga, azo ti mara ti Lévi, nga na wafango-ngbanga so ayeke sara kua kâ na lango ni so. Awayango-sandaga ni na wafango-ngbanga ni ayeke fa na ala lege ti fango ya ti tënë ni.

Josué 7:26

Na pekoni, ala leke kota gba ti têne na ndö ti lo; gba ti têne ni angba ngbii asi laso. Ndani laa azo adi iri ti ndo ni, popo-hoto ti Akor ngbii asi laso. Na peko ti aye so kue, ngonzo ti KOTA GBIA ade.