Esdras 10:11 - Mbeti ti Nzapa - Tënë so amu fini

¹¹ Fadeso, na le ti KOTA GBIA, Nzapa ti akotara ti ala, ala hinga sioni ti ala, ala sara ye so be ti lo aye. Ala kangbi na azo ti kodro ni nga na awali ti ala so ayeke awande.”

Esdras 10:11 ပူးပေါင်းရင်းမြစ်များ

2 Mbai 30:22

Ezekias atene tënë ti mu ngangu na be ti azo ti mara ti Lévi so kue kua ti KOTA GBIA agbu be ti ala. Na ya ti lango mbarambara kue, ala te kobe ti matanga ni, ala mu asandaga ti beoko si ala he bia ti sepela KOTA GBIA, Nzapa ti akotara ti ala.

Esdras 10:10

Wayango-sandaga Esdras alondo si lo tene na ala: “Azo ti Israel, ala sara ye so ayeke sioni mingi na lege so ala mu awali so ayeke awande ti ga awali ti ala. So ayeke mbeni siokpari so ala zia na ndö ti asiokpari so azo ni asara awe.

Esdras 10:12

Azo so kue aga na bongbi ni adekongo, atene: “Taa-tënë, alingbi e sara ye tongana ti so mo tene so!

Esdras 10:3

E yeke deba yanga ti e na le ti Nzapa ti e ti tumba awali so kue ayeke awande, ala na amolenge ti ala. Tongaso, e yeke sara ye alingbi na wango so mo kota zo, mo mu ni, mo na azo so kue ayeke sara ye alingbi na atënë ti ndia ti Nzapa ti e. Ayeke nzoni e sara ye na lege ti ndia!

Esdras 9:1

Na peko ti aye so, amakonzi ti azo ti Israel aga atene na mbi: “Ataa asenge zo, ataa awayango-sandaga, ataa azo ti mara ti Lévi, mbeni zo so aduti nde na azo ti ambeni mara ayeke daa pepe. Ala sara gi asioni ye so zo alingbi ti baa na le ti lo fani use pepe; asioni ye so azo ti Kanaan, azo ti mara ti Het, ti Perizi, ti Yebus, ti Amon, ti Moab, ti Ezipte na ti Amori asara.

Néhémie 13:3

So azo ti Israel ama tënë ti ndia so awe, ala tumba azo ti amara nde nde so kue ayeke na ya ti bongbi ti ala.

Néhémie 9:2

Azo ti Israel azi tere ti ala si ala luti yamba na azo ti mara nde; azo ti Israel ni atene siokpari ti ala wani na gigi nga na ti akotara ti ala.

Abia (Psaumes) 32:5

Me mbi fa na mo siokpari ti mbi, mbi honde sioni ti mbi pepe. Mbi tene: “Fade mbi yeke fa na KOTA GBIA asioni ti mbi.” Ti mo, mo zi na li ti mbi awe ngbanga ti siokpari ti mbi. Luti kete

Amato 28:13

Zo so ahonde asioni ti lo, aye ti lo ayeke ga nzoni pepe; me zo so afa ni na gigi si lo zia lege ni, fade Nzapa ayeke sara nzoni be na lo.

Ésaïe 56:4

Biani, tënë so KOTA GBIA atene ayeke so: “Ambaiwa so ayeke sara ye alingbi na lango ti wungo tere, ala so asoro ti sara ye so anzere na be ti mbi, ala so agbu tënë ti *mbuki ti mbi ngangu,

Jérémie 3:13

Gi ye oko: ayeke nzoni mo hinga sioni ti mo si! Hinga, mo tene, mo sara ngangu li na KOTA GBIA, Nzapa ti mo. Na gbe ti afini keke so kue kugbe ni ayeke gbani gbani, mo huru mo ti kâ, mo huru mo ti ge ti zia tere ti mo na anzapa ti awande. Mo ke ti ma yanga ti mbi; so tënë ti yanga ti KOTA GBIA laa.’ ”

Jérémie 7:3

Tënë so KOTA GBIA so ayeke na ndö ti dunia kue, Nzapa ti Israel, atene ayeke so: Ala sara si lege ti dutingo ti ala na sarango ye ti ala akiri aga nzoni! Tongaso si fade mbi yeke sara titene ala ngba ti duti na ya ti kodro so.

Ezekiel 18:30

Ndani laa, ala azo ti Israel, fade mbi yeke fâ ngbanga na li ti zo oko oko alingbi na lege ti sarango ye ti lo; so tënë ti yanga ti mbi, Kota Gbia NZAPA laa. Ala zia ngbene lege ti sarango ye ti ala, ala zia lege ti asioni ye so kue ala yeke sara. Tongaso si ye so ayeke sara titene ala ti, aduti daa mbeni pepe.

Jean 9:24

Afarizien akiri airi waziba ni si ala tene na lo: “Mo gonda gi Nzapa! E hinga so koli so azi le ti mo ayeke zo ti siokpari.”

Rome 12:2

Ala mu lege ti dutingo ti azo ti dunia so pepe, me ala zia Nzapa asanze fini ti ala, lo mu na ala fini gbungo-li. Tongaso, fade ala lingbi ti hinga ye so Nzapa aye: ye so ayeke nzoni, ye so anzere na be ti lo, ye so ayeke nzoni kue.

2 Korente 6:17

Ndani laa *Kota Gbia Nzapa atene: “Ala sigigi na popo ti azo ni, ala duti yongoro! Ala ndu mbeni ye ti *sioni oko pepe, tongaso, fade mbi yeke yamba ala.”

Kolose 1:10

Tongaso, fade dutingo ti ala ayeke lingbi na ti so be ti *Kota Gbia aye si ala sara ye so anzere na be ti lo. Ye ti peko ni ayeke so ala yeke sara mara ti anzoni ye nde nde si hingango so ala hinga na Nzapa ayeke gue lakue na nduzu.

Ahebro 13:21

Ayeke nzoni Nzapa asara si ala ga azo so alingbi ti sara ye so kue ayeke nzoni nga na ye so be ti lo aye! Ayeke nzoni, na lege ti Jésus Christ, Nzapa asara si e sara ye so anzere na be ti lo! Gonda ayeke ti lo kpu na kpu! Amen.

Josué 7:19

Josué atene na Akan: “Molenge ti mbi, gonda KOTA GBIA, Nzapa ti Israel, tene taa-tënë. Fa na mbi ye so mo sara, honde ye oko na mbi pepe.”