Esdras 10:1 - Mbeti ti Nzapa - Tënë so amu fini

¹ So Esdras angba ti kuku na dawa ti kota da ti Nzapa, lo yeke toto si lo yeke sambela ti hunda titene Nzapa azi siokpari na li ti ala, gba ti azo ti Israel, akoli, awali na amolenge, abongbi na tere ti lo. Azo ni kue ayeke toto mingi.

Esdras 10:1 ပူးပေါင်းရင်းမြစ်များ

1 Agbia 8:30

Ma vorongo tere ti mbi, zo ti kua ti mo na vorongo tere ti azo ti Israel, azo ti mo so ayeke na ndo so si ala yeke sambela mo. KOTA GBIA, mo so mo yeke na yayu kâ, ma sambela ti e, mo zi nga tënë na li ti e.

1 Agbia 9:3

KOTA GBIA atene na lo: “Mbi ma sambela ti mo na vorongo tere ti mo awe. Kota da so mo sara so, mbi zia ni nde ndali ti mbi titene mbi duti daa kpu na kpu na popo ti ala. Fade le ti mbi na nzoni be ti mbi ayeke ngba daa lakue.

2 Mbai 20:13

Azo ti Juda kue aluti na dawa ti KOTA GBIA, ala na awali ti ala na amolenge ti ala.

2 Mbai 20:9

‘Tongana mbeni kpale asi na e, wala bira, wala sioni ngbanga, wala sioni kobela ti bubango kodro, wala kota nzara si e ga, e luti na dawa ti kota da so – so ti tene na dawa ti mo, ngbanga ti so iri ti mo ayeke na ndö ti da ni – na ya ti kota mawa ti e, tongana e dekongo na mo, fade mo yeke ma e si mo yeke soo e na kuâ.’

Esdras 10:6

Tongaso Esdras alondo na dawa ti kota da ti Nzapa, lo gue na da ti Yohanan, molenge ti Eliashib si lo duti kâ. Lo ke ti te kobe, lo ke nga ti nyon ngu, ngbanga ti so vundu agbu lo mingi ndali ti sioni ye mingi so amba ti lo azo ti Israel asara, so ti tene ala so a gbu ala a gue na ala na kodro wande si ala kiri so.

Néhémie 1:4

So mbi ma atënë so, mbi duti na sese, mbi toto; na ya ti ambeni lango, mbi sara mawa, mbi ke kobe, mbi sambela Nzapa ti yayu,

Néhémie 1:6

Mbi gbu gere ti mo, ayeke nzoni mo bi le ti mo na mbage ti mbi, mo zi mê ti mo, mo ma sambela so mbi yeke ya na mo, mbi, zo ti kua ti mo. Ti ndembe so, bi na lâ, mbi ngba na gbe ti mo ti sambela ndali ti e, azo ti Israel, azo ti kua ti mo. Mbi hunda na mo ti zi na li ti e asiokpari so e sara ti ke mo. Biani, mbi na akotara ti mbi, e sara siokpari.

Néhémie 10:28

Maluk, Harim na Baana.

Néhémie 8:9

So azo ni ama atënë ti ya ti mbeti ti Ndia ni, ala ti na toto. Ndani laa govoronere Néhémie, lo na wayango-sandaga Esdras, so lo yeke nga wafango-ndia, ala na azo ti mara ti Lévi so ayeke fa nda ti Ndia ni, atene na azo ni, atene: “Lango so ayeke lango so a zia ni nde ndali ti KOTA GBIA, Nzapa ti ala. Ngoi titene ala duti na mawa si ala toto laa pepe!”

Abia (Psaumes) 119:136

Ngu ti le ti mbi ayeke sua mingi, ngbanga ti so azo asara ye alingbi na ndia ti mo pepe.

Abia (Psaumes) 32:5

Me mbi fa na mo siokpari ti mbi, mbi honde sioni ti mbi pepe. Mbi tene: “Fade mbi yeke fa na KOTA GBIA asioni ti mbi.” Ti mo, mo zi na li ti mbi awe ngbanga ti siokpari ti mbi. Luti kete

Jérémie 13:17

Tongana ala ma tënë so pepe, mbi yeke toto na hondengo ni ndali ti baba ti ala so ahon ndö ni so. Ngu ti le ti mbi ayeke sua gbani gbani, ngbanga ti so a yeke gue na ataba ti KOTA GBIA na kodro wande.

Jérémie 9:1

Tongana a mu na mbi fade mbeni ndo ti azo ti lege kâ na benyama titene mbi lango daa, ka mbi yeke zia azo ti kodro ti mbi, mbi hon yongoro na tere ti ala! Ala kue ayeke azo ti gingo akoli wala awali ti azo; ala ayeke bongbi ti azo so ake Nzapa awe.

Daniel 9:20

“Mbi ngba ti tene tënë, ti sambela si ti fa siokpari ti mbi na ti azo ti mbi so ayeke azo ti Israel; mbi ngba ti voro tere ti mbi na KOTA GBIA Nzapa ti mbi ndali ti hoto ti lo so ayeke nde si ayeke nzoni kue.

Osée 14:2

Israel, kiri na *KOTA GBIA Nzapa ti mo, ngbanga ti so sioni ti mo asara si mo ti.

Zakarii 12:10

Mbi yeke sara titene yingo ti sarango ye ti nzoni na yingo ti sambelango mbi aga na ndö ti *ahale ti David nga na ndö ti azo ti gbata ti Jérusalem. Fade ala yeke baa ndo na mbage ti mbi, lo so ala kpo lo so. Ala yeke toto kuâ ti lo tongana ti so a yeke toto kuâ ti oko molenge-koli. Ala yeke toto lo ngangu mingi tongana ti so a yeke toto kuâ ti kozo molenge.

Matthieu 3:6

Ala fa asiokpari ti ala na gigi si Jean abatize ala na ya ti ngu ti Jourdain.

Nzoni Tënë so Luc asu na mbeti 19:41

Jésus asi nduru na Jérusalem, lo baa gbata ni si lo toto ndali ni.

Awatokua 10:30

Corneille akiri tënë: “Asara lango ota laso, na ngbonga ota ti peko ti bekombite, mbi yeke sambela na ya ti da ti mbi. Mo ye ti baa, mbeni koli so bongo ti tere ti lo aza zango aga aluti na dawa ti mbi;

Awatokua 21:5

Me so lango ti e na ndo so ahunzi awe, e londo ti hon. Adisiple ni kue, ala na awali ti ala na amolenge ti ala ague, azia e na lege ngbii asi na yanga ti gbata ni. E kuku na yanga ti kota ngu-ingo ni si e sambela.

Rome 9:2

mbi yeke na vundu mingi si be ti mbi ayeke so lakue.

Ndia ti fani use ni 31:12

Fade azo kue ayeke bongbi tere ti ala, akoli, awali, amolenge na awande so asara kodro na ndo ti ala, azo ti Israel, titene ala ma atënë ti Ndia so a yeke diko ni so. Tongaso si ala yeke manda ti kpe mbeto ti KOTA GBIA Nzapa ti ala si ala sara ye alingbi na atënë kue ti Ndia so.

Josué 7:6

Josué na *akangba ti Israel asuru bongo na tere ti ala. Ti londo na ndaperere ngbii asi na lakui, ala ti akpo li ti ala na sese na dawa ti sanduku ti mbuki ti KOTA GBIA; ala tuku fuku ti sese na li ti ala.

Josué 8:35

Josué adiko atënë ti Ndia ti Moïse na dawa ti bongbi ti azo ti Israel kue, na awali, amolenge nga na awande so ayeke na popo ti ala; lo girisa mbeni tënë oko daa pepe.