Ésaïe 9:8 - Mbeti ti Nzapa - Tënë so amu fini

⁸ Fade azo kue, azo ti kodro-gbia ti Efraim nga na azo ti Samarii, ala kue ayeke hinga tënë ni. Baba ahon ndö ti ala si ala tene:

Ésaïe 9:8 ပူးပေါင်းရင်းမြစ်များ

Ésaïe 28:1

So mawa na gbata ti Samarii so akpa kpoto ti gbia! Azo ti Efraim so ayeke angbaa ti samba ayeke pika kate ti ala ndali ni. Gbata ni ayeke na nduzu ti popo-hoto so akobe ayeke le daa mingi. Gbata ni akpa kongo so awoko awe si a zia na li ti azo ti sara pendere ti ala, azo so anyon vin si ahon ndö ti ala.

Ésaïe 9:7

*KOTA GBIA atokua mbeni tënë na tere ti azo ti Jacob, tënë ni ati na ndö ti Israel.

Ésaïe 9:9

“Abiriki ti ada atuku awe, fade e yeke kiri ti sara ada ni na têne so a de tere ni dengo. A de akeke ti sikomor na sese awe, fade e yeke kiri ti lu akeke ti sedre na plase ni.”

Jérémie 43:2

Azaria, molenge ti Hoshaya, na Yohanan, molenge ti Karea na ambeni zo ti sioni yanga, atene na Jérémie: “Tënë ti mvene laa mo yeke tene so! KOTA GBIA, Nzapa ti e atokua mo pepe ti tene na e: ‘Ala gue na Ezipte pepe ti honde tere ti ala kâ!’

Zakarii 1:6

Me atënë ti mbi na ambela ti mbi so mbi zia na yanga ti awayanga-Nzapa, azo ti kua ti mbi, ti tene na ala so, atënë ni andu akotara ti ala. Nilaa, akotara ti ala akiri na mbage ti mbi si ala yeda, atene: ‘KOTA GBIA so ayeke na ndö ti dunia kue aleke lani na be ti lo ti sara ye na e alingbi na lege ti dutingo ti e nga na asarango ye ti e. Ye so lo sara na e laa.’ ”

Matthieu 24:35

Fade yayu na sese ayeke hon, me atënë ti mbi ayeke hon oko pepe.”