Ésaïe 9:5 - Mbeti ti Nzapa - Tënë so amu fini

⁵ Biani, a du na e molenge awe, a mu na e molenge-koli awe. Nzapa azia komandema na maboko ti lo. Fade a yeke di iri ti lo: Zo ti kpene, Wamungo-wango, Nzapa ti ngangu, Babâ ti lakue lakue, Makonzi ti siriri.

Ésaïe 9:5 ပူးပေါင်းရင်းမြစ်များ

Tongo nda ti aye 32:30

Jacob ahunda lo, atene: “Mbi gbu gere ti mo, fa na mbi iri ti mo.” Zo ni akiri tënë, atene: “Mo hunda iri ti mbi ngbanga ti nyen?” Na pekoni, lo sara tufa na ndö ti Jacob na ndo ni so.

Abia (Psaumes) 46:9

Ala azo, ala ga abaa ye so KOTA GBIA asara; aye so lo buba na ndö ti sese!

Abia (Psaumes) 72:3

Tongaso, fade akota hoto na akete hoto ayeke sara si azo awara nzoni duti.

Sigingo 23:21

Ala kpe mbeto ti lo, ala ma yanga ti lo. Ala sara ye ti songo be na lo pepe, fade lo yeke zi siokpari na li ti ala pepe, ngbanga ti so lo yeke sara ye na iri ti mbi.

Ésaïe 13:4

Ala ma go ti azo na ndö ti hoto, go ni ayeke tongana go ti gba ti azo. Ala ma wusuwusu na ya ti akodro-gbia, amara nde so abongbi ayeke sara wusuwusu. KOTA GBIA so ayeke na ndö ti dunia kue ayeke hon ti baa aturugu ti lo oko na oko so ayeke gue ti tiri bira.

Ésaïe 2:4

Lo yeke fâ ngbanga na popo ti amara nde, lo yeke leke tënë na popo ti amara gbani gbani. Amara ni ayeke mu ayongoro zeme ti ala ti sara na akpoka; ala yeke mu alikongo ti ala ti sara na azeme ti fango na ale ti kobe. Mbeni mara ayeke kiri ti mu yongoro zeme na tere ti mbeni mara pepe; azo ayeke kiri ti manda lege ti tiringo bira pepe.

Ésaïe 30:33

A leke gba ti keke ti wâ kozoni awe; keke ni ayeke nga ndali ti gbia. Na ya ti du so akono si alinda mingi, a zia gba ti akeke angoro na ni ti tingo na wâ. Tongaso, pupu ti yanga ti KOTA GBIA so ayeke tongana *sufre so ayeke sua ayeke bi wâ daa.

Ésaïe 37:36

*Ange ti *KOTA GBIA asi na ya ti bâbâ ti azo ti Asirii si lo fâ aturugu 185 000. So azo alondo na kota ndaperere, ala baa gi akuâ kue laa ayeke lango na sese so!

Ésaïe 4:4

KOTA GBIA ayeke tokua yingo ti fango ngbanga nga na yingo so ayeke gbi ye tongana wâ ti zi sioni ti azo ti Sion, ti sukula Jérusalem ndali ti mene so atuku na ya ti gbata ni.

Ésaïe 9:4

Aporo ti gere kue ti awato so ala yeke do na sese, akota bongo ti de kue so mene amu tere ni, fade a yeke bi na le ti wâ titene wâ agbi ni kue.

Ésaïe 9:6

Fade lengo-gbia ti lo ayeke mu ndo ti gue na ni, lo yeke mu siriri so ayeke hunzi pepe, lo yeke duti na ndö ti mbata ti gbia David si lo yeke le-gbia na kodro ti lo. Lo yeke sara titene kodro-gbia ni akpengba na lege ti sarango ye so ayeke na legeni nga na lege ti sarango ye ti mbirimbiri, ti to nda ni laso ti gue na ni ngbii kpu na kpu. Ye so KOTA GBIA so ayeke na ndö ti dunia kue ayeke sara na lege ti kota nzara ti be ti lo laa.

Jérémie 23:5

“So tënë ti yanga ti KOTA GBIA laa: Baa, mbeni lango ayeke ga so mbi yeke sara titene taa *hale ti David abaa gigi. Lo yeke sigigi tongana kete keke so asigigi na ya ti sese. Lo yeke le-gbia tongana nzoni gbia, lo yeke sara ye na lege ti ndara, lo yeke fâ ngbanga mbirimbiri si lo yeke sara ye ti mbirimbiri na ya ti kodro ni.

Jérémie 47:3

Ala ma toto ti gere ti ambarata so ado sese ngangu; ala ma toto ti apusu ti mbarata na toto ti gere ti apusu ni. Tongaso be ti ababâ awoko kue, be ti ala agirisa na amolenge ti ala,

Joël 2:5

Ala yeke huru na ndö ti ahoto si toto ti hurungo ti ala ni ayeke tongana toto ti apusu ti mbarata; tongana toto ti menga ti wâ so ayeke gbi holengo pere. Ala yeke londo ti ga tongana angangu turugu so aleke tere ti ala na molongo ti tiri bira.

Awayango-sandaga 3:11

Na pekoni, wayango-sandaga ayeke zö aye ni kue na ndö ti gbalaka. So ayeke kobe ti sandaga so a gbi ni kue na wâ ndali ti KOTA GBIA.

Awayango-sandaga 3:16

Na pekoni, wayango-sandaga ayeke zö aye ni kue na ndö ti gbalaka. So ayeke kobe ti sandaga so a gbi ni kue na wâ titene fion ni anzere na KOTA GBIA. “Mafuta kue ti anyama ayeke ti KOTA GBIA.

Mishe 5:1

*KOTA GBIA atene: “Mo, Betlehem Efrata, mo yeke kete kodro mingi na popo ti akodro ti mara ti Juda. Me zo so ayeke ga gbia ti azo ti Israel, lo yeke sigigi ande na ya ti mo. Nda ti lo ato nda ni ando giriri, yongoro kâ.”

Nahum 3:2

Kâ, gi toto ti fimbo, fia, fia, fia! Toto ti apusu ti mbarata, gada, gada, gada! Gere ti ambarata, kpakata, kpakata, kpakata! Apusu ti bira akpe fiuuu!

Zakarii 6:13

Biani, lo laa lo yeke kiri ti leke kota da ni. Lo yeke yu abongo ti gbia, lo yeke duti na ndö ti mbata ti gbia ti sara komandema na ndö ti azo. Mbeni wayango-sandaga ayeke duti na tere ti lo. Ala use kue ayeke ma tere na popo ti ala nzoni.

Matthieu 3:11

Ti mbi, mbi yeke batize ala na ngu ti fa na le ti azo so ala zia ngbene lege ti sarango ye ti ala awe; me lo so ayeke ga na peko ti mbi, fade lo yeke batize ala na Yingo-Vuru nga na wâ. Ngangu ti lo ahon ti mbi: mbi kpa zo ti zi poro ti gere ti lo pepe.

Awatokua 2:19

Fade mbi yeke sara aye ti dongo be na le ti nduzu si mbi yeke sara aye ti kpene na ndö ti sese: mene, wâ na ngbongboro guru ti wâ,

Awatokua 2:3

Ala baa ambeni ye so akpa amenga ti wâ asi; amenga ti wâ ni akangbi ya ti ala si aduti na li ti zo oko oko kue.

2 Tesalonike 1:8

lo yeke ga ande na ya ti menga ti wâ. Biani, azo so ahinga Nzapa pepe si ala ke Nzoni Tënë ti Kota Gbia ti e Jésus so, lo yeke kiri na peko ti sioni ti ala na ala.

Awafango-ngbanga 13:18

Ange ti KOTA GBIA akiri tënë na lo: “Mo ye ti hinga iri ti mbi ngbanga ti nyen? Iri ni ayeke ye ti kpene.”

1 Samuel 14:19

So Saul angba ti tene tënë na wayango-sandaga Ahia so, wusuwusu akiri alondo ngangu na ya ti bâbâ ti azo ti Filistii. Saul atene na wayango-sandaga ni: “Kiri mo hunda Nzapa pepe!”