Ésaïe 9:19 - Mbeti ti Nzapa - Tënë so amu fini

¹⁹ Zo ayeke fâ kasa ti mbage ti maboko ti koli ti te, me nzara ayeke ngba ti sara lo; lo yeke te na mbage ti maboko ti wali, me ya ti lo ayeke si pepe. Zo oko oko ayeke te kasa ti tere ti lo wani.

Ésaïe 9:19 ပူးပေါင်းရင်းမြစ်များ

Ésaïe 1:31

Zo ti ngangu ayeke ga tongana holengo pere, kua ti lo ayeke ga tongana akete kete le ti wâ; zo ni na kua ti lo kue, wâ ayeke gbi ala kue legeoko, zo oko ti mingo ni ayeke daa pepe.

Ésaïe 10:6

Mbi tokua lo na tere ti amara so ake mbi, mbi tokua lo ti gue hio na tere ti azo so asara si ngonzo ti mbi alondo. Mbi tokua lo ti nzi ye ti azo ni, ti gbu aye ti ala tongana ti so a yeke gbu ye na peko ti bira, ti do ala na gbe ti gere tongana ti so zo ayeke do ya ti potopoto na ndö ti lege.

Ésaïe 13:13

Ndani laa, fade yayu ayeke yingi si gere ti sese ayeke do na lege ti ngonzo ti KOTA GBIA so ayeke na ndö ti dunia kue, na lango so ngonzo ti lo ni ayeke londo tongana wâ.

Ésaïe 13:18

Ala yeke fâ amaseka na kokora ti ala, akete molenge so a du ala fini ni, azo ni ayeke zia ala pepe; mawa ti amolenge ayeke sara ala pepe.”

Ésaïe 13:9

Baa lango ti KOTA GBIA ayeke ga, lango so ayeke baa mawa ti zo pepe, lango ti sioni ngonzo, lango ti ngonzo ti wâ. Lango ni ayeke sara si sese aga ngonda, ayeke fâ azo ti siokpari kue.

Ésaïe 24:6

Ndani laa Nzapa adeba sese ni si abuba, azo so alango na ndö ni ayeke wara ye ti peko ti sioni ti ala, ala yeke kui si ala ngba gi kete.

Ésaïe 26:11

KOTA GBIA, mo yo maboko ti mo na nduzu ti pika ala, me ala baa ni pepe. Fade ala yeke baa so mo yeke na nzara mingi ti sara na azo ti mo, tongaso kamene ayeke gbu le ti ala. Wâ so a leke ndali ti awato ti mo ayeke gbi azo ni.

Ésaïe 3:5

Azo ayeke sara ngangu na amba ti ala na popo ti ala, zo oko oko ayeke sara ngangu na mba ti lo. Molenge ayeke londo ti tiri na kangba; senge zo ayeke londo ti tiri na kota zo.

Ésaïe 33:14

Na *Sion, azo ti siokpari ado na mbeto, tere ti azo ti sioni ado. Ala yeke hunda tere ti ala, atene: “Wâ so ayeke gbi ye kue so, zo wa na popo ti e alingbi ande ti luti na tere ni, zo wa? Zo wa na popo ti e alingbi ti luti na tere ti kota wâ so ayeke gbi lakue lakue so zo wa?”

Ésaïe 4:4

KOTA GBIA ayeke tokua yingo ti fango ngbanga nga na yingo so ayeke gbi ye tongana wâ ti zi sioni ti azo ti Sion, ti sukula Jérusalem ndali ti mene so atuku na ya ti gbata ni.

Ésaïe 42:25

Ndani laa KOTA GBIA atuku na ndö ti Israel ngonzo ti lo ti wâ nga na sioni ye ti bira. Bira ni abi wâ na tere ti ala mbage na mbage kue, me Israel ahinga ye oko daa pepe. Wâ ni agbi azo ni, me tënë ni agbu be ti ala pepe.

Ésaïe 5:24

Ndani laa, fade ala yeke ga tongana pere so wâ agbi ni, ala yeke ga tongana holengo pere so menga ti wâ agbi ni kue. Ala yeke duti tongana pere so gunda ni afun na ya ti sese, tongana kongo so pupu ahon na ni tongana fuku ti sese. Biani, ye so KOTA GBIA so ayeke na ndö ti dunia kue afa, ala ke ni; tënë ti Nzapa ti Israel, lo so lo yeke nde si lo yeke nzoni kue, ala baa ni tongana mbumbuse ye.

Ésaïe 5:30

Me na lango ni so, mbeni toto ayeke londo ti ga na tere ti ala tongana toto ti kota ngu-ingo. Tongana zo abaa ndo na ndö ti sese, fade lo yeke baa gi vukongo ndo na ye ti ngangu; angbongboro mbinda ayeke kanga sungo ti lâ.

Ésaïe 60:2

Baa, vukongo ndo amu ndö ti sese, vukongo ndo so avuko pitipiti akanga ndö ti azo. Me ti mo, KOTA GBIA ayeke londo si gonda ti lo ayeke su na ndö ti mo.

Ésaïe 8:22

Na pekoni, ala yeke baa ndo na sese: gi ye ti ngangu na vukongo ndo, vukongo ndo so ayeke zia kota mbeto na be ti zo, vukongo ndo so avuko pitipiti.

Jérémie 13:16

Ala gonda KOTA GBIA, Nzapa ti ala kozo titene lo tokua vukongo ndo, kozo titene ala pika gere ti ala na li ti ahoto so ndo avuko daa. Ala yeke ku vurungo ndo, me KOTA GBIA asara si vurungo ndo ni aga ndo so avuko pitipiti; lo sara si aga vuko mbinda.

Ezekiel 9:5

Na pekoni, mbi ma KOTA GBIA atene na ambeni koli ni, atene: “Ala mu peko ti koli so na ya ti gbata ni, ala fâ azo. Mawa ti azo ni asara ala pepe, ala baa mawa ti zo oko pepe.

Joël 2:2

Lango ni ayeke lango ti vukongo ndo, lango so ndo avuko pitipiti; lango ti ambinda na lango ti vuko mbinda. Baa, agbadola gbani gbani ayeke ga, ala yeke na ngangu, ala yeke tongana vukongo ndo so ayeke mu ndö ti ahoto kue. Ade zo abaa mara ti ye tongaso laoko pepe, zo ayeke kiri ti baa ni laoko pepe, ngbii asi na azo so ayeke du ala gbanda na peko, yongoro kâ.

Joël 2:3

Na dawa ti ala, wâ ayeke gbi ye kue, na peko ti ala, menga ti wâ ayeke gbi ye kue. Kozoni si ala ga, sese ayeke tongana yaka ti Eden; na peko ti ala, sese ni aga tongana benyama, ndo so ye kue abuba daa; mbeni ye so ala zia angba ayeke daa pepe.

Awayango-sandaga 26:26

Mbi yeke gbanzi na ala kobe; awali baleoko alingbi ti to kobe ti ala na ya ti duke oko; awali ni ayeke mu kobe ni gi kete kete ti ga na ni na ala, ala yeke te ni, me ya ti ala ayeke si pepe.

Amos 5:18

Mawa na ala, azo so ayeke ku *lango ti KOTA GBIA! Nzoni ye ti nyen laa ala yeke wara na lango ti KOTA GBIA ni nyen? Lango ni ayeke duti lango ti vukongo ndo, me lango ti lumiere pepe.

Abdias 1:18

Fade ahale ti Jacob ayeke ga tongana wâ si ahale ti Joseph ayeke ga tongana menga ti wâ. Me ahale ti Ezau ayeke ga tongana holengo pere so a zia wâ daa si agbi kue. Fade mbeni zo oko ti mara ti Ezau ayeke ngba na fini pepe.” *KOTA GBIA laa atene tënë so.

Mishe 7:2

Azo so abata be ti ala na Nzapa ayeke na ya ti kodro ni mbeni pepe. Mbeni zo ti mbirimbiri oko ayeke na popo ti azo ti kodro ni pepe. Azo kue ayeke gi gi lege ti fâ amba ti ala; zo oko oko ayeke gi lege titene mba ti lo ati na ya ti gbanda.

Mishe 7:6

Biani, molenge-koli ayeke iri babâ ti lo zo ti gbogbolinda, molenge-wali ayeke ga wato ti mama ti lo, wali ayeke ga wato ti mama ti koli ti lo; wato ti zo oko oko ayeke azo ti da ti lo wani.

Zakarii 11:6

Biani, mbi nga, fade mbi yeke baa mawa ti azo ti sese so pepe; so tënë ti yanga ti KOTA GBIA laa. Fade mbi yeke zia zo oko oko na maboko ti mba ti lo so ayeke nduru na lo, nga na maboko ti gbia ti kodro ti lo. Agbia ni ayeke buba sese biani biani, me mbi yeke zi zo oko na maboko ti agbia ni pepe.”

Zakarii 11:9

Tongaso, mbi tene na ala: “Mbi yeke kiri ti gue na ala na ndo ti tengo pere pepe. Ala so aye ti kui, ala kui! Ala so aye ti fâ ala, a fâ ala! Atanga ni so angba na fini si ala ye ti te tere na popo ti ala, ala te tere!”

Matthieu 27:45

Ti londo na bekombite ngbii asi na ngbonga ota, ndo avuko na ya ti kodro ni kue.

Awatokua 2:20

lâ ayeke ga vukongo ndo, nze ayeke ga bengba tongana mene. Na pekoni, fade lango ti *Kota Gbia ayeke si, kota lango so azo ayeke baa gonda ti Nzapa.

2 Pierre 2:4

Biani, *a-ange so asara siokpari ando so, Nzapa azia ala senge tongaso pepe, me lo bi ala na ya ti kota wâ, lo kanga ala na zingiri na ya ti vukongo ndo ti bata ala, ti ku na lango ti fango ngbanga.