Ésaïe 9:14 - Mbeti ti Nzapa - Tënë so amu fini

¹⁴ *Akangba na akota zo ti kodro, li ni laa; awayanga-nzapa ti mvene, damba ni laa.

Ésaïe 9:14 ပူးပေါင်းရင်းမြစ်များ

Ésaïe 10:17

Fade lumiere ti Israel ayeke ga wâ; lo so ayeke nde si ayeke nzoni kue ayeke ga menga ti wâ so ayeke zö si ayeke gbi akamba ti ki na aki gi na ya ti lango oko.

Ésaïe 19:15

Na Ezipte, zo oko ayeke kiri ti sara ye pepe, ataa li ni, ataa damba ni, ataa maboko ti mburu na pere ti sosongo.

Ésaïe 30:13

Nilaa, sioni sarango ye so ayeke ga ande tongana yongoro dere ti da so du akoro na ya ni. Mbeni ye asuku daa si mo ye ti baa, dere ni akungbi, atuku na sese.

Jérémie 6:21

Ndani laa, tënë so KOTA GBIA atene ayeke so: Mbi yeke zia na lege ti azo so mbeni ye titene ala pika gere ti ala daa si ala ti: ababâ na amolenge ti ala ayeke ti legeoko, azo so ayeke nduru na ala nga na amba ti ala ayeke kui.”

Jérémie 8:12

Kamene alingbi fade ti gbu le ti ala ndali ti asioni ye so ala yeke sara si zo alingbi ti baa na le ti lo fani use pepe; me kamene agbu le ti ala oko pepe. Ala hinga atene, so sioni ye laa ala yeke sara so pepe. Ndani laa KOTA GBIA atene: Ala yeke ti legeoko na tanga ti azo so ayeke ti. Na ndembe so mbi yeke ga na tere ti azo ni, ala nga, ala yeke ti.”

Abia ti demango tere 4:16

KOTA GBIA, lo wani akangbi ala kirikiri; lo ye ti baa ala na le ti lo mbeni pepe. Zo ti nengo awayango-sandaga ayeke daa pepe! Zo ti kpengo awayango-sandaga ayeke daa lawa.

Osée 1:4

KOTA GBIA atene na Osée: “Mo di iri ti molenge ni Yizreel, ngbanga ti so na ya ti kete ngoi, fade mbi yeke ga ti kiri peko ti sioni na *ahale ti Yehu ndali ti mene so ala tuku na Yizreel so. Fade mbi yeke sara titene lengo-gbia ahunzi na Israel.

Osée 1:6

Gomer akiri amu ngo si lo du molenge-wali. KOTA GBIA atene na Osée: “Mo di iri ti molenge ni Lo-Ruhama, ngbanga ti so, mbi yeke ngba ti ye azo ti Israel pepe, mbi yeke zi ndoye ti mbi kue na ala.

Osée 1:9

KOTA GBIA atene na Osée: “Mo di iri ti molenge ni Lo-Ami, ngbanga ti so ala, azo ti Israel, ala yeke mara ti mbi pepe si mbi, mbi yeke na ndo so ndali ti ala pepe.”

Osée 10:15

Azo ti Israel, baa ye so Betel ayeke ga ande na ni na ndö ti ala ndali ti sioni ti ala so ahon ndoni so laa! Na ndaperere, so ndo angba kâ, ti gbia ti Israel ayeke hunzi.”

Osée 13:3

Ndani laa, fade ala yeke ga tongana mbinda ti ndaperere, tongana ngu ti pere ti ndaperere so ayeke hon hongo, tongana pere so pupu amu na ndö ti lakere, ahon na ni yongoro, tongana guru ti wâ so ayeke sigigi na li ti da ahon.

Osée 4:5

Na kota lâ, fade mo yeke pika gere ti mo ti ti, na bi, mo na wayanga-Nzapa ayeke pika gere ti ala ti ti; mbi yeke sara si mama ti mo akui.

Osée 8:8

“A te azo ti Israel, a mene ala awe. Ala yeke fadeso na popo ti amara tongana mbeni gbagba ta so zo ake ni.

Amos 3:12

Tënë so KOTA GBIA atene ayeke so: “Tongana ti so wabatango-taba ayeke gboto gi gere use wala nduru mê ti taba na yanga ti bamara so agbu mbeni taba, gi mara ti ye so laa ayeke si ande na azo ti Israel so ayeke lango na gbata ti Samarii; azo ti Israel so ayeke lango na ya ti ayongoro ngende, wala na ndö ti apendere gbogbo so, fade a yeke soo gi ambeni oko oko.”

Amos 6:11

Biani, KOTA GBIA amu gi yanga: akota da ayeke tuku na sese gburrr; ataa akete da ayeke suru kirikiri.

Amos 7:17

Ndani laa, tënë so KOTA GBIA atene ayeke so: ‘Fade wali ti mo ayeke sara ye ti ndumba na ya ti gbata ni; a yeke fâ amolenge ti mo ti koli na ti wali. A yeke haka sese ti mo ti kangbi ni na popo ti azo. Ti mo, mo yeke kui na kodro ti amara nde, a yeke gbu azo ti Israel kue kue kue ti gue na ala yongoro na tere ti kodro ti ala.’ ”

Aye so Nzapa afa 18:10

Mbeto ti pasi so lo yeke baa ayeke sara ala; ala yeke luti yongoro si ala yeke tene: “Mawa-ee! So mawa! Kota gbata-ee, Babilone-ee! Ngangu gbata! Gi na ya ti ngbonga oko, a fâ ngbanga na li ti mo awe!”

Aye so Nzapa afa 18:17

Gi na ya ti ngbonga oko, gba ti amosoro ti lo so kue abuba awe!” Amakonzi kue ti amangboko, azo so kue ayeke sara kua na ya ni, azo so ayeke tambula na amangboko ni, na azo so kue ayeke wara nginza na lege ti sarango kua na le ti ngu,

Aye so Nzapa afa 18:8

Ndani laa, gi na ya ti lango oko, fade aye ti sioni so a leke ndali ti lo ayeke si na lo: kuâ, mua na kota nzara. Fade wâ ayeke gbi lo, ngbanga ti so Kota Gbia, Nzapa so ayeke na ngangu afâ ngbanga na li ti lo awe.”