Ésaïe 9:11 - Mbeti ti Nzapa - Tënë so amu fini

¹¹ Azo ti Sirii na mbage ti To, azo ti Filistii na mbage ti Do. Ala te azo ti Israel tengo. Ataa so kue, ngonzo ti KOTA GBIA akai pepe, maboko ti lo angba gi na nduzu.

Ésaïe 9:11 ပူးပေါင်းရင်းမြစ်များ

2 Agbia 15:29

Na ngoi so Peka ayeke gbia ti Israel, Teglat-Falasar, gbia ti Sirii aga si lo mu agbata tongana: Iyon, Abel-Bet-Maaka, Yanoa, Kedesh na Hasor. Lo mu nga sese ti Galaad, ti Galile na ti Neftali kue. Lo gbu azo ti agbata ni si lo gue na ala na kodro ti Asirii.

2 Agbia 16:9

Gbia ti Asirii ayeda na tënë ti Ahaz. Gbia ti Asirii ague ti tiri bira na gbata ti Damas si lo mu gbata ni. Lo gbu azo ti gbata ni, lo gue na ala na gbata ti Kir si lo fâ Resin.

Ésaïe 10:4

Mbeni ye ti ala ti sarango ni ayeke daa pepe, gi titene ala ba tere ti ala na popo ti azo ti kanga, wala ala ti na sese na popo ti akuâ. Ataa so kue, ngonzo ti *KOTA GBIA akai pepe, maboko ti lo angba gi na nduzu.

Ésaïe 28:1

So mawa na gbata ti Samarii so akpa kpoto ti gbia! Azo ti Efraim so ayeke angbaa ti samba ayeke pika kate ti ala ndali ni. Gbata ni ayeke na nduzu ti popo-hoto so akobe ayeke le daa mingi. Gbata ni akpa kongo so awoko awe si a zia na li ti azo ti sara pendere ti ala, azo so anyon vin si ahon ndö ti ala.

Ésaïe 5:25

Ndani laa ngonzo ti *KOTA GBIA alondo tongana wâ na tere ti azo ti lo. Lo yo maboko ti lo na nduzu ti pika ala. Ahoto ayingi, kuâ ti azo ni alango na ndö ti lege tongana zende. Ataa so kue, ngonzo ti KOTA GBIA akai pepe, maboko ti lo angba gi na nduzu.

Ésaïe 7:1

Na ngoi so Ahaz, molenge ti Yotam, molenge ti Ozias ayeke gbia ti Juda, Resen, gbia ti Sirii na Peka, molenge ti Remalia, gbia ti Israel, alondo ti gue ti tiri bira na azo ti Jérusalem. Me ala wara lege ti mu gbata ni pepe.

Ésaïe 7:8

Biani, Damas ayeke li-kodro ti Sirii, Resen ayeke gbia gi na Damas. Angba ngu baleomene na oku titene azo aga ti buba sese ti Efraim kue; Efraim ayeke kiri ti ngba mara pepe.