Ésaïe 8:9 - Mbeti ti Nzapa - Tënë so amu fini

⁹ Ala azo, ala do na mbeto, fade a yeke nika ala! Ala azo so alango yongoro, ala dingi mê ti ala, ala ma! Ala leke tere ti ala ti tiri bira, fade a yeke nika ala! Ala leke tere ti ala ti tiri bira, fade a yeke nika ala!

Ésaïe 8:9 ပူးပေါင်းရင်းမြစ်များ

1 Agbia 20:11

Gbia ti Israel akiri tënë, atene: “Ala dabe ti Ben-Hadad na *mato so: ‘Zo so ade ti so benda na ya ti bira pepe, lo lingbi ti pika kate ti lo pepe!’ ”

Amato 11:21

Taa-tënë, fade zo ti sioni ayeke wara ngbanga ti sioni ti lo; me azo ti mbirimbiri kue ayeke sigigi daa.

Ésaïe 28:13

Ndani laa, fade KOTA GBIA ayeke tene na ala gi oko tënë so: “BA-BA, BABA, MA-MA, MAMA, GE, KÂ, GE, KÂ.” Tongaso, tongana ala yeke tambula, ala yeke ti na mbage ti peko ti ala si bio ti ala ayeke kungbi. Ala yeke ti na ya ti kuku si a yeke gbu ala.

Ésaïe 37:36

*Ange ti *KOTA GBIA asi na ya ti bâbâ ti azo ti Asirii si lo fâ aturugu 185 000. So azo alondo na kota ndaperere, ala baa gi akuâ kue laa ayeke lango na sese so!

Ésaïe 54:15

Tongana mbeni zo aga ti tiri na mo, mbi laa mbi yeke tokua lo pepe. Zo so ayeke tiri na mo, lo yeke ti na dawa ti mo.

Jérémie 42:11

Fadeso ala kiri asara mbeto ti gbia ti Babilone pepe, lo so mbeto ti lo ahon ndö ti ala so. Ala sara mbeto ti lo pepe! So tënë ti yanga ti KOTA GBIA laa. Biani, mbi yeke na ala ti soo ala, ti zi ala na maboko ti lo.

Jérémie 46:3

“Ala leke *avala, akete ni na akota ni! Ala londo asara bira!

Jérémie 46:4

Ala kanga aye ti bira na ndö ti ambarata! Ala azo ti kpengo na mbarata, ala londo! Ala yu kpoto ti bira, ala luti na molongo! Ala leke yanga ti alikongo, aza! Ala yu kazaka ti wen!”

Jérémie 51:20

“Babilone, lani mo yeke martoo, mo yeke ye ti bira ti mbi. Mbi mu mo ti nika amara nde nga ti buba akodro-gbia.

Ezekiel 38:7

Leke tere ti mo nzoni, duti nduru, mo na gba ti azo so kue abongbi na tere ti mo; mo laa mo yeke bata ala.

Ezekiel 38:8

Gbanda, ngu mingi na pekoni, mbi yeke tokua mo ti sara bira na kodro ti Israel. Andaa na ngoi ni so, azo ti kodro ni so akpe lani bira, ala yeke bongbi tere ti ala na ndö ti ahoto ti Israel, ahoto so abuba aninga awe. Na peko ti so azo ni agboto tere ti ala na popo ti gba ti amara, ala yeke duti na siriri.

Josué 11:5

Agbia so kue awara tere si ala gue, asara bâbâ ti ala na tere ti ngu ti Merom, ti tiri bira na azo ti Israel.