Ésaïe 8:8 - Mbeti ti Nzapa - Tënë so amu fini

⁸ Ngu ni ayeke sua na ya ti kodro ti Juda, ayeke suku, ayeke mu ya ti kodro ni, ayeke suku ngbii agbu zo na go ti lo. Ngu ni ayeke suku mbage na mbage si ayeke mu ndö ti kodro ti mo kue, Emmanuel.”

Ésaïe 8:8 ပူးပေါင်းရင်းမြစ်များ

2 Agbia 17:3

Salmanasar, gbia ti Asirii aga ti tiri bira na Osée. Osée aga zo ti gbe ti lo si ayeke futa lapo na ngu oko oko.

2 Mbai 12:4

Lo mu agbata so a sara ngangu gbagba na tere ni si ayeke na sese ti Juda; lo gue ngbii lo si na Jérusalem.

Ésaïe 10:6

Mbi tokua lo na tere ti amara so ake mbi, mbi tokua lo ti gue hio na tere ti azo so asara si ngonzo ti mbi alondo. Mbi tokua lo ti nzi ye ti azo ni, ti gbu aye ti ala tongana ti so a yeke gbu ye na peko ti bira, ti do ala na gbe ti gere tongana ti so zo ayeke do ya ti potopoto na ndö ti lege.

Ésaïe 30:28

Pupu ti yanga ti lo ayeke tongana ngu so ayeke sua, asuku ngbii asi na go ti zo. Pupu ni ayeke ga ti yengere amara nde na mbeni yengere ti fango zo. Lo yeke zia na yanga ti azo ni mbeni kamba ti gue na ala kirikiri.

Ésaïe 43:2

Tongana mo hon na ya ti kota ngu, fade mbi yeke na mo; tongana mo fâ *abale, abale ni ayeke mene mo pepe. Tongana mo hon na ya ti wâ, wâ ni ayeke gbi mo pepe, menga ti wâ ni ayeke ndu mo pepe.

Ésaïe 7:14

Tongaso, fade KOTA GBIA wani ayeke fa na ala mbeni ye: maseka-wali ayeke mu ngo, lo yeke du molenge-koli, lo yeke di iri ti lo Emmanuel.

Ésaïe 7:17

Ti mo, na azo ti mo na azo ti sewa ti mo, fade KOTA GBIA ayeke sara titene ambeni lango ti kpale aga na ndö ti ala. Alango ni ayeke duti ande alango so zo ade abaa ni laoko pepe, ti londo na ngoi so Israel na Juda akangbi. Ye so aye ti sara tënë ti gbia ti Asirii.”

Ésaïe 8:10

Ala leke apialo ma, fade ayeke li ngu. Ala tene tënë mingi mingi ma, fade a yeke sara ye oko pepe, ngbanga ti so Nzapa ayeke na e.

Jérémie 47:2

Tënë so KOTA GBIA atene ayeke so: “Baa, ngu so asuku alondo na Banga ti ga; aga ngu so ayeke sua ngangu, asuku amu le ti kodro kue nga na aye so ayeke na ya ni; amu agbata na azo so ayeke lango na ya ni. Azo ato nda ti dekongo; azo ti kodro kue ayeke he bia ti totongo kuâ.

Jérémie 48:40

Baa, tënë so KOTA GBIA atene ayeke so: “Wato azi ya ti kpangi ti lo, lo yeke huru na ndö ti Moab tongana *ngoalo.”

Jérémie 51:42

Kota ngu-ingo asuku amu Babilone awe; *amapo ti kota ngu-ingo ni atoto ngangu si akanga ndö ti Babilone kue.

Ezekiel 17:3

Mo tene na ala, mo tene: Tënë so Kota Gbia NZAPA atene ayeke so: ‘Mbeni kota *ngoalo ayeke daa so *akpangi ti lo akono mingi, kua ti tere ti lo ayo yongo si ayeke gbani gbani, anzoroko ni ayeke nde nde. Mbeni lâ, lo huru lo ga na ndö ti hoto ti Liban. Lo kungbi li ti keke ti sedre,

Ezekiel 26:19

“Biani, tënë so mbi Kota Gbia NZAPA, mbi tene ayeke so: Mbi yeke sara titene mo ga tongana agbata so a buba ni kue awe, so zo oko ayeke lango daa mbeni pepe. Mbi yeke sara titene gba ti ngu alondo na gbe ti kota ngu-ingo aga amene mo.

Daniel 11:10

‘Fade amolenge ti gbia ti Banga ayeke londo ti sara bira; ala yeke bongbi aturugu gbani gbani. Mbeni oko ti amolenge ni ayeke ga na aturugu ti lo si ala yeke mu akodro mingi. Na kiringo ti gbia ni na kodro ti lo, lo yeke li na ya ti mbeni gbata tongana ngu so asuku si amu ndo kue; lo yeke sara bira na ya ti mbeni gbata so ngangu gbagba ayeke na tere ni.

Mishe 1:9

A pika azo ti Samarii na ka, ka ni ayeke kota mingi, zo alingbi ti sara si ka ni amu pepe. Ka ni ague ngbii awara azo ti Juda, ague nga ngbii asi na yanga ti gbata ti Jérusalem, ndo so azo ti mbi ayeke daa.

Mishe 5:5

Fade azo ti li ni so ayeke sara komandema na ndö ti sese ti Asirii na yongoro zeme, ala yeke sara komandema na ndö ti kodro ti Nemrod na zeme so yanga ni aza.” “Ti makonzi ni, fade lo yeke zi e na maboko ti azo ti Asirii tongana ala hon katikati ti kodro ti e titene ala li na sese ti e.”

Matthieu 1:23

“Baa, fade maseka-wali so ade ti hinga koli pepe ayeke mu ngo, lo yeke du molenge-koli; fade a yeke di iri ti lo Emmanuel.” – Nda ti iri so atene: “Nzapa ayeke na e”. –