Ésaïe 8:7 - Mbeti ti Nzapa - Tënë so amu fini

⁷ Ndali ti ye so ala sara so, fade KOTA GBIA ayeke sara titene *bale ti Efrate asuku, aga na tere ti ala. Bale ni ayeke gbia ti Asirii na ngangu ti lo kue. Ngu ni ayeke londo na ndo so lo yeke daa, lo yeke suku ti hon yanga ti sese ti mu ndo kue.

Ésaïe 8:7 ပူးပေါင်းရင်းမြစ်များ

Tongo nda ti aye 6:17

Ti mbi, mbi yeke sara titene ngu asuku, amu ndö ti sese ti buba aye so kue ayeke na fini. Fade aye so kue ayeke na ndö ti sese ayeke kui.

2 Agbia 19:32

Ndani laa, tënë so KOTA GBIA atene na ndö ti gbia ti Asirii ayeke so: “Fade lo yeke li na ya ti gbata so pepe, lo yeke bi ale ti kokora kâ pepe, lo yeke gbu *vala ti tiri na ni pepe, lo yeke bongbi sese aga *koto na tere ti gbata ni pepe.

Esdras 4:10

na iri ti azo so Asnapar, lo so lo yeke kota mingi si iri ti lo awu mingi, lo so lo gbu lani ala si lo ga lo zia ala na ya ti agbata ti Samarii nga na ya ti tanga ti sese so ayeke na Do ti ngu ti Efrate…”

Abia (Psaumes) 46:4

ataa *amapo ti kota ngu-ingo atoto, asuku, ataa ngangu ti angu ni ayingi akota hoto. Luti kete

Abia (Psaumes) 72:8

Ayeke nzoni lo sara komandema, ti londo na mbeni kota ngu-ingo ngbii asi na mbeni kota ngu-ingo, ti londo na *bale ti Efrate ngbii asi na nda ti sese kue!

Ésaïe 10:16

Ndani laa, Kota Gbia NZAPA so ayeke na ndö ti dunia kue ayeke tokua kobela na tere ti azo ti lo so akono titene ala nge. Na gbe ti gonda ti ala, fade mbeni ye ayeke gbi tongana wâ so ayeke gbi ye.

Ésaïe 10:5

*KOTA GBIA atene: “Mawa na Asirii! Lo yeke tongana nduru keke ti ngonzo ti mbi; tongana lo gbu keke so na maboko ti lo, andaa sioni ngonzo ti mbi laa.

Ésaïe 11:15

KOTA GBIA ayeke sara si kota ngu-ingo ti Ezipte ahole. Lo yeke yoro maboko ti lo na ndö ti *bale ti Efrate; lo yeke wu kota pupu si ya ti bale ni akangbi maboko ni mbarambara, zo alingbi ti hon daa na gere senge.

Ésaïe 28:15

“Ala yeke tene: E na kuâ e ga *ambuki awe, e na ndo ti akuâ, e leke tënë awe. Tongana ye ti ngangu ayeke si ande, ye ni ayeke wara e pepe. Biani, tenengo mvene aga ndo so e yeke kpe daa ti bata tere ti e, handango azo ayeke ndo ti hondengo tere ti e.”

Ésaïe 28:17

Mbi yeke mu sarango ye na legeni tongana kamba ti hakango na ye, ye ti mbirimbiri tongana kamba ti amason.” Me fade *pembe ti bekpa ayeke zi ndo ti batango tere ti ala ti mvene ti hon na ni, ngu ayeke suku ti mu ndo ti hondengo tere ti ala.

Ésaïe 28:2

Baa mbeni zo ti ngangu, zo so mbeto asara lo pepe ayeke ga; *KOTA GBIA laa atokua lo. Zo ni akpa kota pupu ti ngu-Nzapa so asara si *apembe ti bekpa atuku, lo kpa ngu-Nzapa so ayeke buba ndo, kota ngu-Nzapa so apika si amu ndo kue. Zo ni ayeke sara ye gi na ngangu ngangu si lo yeke kinda aye kue na sese.

Ésaïe 43:2

Tongana mo hon na ya ti kota ngu, fade mbi yeke na mo; tongana mo fâ *abale, abale ni ayeke mene mo pepe. Tongana mo hon na ya ti wâ, wâ ni ayeke gbi mo pepe, menga ti wâ ni ayeke ndu mo pepe.

Ésaïe 59:19

Tongaso, ti londo na To ngbii asi na Do, fade azo ayeke kpe mbeto ti iri ti KOTA GBIA, azo kue ayeke kpe mbeto ti gonda ti lo. Biani, fade lo yeke ga tongana *bale so asua ngangu si pupu ti KOTA GBIA ayeke pusu ni.

Ésaïe 7:17

Ti mo, na azo ti mo na azo ti sewa ti mo, fade KOTA GBIA ayeke sara titene ambeni lango ti kpale aga na ndö ti ala. Alango ni ayeke duti ande alango so zo ade abaa ni laoko pepe, ti londo na ngoi so Israel na Juda akangbi. Ye so aye ti sara tënë ti gbia ti Asirii.”

Ésaïe 7:20

Na lango ni so, KOTA GBIA ayeke iri zeme na mbage ti bale ti Efrate – zeme ni ayeke gbia ti Asirii –. Fade lo yeke kio kua ti li ti ala na kua ti tere ti ala; lo yeke kio nga kua ti yanga ti ala.

Jérémie 47:2

Tënë so KOTA GBIA atene ayeke so: “Baa, ngu so asuku alondo na Banga ti ga; aga ngu so ayeke sua ngangu, asuku amu le ti kodro kue nga na aye so ayeke na ya ni; amu agbata na azo so ayeke lango na ya ni. Azo ato nda ti dekongo; azo ti kodro kue ayeke he bia ti totongo kuâ.

Jérémie 51:42

Kota ngu-ingo asuku amu Babilone awe; *amapo ti kota ngu-ingo ni atoto ngangu si akanga ndö ti Babilone kue.

Ezekiel 26:19

“Biani, tënë so mbi Kota Gbia NZAPA, mbi tene ayeke so: Mbi yeke sara titene mo ga tongana agbata so a buba ni kue awe, so zo oko ayeke lango daa mbeni pepe. Mbi yeke sara titene gba ti ngu alondo na gbe ti kota ngu-ingo aga amene mo.

Daniel 11:10

‘Fade amolenge ti gbia ti Banga ayeke londo ti sara bira; ala yeke bongbi aturugu gbani gbani. Mbeni oko ti amolenge ni ayeke ga na aturugu ti lo si ala yeke mu akodro mingi. Na kiringo ti gbia ni na kodro ti lo, lo yeke li na ya ti mbeni gbata tongana ngu so asuku si amu ndo kue; lo yeke sara bira na ya ti mbeni gbata so ngangu gbagba ayeke na tere ni.

Daniel 11:22

Aturugu gbani gbani so amu ndo tongana ngu so asuku alingbi ti kinda lo pepe; lo yeke nika ala kue. Lo yeke fâ nga makonzi ti azo ti *mbuki.

Daniel 9:26

Na peko ti ngoi baleomene na use so, fade a yeke fâ zo so a tuku mafuta na li ti lo so; zo oko ayeke mu maboko na lo pepe. Na pekoni mbeni makonzi ayeke londo, lo na aturugu ti lo ayeke ga ti buba gbata ni nga na ndo so a zia ni nde ndali ti Nzapa. Me na ndani, lango ti makonzi ni ayeke hunzi na lege ti ngonzo ti Nzapa so ayeke tuku na ndö ti lo. Me lo yeke sara bira ngbii asi na lango ti kuâ ti lo si lo yeke buba ndo kue alingbi na ye so a diko ndali ti lo.

Amos 8:8

Ndani laa, fade sese ayeke yingi si azo ti kodro ni kue ayeke duti na vundu. Fade sese ni kue ayeke londo na nduzu, na pekoni, ayeke kiri na gbeni tongana kota ngu ti Ezipte so asuku si akiri na gbeni.

Amos 9:5

Kota Gbia NZAPA so ayeke na ndö ti dunia kue, tongana lo ndu sese na maboko ti lo, sese ni ayeke yingi si azo ti kodro ni kue ayeke duti na vundu. Sese ni kue ayeke londo na nduzu, na pekoni, ayeke kiri na gbeni tongana kota ngu ti Ezipte so asuku si akiri na gbeni.

Mishe 1:9

A pika azo ti Samarii na ka, ka ni ayeke kota mingi, zo alingbi ti sara si ka ni amu pepe. Ka ni ague ngbii awara azo ti Juda, ague nga ngbii asi na yanga ti gbata ti Jérusalem, ndo so azo ti mbi ayeke daa.

Mishe 5:4

Lo wani laa lo yeke mu siriri na azo. “Tongana azo ti Asirii aga ti mu kodro ti e si ala li na ya ti ayangbo ti agbia ti e, fade e yeke tokua azo ti li ni mbarambara na amakonzi miombe ti tiri bira na ala.

Mishe 5:5

Fade azo ti li ni so ayeke sara komandema na ndö ti sese ti Asirii na yongoro zeme, ala yeke sara komandema na ndö ti kodro ti Nemrod na zeme so yanga ni aza.” “Ti makonzi ni, fade lo yeke zi e na maboko ti azo ti Asirii tongana ala hon katikati ti kodro ti e titene ala li na sese ti e.”

Nahum 1:8

na ndembe so ye ti ngangu ahon ndö ti ala tongana ngu so ayeke sua ngangu. Me lo yeke buba kodro ti awato ti lo si lo yeke tumba ala na ndo so avuko pitipiti.

Nzoni Tënë so Luc asu na mbeti 6:48

lo yeke tongana zo so ayeke sara da; lo zi du so ali si lo leke gere ti da ni na ndö ti têne. Ngu asuku amu ndo kue, ngu asua ngangu, apika tere ti da ni, me da ni ayingi oko pepe, ngbanga ti so lo sara da ni nzoni.

Aye so Nzapa afa 17:15

Ange ni akiri atene na mbi: “Angu so mo baa so si wali-ndumba ni ayeke lango na tere ni so, ayeke azo ti akodro nde nde, azo gbani gbani, azo ti amara nde nde na azo ti ayanga ti kodro nde nde.