Ésaïe 8:21 - Mbeti ti Nzapa - Tënë so amu fini

²¹ Fade azo ayeke hon na ya ti kodro ni, na kota pasi na nzara. Ndali ti so nzara ahon ndö ti ala, ala yeke sara ngonzo, ala yeke deba gbia ti ala na Nzapa ti ala. Ala yeke baa ndo na nduzu.

Ésaïe 8:21 ပူးပေါင်းရင်းမြစ်များ

2 Agbia 25:3

Na lango gumbaya ti nze ni, kota nzara ati na ya ti gbata ni; azo ti kodro ni ayeke na kobe ti tengo ni mbeni pepe.

2 Agbia 6:33

So tënë angba gi na yanga ti Élisée, mo ye ti baa watokua ni asi, lo tene: “Asioni ye so kue asi na e so alondo na *KOTA GBIA! Nyen laa mbi yeke kiri ti zia be ti mbi ti ku na mbage ti KOTA GBIA, nyen?”

Mbeti ti Job 1:11

Me mo yoro maboko ti mo, mo ndu aye so kue lo yeke na ni, e baa! Mbi hinga so fade lo yeke deba mo taa na le ti mo.”

Mbeti ti Job 18:12

Lani lo yeke na ngangu mingi me fadeso, nzara awoko lo awe; pasi amu ndo na tere ti lo kue.

Mbeti ti Job 2:5

Me mo yoro maboko ti mo, mo ndu bio ti lo na kasa ti tere ti lo, e baa! Mbi hinga so fade lo yeke deba mo taa na le ti mo.”

Mbeti ti Job 2:9

Wali ti lo atene na lo: “Fade mo yeke ngba ti sara ye na legeni tongaso? Mo deba Nzapa, mo kui ma!”

Sigingo 22:28

“Ale ti kobe ti ala na ale ti vinye ti ala, ti mbi mbage ni, ala ku kungo pepe ti ga na ni na mbi. “Fade ala zia nde ndali ti mbi kozo molenge ti ala ti koli.

Amato 19:3

Sarango ye ti buba ayeke buba gigi ti zo; na pekoni, be ti lo aso na KOTA GBIA.

Ésaïe 14:30

Fade awayere ayeke te ye nzoni, azo ti mawa ayeke wu tere nzoni, mbeni ye ti sarango ala ayeke daa pepe. Me ti ala azo ti Filistii, fade mbi yeke sara titene *ahale ti ala akui nzara si tanga ti azo ti ala so angba na fini, a yeke fâ ala.

Ésaïe 51:19

Aye ti mawa use so asi na mo awe: aye ti mo kue abuba si kpale ati na ndö ti mo; kota nzara na bira afâ azo ti mo. Zo wa laa ayeke dema mo, zo wa? Zo wa laa ayeke de be ti mo, zo wa?

Ésaïe 59:9

Ndani laa Nzapa asara nzoni ye ndali ti e pepe si lo fâ ya ti ngbanga ti e pepe. E zia fade be ti e ti ku lumiere, me e yeke na ya ti vukongo ndo. E yeke ku fade sigingo ti lâ, me e yeke tambula na ya ti vukongo ndo so avuko pitipiti.

Ésaïe 65:13

Ndani laa, tënë so mbi, Kota Gbia NZAPA, mbi tene ayeke so: Fade azo ti kua ti mbi ayeke te kobe, me ti ala, ala yeke duti na nzara. Azo ti kua ti mbi ayeke na ngu ti nyongo ni, me ti ala, nzara ti ngu ayeke sara ala. Azo ti kua ti mbi ayeke duti na ngia, me ti ala, kamene ayeke sara ala.

Ésaïe 9:20

Azo ti mara ti Manase ayeke te azo ti mara ti Efraim, azo ti mara ti Efraim ayeke te azo ti mara ti Manase. Amara use so kue abongbi ti ga na tere ti azo ti mara ti Juda. Ataa so kue, ngonzo ti KOTA GBIA akai pepe, maboko ti lo angba gi na nduzu.

Jérémie 14:18

Tongana mbi gue na yaka, mbi yeke baa gi azo so akui na lege ti bira. Tongana mbi kiri na ya ti gbata, mbi yeke baa gi azo so akui na lege ti nzara. Awayanga-Nzapa na awayango-sandaga atambula na ya ti kodro ni kue, me ala gi li ti ala daa gbaa.”

Jérémie 52:6

Na lango gumbaya ti nze osio ni, kota nzara ati na ya ti gbata ni; azo ti kodro ni ayeke na kobe ti tengo ni mbeni pepe.

Awayango-sandaga 24:11

Iri ti mama ti molenge-koli ni ayeke Shelomit; Shelomit ayeke molenge ti Dibri ti wali; Dibri ayeke zo ti mara ti Dan. Molenge ti Shelomit azonga iri ti Nzapa si adeba lo. A mu molenge-koli ni ague na lo na Moïse.

1 Samuel 8:18

Na lango ni so, ala yeke dekongo ndali ti gbia so ala wani asoro lo. Me KOTA GBIA ayeke kiri tënë na ala oko pepe.”