Ésaïe 8:19 - Mbeti ti Nzapa - Tënë so amu fini

¹⁹ Ambeni zo ayeke tene: “Ala gue, ahunda yingo ti akuâ nga na azo so ayeke fa ye so ayeke si kekereke, azo ni ayeke huru yanga ti ala si ala yeke tene tënë na gbe ti go ti ala. Mbeni mara alingbi ti gue ti baa anzapa ti lo pepe? Ala lingbi ti tene tënë na akuâ ndali ti azo so ade na fini pepe?” Tongana azo ni atene na ala amara ti tënë tongaso,

Ésaïe 8:19 ပူးပေါင်းရင်းမြစ်များ

Tongo nda ti aye 41:24

Angengo ali ti ble ni ate akonongo ni kue. Mbi fa peko ti abango-li ni na azo ti nganga, me zo oko na popo ti ala ti fa nda ni na mbi ayeke daa pepe.”

2 Agbia 1:3

Me *ange ti *KOTA GBIA aga atene na Élie, zo ti gbata ti Tishebe, atene: “Londo, mo gue, mo wara azo so gbia ti Samarii atokua ala so; mo tene na ala, mo tene: ‘Nzapa ayeke na Israel pepe? Ala gue ti hunda Baal-Zebub, nzapa ti gbata ti Ekron ngbanga ti nyen?’

2 Agbia 21:6

Lo gbi molenge ti lo ti koli na wâ ti mu na *sandaga; lo gi nda ti aye, lo sara mazi; lo zia azo titene ala hunda yingo ti akuâ si ala fa nda ti aye so ayeke na hondengo ni. Lo kiri lo sara sioni so ague guengo na nduzu ti ke KOTA GBIA, ye so azia ngonzo na be ti lo.

2 Agbia 23:24

Yosias aye ti sara ye alingbi na atënë ti *Ndia so a su na ya ti buku so kota wayango-sandaga Hilkia awara na ya ti kota da ti *KOTA GBIA na Jérusalem. Nilaa lo tumba na sese ti Juda nga na Jérusalem azo so ayeke hunda ayingo ti akuâ. Lo buba ayanda nde nde so azo ayeke voro nga na afungo nzapa so kue zo abaa na Jérusalem nga na sese ti Juda.

1 Mbai 10:13

Saul akui, ngbanga ti so lo ke *KOTA GBIA. Lo ke ti sara ye alingbi na tënë ti KOTA GBIA; na ndö ni kue, lo gue ti hunda yingo ti mbeni kuâ

2 Mbai 33:6

Lo gbi amolenge ti lo ti koli na wâ ti mu na *sandaga na ndo so ayeke na popo-hoto ti Hinom; lo gi nda ti aye, lo sara mazi, lo sara yoro; lo zia azo titene ala hunda yingo ti akuâ si ala fa nda ti aye so ayeke na hondengo ni. Lo kiri lo sara sioni so ague guengo na nduzu ti ke KOTA GBIA, ye so azia ngonzo na be ti lo.

Abia (Psaumes) 106:28

Na hoto ti Peor, ala mu tere ti ala na nzapa *Baal, ala te anyama so a mu na *sandaga na anzapa so ayeke na fini pepe.

Ésaïe 19:3

Fade be ti azo ti Ezipte ayeke woko, mbi yeke buba ya ti apialo ti ala. Tongaso, ala yeke gue ti hunda ayanda, ayingo ti akuâ na azo so ayeke baa nda ti aye.

Ésaïe 26:14

Azo ni so akui awe so, ala yeke kiri ti duti na fini pepe, ala yeke kiri ti londo pepe. Mo ga na tere ti ala si mo hunzi ala kue, mo sara si azo akiri adabe ti ala na ala mbeni pepe.

Ésaïe 29:4

Fade mo yeke ti taa na gbeni, asara si tënë ti mo ayeke londo na gbe ti sese si asigigi; go ti mo so alondo na ya ti fuku ti sese si asigigi, azo ayeke ma ni nzoni pepe. Azo ayeke ma go ti mo ni tongana go ti mbeni toro so ayeke tene tënë na gbe ti go ti lo na ya ti fuku ti sese.

Ésaïe 30:2

Ala mu lege ti gue na Ezipte, me ala hunda mbi pepe. Ala yeke gi titene Faraon aga tongana ngangu gbagba ti batango ala, ala yeke gi ndo ti hondengo tere ti ala na gbe ti de ti Ezipte!

Ésaïe 45:11

*KOTA GBIA, Nzapa ti Israel, Nzapa so ayeke nde si ayeke nzoni kue, lo so lo sara Israel, tënë so lo tene ayeke so: “Ala laa ayeke hunda mbi tënë na ndö ti kekereke ti amolenge ti mbi? Ala laa ayeke mu yanga na mbi na ndö ti ye so mbi sara?

Ésaïe 47:12

Tongaso, mo ngba ti sara yoro ti mo nga na aye ti mazi ti mo ma! Mo to nda ti sarango aye ni so ngbene ye so mo de maseka. E hinga pepe, mo lingbi ti wara ye na peko ni, e hinga pepe, mo lingbi ti zia mbeto na be ti azo!

Ésaïe 47:13

Mo woko awe na bango azo ti gingo nda ti atongoro! Ala yeke baa le ti nduzu si nze na nze ala yeke fa ye so alingbi ti si na mo. Ayeke nzoni ala ga, ala soo mo!

Jérémie 10:10

Me KOTA GBIA ayeke taa Nzapa, lo yeke Nzapa so ayeke na fini, lo yeke gbia kpu na kpu. Tongana lo sara ngonzo, sese ayeke yingi; tongana le ti lo abe na ngonzo, amara nde alingbi ti kanga be ti ala pepe.

Jérémie 27:9

“Ti ala, ala ma awayanga-Nzapa ti ala pepe, ala ma azo ti bango nda ti aye ti ala pepe, ala ma azo ti fango nda ti abango-li pepe, wala azo so ayeke fa nda ti ambinda wala azo so ayeke sara aye ti mazi. Azo ni kue ayeke tene na ala atene, fade ala yeke ti na gbe ti gbia ti Babilone pepe.

Awayango-sandaga 19:31

“Ala gi lege ti hunda yingo ti akuâ pepe wala ti atoro pepe. Tongana ala gue kâ, fade ala yeke ga *sioni. Mbi laa mbi yeke KOTA GBIA, Nzapa ti ala.

Awayango-sandaga 20:6

“Zo so agi lege ti hunda yingo ti akuâ, so ayeke tongana vorongo anzapa nde, fade mbi yeke ga na tere ti lo si mbi yeke tumba lo na popo ti azo ti Israel.

Mishe 5:12

Ayanda ti mo na angbongboro têne so mo leke ni aluti na nduzu si mo yeke voro ni so, mbi yeke zi ni kue. Aye so mo wani, mo leke na maboko ti mo so, mo yeke kiri ti voro ni pepe.

Awatokua 16:16

Mbeni lâ, so e yeke gue na ndo ti sambelango Nzapa, e tengbi na mbeni molenge-wali so ayeke ngbaa. Lo yeke na mbeni sioni yingo na ya ti lo so ayeke sara si lo yeke fa aye so ayeke si ande na azo. Awa ti lo ayeke wara nginza mingi na lege ti aye so lo yeke fa.

Ndia ti fani use ni 18:10

Ala azo ti Israel, alingbi a wara na popo ti ala pepe mbeni zo oko so ayeke gbi molenge ti lo ti koli wala molenge ti lo ti wali ti mu na *sandaga. Alingbi a wara na popo ti ala pepe azo ti sarango mazi, azo ti bango nda ti aye, azo ti bingo zeke, azo ti yoro,

Ndia ti fani use ni 18:11

azo ti kangango zo na yoro, wala ambeni mara ti azo ti sarango tënë na atoro.

1 Tesalonike 1:9

Azo kue ayeke tene tënë ti yambango so ala yamba lani na e na ndembe so e si na ndo ti ala. Azo atene nga tënë ti ziango so ala zia lege ti anzapa nde ti kiri na mbage ti Nzapa titene ala sara kua na lo, lo so lo yeke na fini si lo yeke taa Nzapa.

2 Pierre 2:1

Ando, awayanga-Nzapa ti mvene ayeke na popo ti azo ti Israel. Legeoko nga, fade ambeni wafango-ye ti mvene ayeke duti na popo ti ala, a-ita. Na lege ti mayere, azo ni so ayeke ga na ambeni fango ye ti mvene so ayeke gue na zo na kuâ. Azo ni so ayeke gue ngbii ti ke tënë ti Gbia so asoo ala; sarango ye ti ala ayeke bi ala gi hio tongaso na ya ti kpale so ayeke mingo ala.

1 Samuel 28:11

Wali ni atene: “Zo wa laa mo ye titene mbi iri yingo ti lo na mo?” Lo tene: “Iri na mbi yingo ti Samuel.”

1 Samuel 28:16

Samuel atene: “Tongana KOTA GBIA azia mo awe si mo ga wato ti lo, mo yeke hunda mbi ngbanga ti nyen?

1 Samuel 28:7

Saul atene na aturugu ti lo ti kota kamba, atene: “Ala gi na mbi mbeni wali so ayeke hunda yingo ti akuâ titene mbi gue, mbi baa lo.” Aturugu ni atene na lo: “Mbeni wali so ayeke hunda yingo ti akuâ ayeke na kodro ti En-Dor.”

1 Samuel 28:8

Saul ayu mbeni bongo nde titene azo ahinga lo pepe si lo na azo use ague. Ala si na ndo ti wali ni na bi. Saul atene na wali ni: “Iri na mbi yingo ti mbeni kuâ, lo so fade mbi yeke fa iri ti lo na mo.”