Ésaïe 8:18 - Mbeti ti Nzapa - Tënë so amu fini

¹⁸ Mbi na amolenge so KOTA GBIA amu na mbi, e yeke tongana mbeni ye so ayeke fa ye so ayeke si na Israel. E yeke tongana ye ti kpene ndali ti KOTA GBIA so ayeke na ndö ti aye kue, lo so lo yeke duti na ndö ti hoto ti *Sion.

Ésaïe 8:18 ပူးပေါင်းရင်းမြစ်များ

Tongo nda ti aye 33:5

Na pekoni Ezau ayo le ti lo na nduzu, lo baa awali ni na amolenge ni si lo hunda ndo, lo tene: “So azo wa laa na peko ti mo so?” Jacob akiri tënë, atene: “Amolenge so Nzapa asara nzoni be na mbi si lo mu ala na mbi, zo ti gbe ti mo laa.”

1 Mbai 23:25

Biani, David atene lani, atene: “KOTA GBIA, Nzapa ti Israel asara si azo ti lo aduti kpoo; lo wani, lo yeke duti na Jérusalem kpu na kpu.

Abia (Psaumes) 22:30

Akota zo ti sese kue ayeke te ye, ala kuku ti voro lo. Azo so aga nduru na kuâ, azo so alingbi ti ngba na fini pepe, fade ala yeke kuku na gbe ti lo.

Abia (Psaumes) 71:7

Azo mingi abaa mbi tongana mbeni ye ti dongo be, me mo yeke tongana ngangu gbagba so mbi kpe daa ti bata tere ti mbi.

Abia (Psaumes) 9:11

Azo so ahinga mo, ayeke nzoni ala zia be ti ala na ndö ti mo; azo so ayeke gi mo, KOTA GBIA, mo yeke zia ala pepe.

Abia (Psaumes) 9:12

Ala he bia na KOTA GBIA, lo so mbata ti lo ti gbia ayeke na *Sion; ala tene na amara tënë ti akota ye so lo sara.

Ésaïe 12:6

Ala, azo so alango na *Sion, ala dekongo na ngia, ala dodo na ngia, ngbanga ti so Nzapa ti Israel so ayeke na popo ti ala, lo yeke kota, lo yeke nde si lo yeke nzoni kue.

Ésaïe 14:32

Azo so azo ti Filistii atokua ala so, tënë ti nyen laa a yeke kiri na ni na ala? Tënë ni ayeke so: *KOTA GBIA wani laa alu gere ti *Sion. Na ndo so laa asenge zo ti lo ayeke duti daa, mbeni ye ti sioni ti sara ala ayeke daa pepe.

Ésaïe 20:3

Na ngoi so a mu gbata ti Asdod, KOTA GBIA atene tënë na lege ti Ésaïe, atene: “Baa, ngu ota laa Ésaïe, zo ti kua ti mbi atambula tere ti lo senge, gere ti lo senge. Ye ni afa mbeni ye so ayeke si, ye ti gbotongo mê ndali ti Ezipte na Etiopii.

Ésaïe 24:23

Le ti nze ayeke be na kamene, kamene ayeke gbu le ti lâ. Biani, KOTA GBIA so ayeke na ndö ti dunia kue, lo yeke duti gbia na Jérusalem nga na ndö ti hoto ti *Sion. Gonda ti lo ayeke za na dawa ti *akangba ti gbata ni.

Ésaïe 53:10

Me KOTA GBIA ayeda ti nika lo na lege ti pasi. Zo so lani amu fini ti lo na *sandaga ndali ti azo, KOTA GBIA akiri na lo na kozo ndo ti lo. Fade zo ti kua ti lo ayeke baa *ahale ti lo si lo yeke kiri ti te gigi aninga. Na lege ti lo, KOTA GBIA ayeke sara ye so be ti lo aye.

Ésaïe 7:16

Kozo titene molenge ni ahinga ti ke ye ti sioni na ti soro ye ti nzoni, sese ti agbia use so mo yeke sara mbeto ti ala so, fade sese ni ayeke ngba senge senge.

Ésaïe 7:3

*KOTA GBIA atene na Ésaïe: “Mo mu molenge ti mo Shear-Yashub na tere ti mo, mo gue, mo wara tere na Ahaz. Lo yeke nduru na tere ti du so ngu ayeke sua daa ti gue na ndo so a yeke bata ngu daa na nduzu; du ni ayeke na lege ti yaka ti azo ti sukulango bongo.

Ésaïe 8:3

Na pekoni, mbi na wali ti mbi so lo yeke wayanga-Nzapa, e duti koli na wali; lo mu ngo si lo du molenge-koli. KOTA GBIA atene na mbi: “Mo di iri ti molenge ni ‘Maher-Shalal-Hash-Baz’.

Jérémie 44:29

Baa, tënë so mbi, KOTA GBIA, mbi tene ayeke so: Mbi yeke ga na tere ti ala na Ezipte; mbi yeke fa na ala ye so ala yeke hinga na ni. Tongaso fade ala yeke hinga atene, sioni ye so mbi tene tënë ni ayeke ga taa-tënë ndali ti ala. Ye so ala yeke hinga na ni ayeke so:

Ezekiel 12:6

Na le ti azo kue, mo yeke yo akungba ni na ndö ti go ti mo, mo sigigi na ni na bi. Mo yeke bi bongo na le ti mo si mo baa kodro ni pepe. Biani, mbi sara si mo ga ye so ayeke fa ye so ayeke si na azo ti Israel.”

Ezekiel 14:8

Mbi yeke be le na zo ni, mbi yeke sara si lo ga tapande nga na tënë ti mato. Mbi yeke zi lo na popo ti azo ti mbi. Tongaso, fade ala yeke hinga atene, mbi laa mbi yeke KOTA GBIA.

Ezekiel 4:3

Mo mu mbeni kota le ti wen, mo zia ni aluti na popo ti mo na gbata ni. Mo baa ndo na mbage ti gbata ni si le ti mo angba gi na ndö ni: mo laa mo yeke sara bira na gbata ni. Aye so kue aye ti fa mbeni ye ti gbotongo mê ti azo ti Israel.

Zakarii 3:8

“Yeshua, kota wayango-sandaga, mo ma mbi! Ala awayango-sandaga, ala so ala na lo ayeke sara kua so, ala ma mbi! Biani, ala awayango-sandaga, ala yeke tongana ye so ayeke fa na azo tënë ti mbeni ye so ayeke si ande. Mbi yeke sara si zo ti kua ti mbi aga, lo so iri ti lo ayeke ‘Kete keke so asigigi’.

Zakarii 8:3

Tënë so KOTA GBIA atene ayeke so: Fade mbi yeke kiri ti ga na Sion, mbi yeke kiri ti duti taa na Jérusalem. Fade a yeke mu mbeni iri na Jérusalem, atene: ‘Gbata so abata tënë ti yanga ti Nzapa’ si a yeke mu nga iri na hoto ti KOTA GBIA so ayeke na ndö ti dunia kue, atene: ‘Hoto so ayeke nde si ayeke nzoni kue’.

Nzoni Tënë so Luc asu na mbeti 2:18

Azo so kue ama tënë ti awabatango-taba ni, li ti ala kue akpe.

Nzoni Tënë so Luc asu na mbeti 2:34

Siméon asara tufa na ndö ti ala si lo tene na Marie, mama ti molenge ni, lo tene: “Baa, ndali ti Molenge so, fade azo ti Israel mingi ayeke ti si ambeni mingi ayeke londo. Molenge so ayeke ga mbeni ye ti kite;

Ndia ti fani use ni 28:46

Aye so ayeke ngba na ndö ti ala nga na *ahale ti ala tongana ye ti kpene na ye ti dongo be kpu na kpu.

Ahebro 10:33

Mbeni lâ, azo azonga ala si asara pasi mingi na ala na le ti azo kue. Mbeni lâ, ala sara beoko na azo so abaa nga pasi tongana ala.

Ahebro 12:22

Me ti ala a-ita, ala ga nduru na hoto ti *Sion awe, gbata ti Nzapa, lo so lo yeke na fini. Gbata ni ayeke Jérusalem ti yayu so *a-ange kutu kutu abongbi tere ti ala daa ti sara matanga.