Ésaïe 8:17 - Mbeti ti Nzapa - Tënë so amu fini

¹⁷ Mbi yeke ku *KOTA GBIA, lo so lo bi le ti lo yongoro na *ahale ti Jacob; mbi zia be ti mbi ti ku lo.

Ésaïe 8:17 ပူးပေါင်းရင်းမြစ်များ

Tongo nda ti aye 49:18

*KOTA GBIA, mbi yeke ku songo so mo yeke soo azo na kuâ.

Mbeti ti Job 13:24

Mo honde le ti mo na mbi si mo baa mbi tongana wato ti mo ngbanga ti nyen?

Mbeti ti Job 14:14

Me zo so akui awe, lo yeke kiri ti duti na fini? Tongana ye ni ayeke fade tongaso, ka na ya ti ngoi so kue mbi baa pasi, mbi ku ngbii mbeni zo aga amu plase ti mbi si.

Mbeti ti Job 35:14

Job, so mo tene: “Mbi yeke baa Nzapa pepe, tënë ti mbi ayeke na maboko ti lo si mbi ngba ti ku lo” so, fade lo yeke ma mo tongana nyen?

Abia (Psaumes) 130:5

Mbi yeke ku KOTA GBIA, mbi yeke ku lo na be ti mbi kue, mbi zia be ti mbi ti ku tënë ti lo.

Abia (Psaumes) 27:14

Zia be ti mo ti ku KOTA GBIA! Gbu ngangu! Kanga be ti mo! Zia be ti mo ti ku KOTA GBIA!

Abia (Psaumes) 33:20

Ti e, e yeke ku KOTA GBIA; lo laa lo yeke mu maboko na e, lo laa lo yeke *vala ti e.

Abia (Psaumes) 37:34

Zia be ti mo ti ku gi KOTA GBIA, mo mu gi lege so lo fa na mo. Fade lo yeke mu mo na nduzu titene mo mu kodro ni si aga ti mo, fade mo yeke baa azo ti sioni so a yeke bi ala na gigi.

Abia (Psaumes) 39:7

Biani, zo ayeke si kâ, lo yeke si ge, me lo yeke tongana gbe ti de! Biani, aye so kue lo yeke sara ayeke gi pupu senge; lo yeke bongbi mosoro, me lo hinga zo so ayeke mu ni pepe.

Abia (Psaumes) 40:1

Bia ti David; bia so ayeke ndali ti makonzi-bia.

Ésaïe 1:15

Tongana ala yoro maboko ti ala na nduzu ti sambela, mbi yeke bi le ti mbi na ngonda. Ataa ala sambela tongana nyen, mbi yeke ma ala pepe, ngbanga ti so maboko ti ala atuku mene mingi.

Ésaïe 25:9

Na lango ni so, fade azo ayeke tene: “*KOTA GBIA laa ayeke Nzapa ti e. E zia be ti e lani ti ku lo si lo soo e. KOTA GBIA laa e zia be ti e ti ku lo. Ayeke nzoni e duti na ngia, e dodo na ngia, ndali so lo soo e awe!

Ésaïe 26:8

Biani, KOTA GBIA, lege so mo mu yanga titene e hon daa, e zia be ti e ti ku mo. Ye so nzara ni agbu be ti e ayeke ti dabe ti e na mo.

Ésaïe 30:18

Me *KOTA GBIA ayeke ku mbeni ngoi ti sara nzoni be na ala, lo yeke londo ti baa mawa ti ala. Biani, KOTA GBIA ayeke Nzapa ti mbirimbiri. Ti ala nzoni, azo so kue azia be ti ala na ndö ti lo!

Ésaïe 33:2

*KOTA GBIA, baa mawa ti e! E zia be ti e ti ku mo. Lakue na ndaperere, mo ga ngangu ti e, mo ga wasongo e na ndembe ti ye ti ngangu.

Ésaïe 45:15

Nzapa ti Israel, mo laa mo yeke soo zo; mo yeke taa Nzapa so mo yeke na hondengo ni.

Ésaïe 50:10

Mbeni zo ti kpengo mbeto ti *KOTA GBIA ayeke na popo ti ala? Alingbi lo ma yanga ti zo ti kua ti lo. Tongana mbeni zo ayeke tambula na ya ti vukongo ndo si lumiere oko ayeke daa pepe, alingbi lo zia be ti lo na ndö ti KOTA GBIA wani, lo luti na ndö ti Nzapa ti lo.

Ésaïe 54:8

Ngonzo asara mbi lani mingi na tere ti mo, na mbeni kete ngoi, mbi ke ti baa mo na le ti mbi. Me na lege ti ndoye so angba lakue lakue, mbi yeke baa mawa ti mo. Mbi KOTA GBIA, mbi so mbi zi mo, mbi laa mbi tene tënë so na mo.”

Ésaïe 57:17

Ndali ti sioni nzara ti warango ye ti Israel, ngonzo agbu mbi ngangu. Na ya ti ngonzo ti mbi, mbi pika lo, mbi ye ti kiri ti baa lo pepe. Me lo ngba ti sara ngangu li, lo ngba ti sara ye ti be ti lo.

Ésaïe 59:2

Sioni ti ala laa akangbi popo ti ala na Nzapa ti ala; siokpari ti ala laa asara si lo bi le ti lo yongoro si lo lingbi ti ma ala pepe.

Ésaïe 64:4

Azo so ayeke sara ye ti mbirimbiri na ngia, ala so ayeke dabe ti ala na mo si ala yeke tambula na lege ti mo, mo yeke ga ti tengbi ala. Me so mo sara ngonzo mingi so, nda ni ayeke so e sara siokpari. Andaa, gi na ndö ti alege ti giriri so laa e yeke soo ande kuâ.

Ésaïe 64:6

Zo oko ti di iri ti mo ayeke daa pepe, zo oko ti zingo na lango si lo bongbi oko na mo ayeke daa pepe. Biani, mo honde le ti mo na e, mo zia e si e woko na gbe ti sioni ti e.

Ésaïe 64:7

Andaa mo KOTA GBIA laa, mo yeke babâ ti e. E yeke tongana sese ti sarango na ta si mo yeke tongana wasarango-ta; e kue, maboko ti mo laa asara e.

Jérémie 33:5

Ambeni zo ayeke baa pasi senge ti gue ti tiri bira na azo ti Babilone; ala yeke sara gi titene ya ti ada so ayeke si singo na kuâ ti azo so mbi yeke fâ ala na lege ti ngonzo ti mbi nga na ngonzo ti mbi ti wâ. Mbi yeke honde le ti mbi na azo ti gbata so ndali ti sioni so kue ala sara.

Osée 12:6

KOTA GBIA, Nzapa so ayeke na ndö ti dunia kue; taa iri ti lo so a yeke iri na lo ayeke “KOTA GBIA”.

Mishe 3:4

Ndani laa, na ngoi so ala yeke dekongo ti iri *KOTA GBIA, lo yeke kiri tënë na ala pepe. Fade lo yeke honde le ti lo na ala ndali ti asioni ye so ala sara.

Mishe 7:7

Me ti mbi, mbi yeke baa ndo na mbage ti *KOTA GBIA, mbi yeke ku Nzapa, wasongo mbi; fade Nzapa ti mbi ayeke ma mbi.

Habakuk 2:3

Ye so mo baa na ya ti mbeni ye tongana bango-li so ayeke si na ngoi so alingbi, ngoi ni ayeke ga nduru nduru; tënë ni ayeke mvene pepe. Me tongana ye ni angba ti ninga, mo ku ni, ngbanga ti so nyen na nyen kue, ye ni ayeke si tongana ngoi ni alingbi.

Nzoni Tënë so Luc asu na mbeti 2:38

Gi na ndembe ni so, lo ga lo mu singila na Nzapa si lo tene tënë ti molenge ni na azo so kue ayeke ku lango so fade Nzapa ayeke zi Jérusalem na gbe ti ngbaa.

Nzoni Tënë so Luc asu na mbeti 24:27

Na pekoni, Jésus ato nda ti fa na ala nda ti tënë so ando awayanga-Nzapa kue atene na ndö ti lo na ya ti Mbeti ti Nzapa, ti londo na Moïse ngbii asi na awayanga-Nzapa kue.

Ndia ti fani use ni 32:20

Tongaso lo tene: ‘Zo alingbi ti zia be ti lo na ndö ti ala pepe! Ala yeke azo ti sioni mingi. Mbi yeke honde le ti mbi na ala, mbi yeke ku ti baa ye so ayeke si na ala gbanda.

1 Tesalonike 1:10

Fadeso ala yeke ku Jésus, Molenge ti lo so ayeke londo na yayu ti ga. Nzapa azingo Molenge ti lo ni na kuâ, lo so lo yeke zi e na gbe ti ngonzo ti Nzapa so ayeke ga.

2 Tesalonike 3:5

Ayeke nzoni Kota Gbia azia na be ti ala ti ye Nzapa, lo fa na ala lege ti kanga be ti ala legeoko tongana ti Christ!

Ahebro 2:13

Lo kiri lo tene: “Fade mbi yeke zia be ti mbi kue na ndö ti Nzapa.” Lo kiri lo tene nga: “Amolenge so Nzapa amu ala na mbi, baa, mbi na ala laa!”

Ahebro 9:28

Legeoko nga, Christ amu tere ti lo na sandaga fani oko titene lo zi siokpari ti azo mingi. Ti fani use ni, lo yeke kiri ti ga ti zi siokpari ti azo pepe, me ti soo azo so kue ayeke ku lo.