Ésaïe 8:15 - Mbeti ti Nzapa - Tënë so amu fini

¹⁵ Ndali ti lo, azo mingi aye ti ti, ala yeke ti si ya ti tere ti ala ayeke kungbi. Ala yeke ti na ya ti kuku si kuku ni ayeke gbu ala.”

Ésaïe 8:15 ပူးပေါင်းရင်းမြစ်များ

Ésaïe 28:13

Ndani laa, fade KOTA GBIA ayeke tene na ala gi oko tënë so: “BA-BA, BABA, MA-MA, MAMA, GE, KÂ, GE, KÂ.” Tongaso, tongana ala yeke tambula, ala yeke ti na mbage ti peko ti ala si bio ti ala ayeke kungbi. Ala yeke ti na ya ti kuku si a yeke gbu ala.

Ésaïe 28:16

Ndani laa, tënë so Kota Gbia NZAPA atene ayeke so: “Baa, mbi zia na *Sion têne so mbi tara ni awe, ngangu têne ti gere ti da so a lu ni ngangu. Zo so aluti na ndö ni, fade lo yeke ti pepe.

Ésaïe 59:10

E yeke tatara ndo si e yeke tambula na tere ti dere ti da tongana azo so le ti ala akanga. E yeke tatara ndo tongana azo so le ti ala ayeke daa pepe. Na kota lâ, e ye ti ti, mo baa mo tene, e yeke tambula na bi. E yeke na seni, me e kpa gi akuâ.

Ésaïe 7:22

Ndali ti anyama ni, ngu ti me ayeke duti gbani gbani, azo alingbi ti nyon ngu ti me ni. Biani, azo so ayeke ngba na ya ti kodro ni, kobe ti ala ayeke duti ngu ti me na mafuta ti wotoro.

Jérémie 6:21

Ndani laa, tënë so KOTA GBIA atene ayeke so: Mbi yeke zia na lege ti azo so mbeni ye titene ala pika gere ti ala daa si ala ti: ababâ na amolenge ti ala ayeke ti legeoko, azo so ayeke nduru na ala nga na amba ti ala ayeke kui.”

Matthieu 11:6

Ti lo nzoni, zo so azia lege ti mabe ti lo pepe ndali ti mbi!”

Matthieu 15:14

Ala zia afarizien ni: ala yeke awaziba, ala ye ti fa lege na amba ti ala awaziba! Tongana waziba afa lege na mbeni mba ti lo waziba, fade ala use kue ayeke ti na ya ti du!”

Matthieu 21:44

Zo so kue ayeke ti na ndö ti têne so, fade tere ti lo ayeke kungbi. Tongana têne ni ati na ndö ti mbeni zo, fade ayeke nika lo nikango!”]

Jean 6:66

Gi na peko ti tënë so, mingi ti adisiple ti Jésus agboto tere ti ala si ala kiri ague na peko ti lo pepe.

Rome 9:32

Ala girisa ni ndali ti nyen? Ndali ti so ala ye ti ga mbirimbiri na le ti Nzapa na lege ti anzoni ye so ala yeke sara, me ala gi ti ga mbirimbiri na lege ti mabe pepe. Ala pika gere ti ala na tere ti têne so asara si zo aye ti ti,

1 Korente 1:23

Me ti e, e yeke fa tënë ti Christ so a fâ lo na ndö ti keke ti kroa. Na le ti azuife, tënë ni ayeke tongana mbeni ye so azo ayeke pika gere ti ala daa ti ti, na le ti agreke, tënë ni ayeke buba tënë.