Ésaïe 8:14 - Mbeti ti Nzapa - Tënë so amu fini

¹⁴ Ndali ti akodro-gbia use ti Israel, lo yeke duti ndo so a zia ni nde ndali ti Nzapa, lo yeke duti têne so azo ayeke pika gere ti ala daa, kota têne so ayeke sara titene azo ati, gbanda na kuku ndali ti azo so alango na Jérusalem.

Ésaïe 8:14 ပူးပေါင်းရင်းမြစ်များ

Abia (Psaumes) 11:6

Lo yeke sara si ale ti wâ na *sufre atuku na ndö ti azo ti sioni tongana ngu-Nzapa si pupu ti wâ aga agbi ala. Ye so ayeke ku ala so laa!

Abia (Psaumes) 140:5

KOTA GBIA, bata mbi si mbi ti na maboko ti azo ti sioni pepe; bata mbi si zo ti sarango ngangu na azo asara ngangu na mbi pepe, azo so ayeke leke na be ti ala ti sara si mbi ti so.

Abia (Psaumes) 69:22

Ala zia sioni yoro na ya ti kobe ti mbi; tongana nzara ti ngu asara mbi, ala mu na mbi kpingo vin ti nyon.

Amato 18:10

KOTA GBIA ayeke tongana ngangu gbagba na tere ti azo; zo ti mbirimbiri ayeke kpe na ya ni ti bata tere ti lo.

Ésaïe 25:4

Biani, mo yeke ndo so azo so ayeke na ngangu pepe ayeke kpe daa ti bata tere ti ala, mo yeke ndo ti batango tere ti awayere so ye ti ngangu asi na ala. Mo yeke tongana gbefa ti bata zo ndali ti ngu-Nzapa, gbe ti de ti bata zo ndali ti ndo-wâ. Biani, pupu ti yanga ti azo ti sarango ngangu na zo ayeke tongana ngangu pupu ti ngu-Nzapa so apika tere ti da,

Ésaïe 26:20

Azo ti mbi, ala gue na da ti ala, ala kanga yanga ti da ni na li ti ala. Ala honde tere ti ala na ya ti kete ngoi ngbii ngonzo ti KOTA GBIA ahon si.

Ésaïe 28:16

Ndani laa, tënë so Kota Gbia NZAPA atene ayeke so: “Baa, mbi zia na *Sion têne so mbi tara ni awe, ngangu têne ti gere ti da so a lu ni ngangu. Zo so aluti na ndö ni, fade lo yeke ti pepe.

Ésaïe 4:6

Gonda ni ayeke ga tongana li ti da ti mu de na azo na ngoi ti ndo-wâ na kota lâ; ayeke ga tongana ndo ti batango tere na ndo ti hondengo tere ndali ti kota pupu nga na ngu-Nzapa.

Ésaïe 59:10

E yeke tatara ndo si e yeke tambula na tere ti dere ti da tongana azo so le ti ala akanga. E yeke tatara ndo tongana azo so le ti ala ayeke daa pepe. Na kota lâ, e ye ti ti, mo baa mo tene, e yeke tambula na bi. E yeke na seni, me e kpa gi akuâ.

Ésaïe 7:16

Kozo titene molenge ni ahinga ti ke ye ti sioni na ti soro ye ti nzoni, sese ti agbia use so mo yeke sara mbeto ti ala so, fade sese ni ayeke ngba senge senge.

Jérémie 6:21

Ndani laa, tënë so KOTA GBIA atene ayeke so: Mbi yeke zia na lege ti azo so mbeni ye titene ala pika gere ti ala daa si ala ti: ababâ na amolenge ti ala ayeke ti legeoko, azo so ayeke nduru na ala nga na amba ti ala ayeke kui.”

Ezekiel 11:16

Tongaso, tene na amba ti mo so a gbu mo na ala si a gue na ala na kodro wande so, mo tene: Tënë so mbi Kota Gbia NZAPA, mbi tene ayeke so: ‘Ataa mbi tokua ala na akodro yongoro, ataa mbi kangbi ala na popo ti amara nde, kâ kue, mbi yeke na popo ti ala tongana ti so mbi yeke na ya ti da ti mbi so ayeke nde si ayeke nzoni kue.’

Ezekiel 3:20

Tongana mbeni zo ti mbirimbiri azia sarango ye ti mbirimbiri si lo kiri ti sara ye ti kirikiri, fade mbi yeke zia kuku na dawa ti lo titene lo ti daa si lo yeke kui. Tongana mo gboto mê ti lo pepe, fade lo yeke kui ndali ti siokpari ti lo. Aye ti mbirimbiri so lo sara kozoni, fade a yeke dabe na ni mbeni pepe. Me mo laa, mbi yeke hunda mene ti lo na maboko ti mo.

Matthieu 13:57

Aye so kue asara si ala ma na be na lo pepe. Nilaa Jésus atene na ala: “Na ndo kue, azo ayeke ne wayanga-Nzapa; me na ya ti gbata so adu lo daa, wala na popo ti asewa ti lo, azo ayeke ne lo pepe.”

Matthieu 21:44

Zo so kue ayeke ti na ndö ti têne so, fade tere ti lo ayeke kungbi. Tongana têne ni ati na ndö ti mbeni zo, fade ayeke nika lo nikango!”]

Nzoni Tënë so Luc asu na mbeti 2:34

Siméon asara tufa na ndö ti ala si lo tene na Marie, mama ti molenge ni, lo tene: “Baa, ndali ti Molenge so, fade azo ti Israel mingi ayeke ti si ambeni mingi ayeke londo. Molenge so ayeke ga mbeni ye ti kite;

Nzoni Tënë so Luc asu na mbeti 21:35

tongana ti so gbanda ayeke gbu nyama. Biani, lango ni so ayeke si ti wara azo ti sese kue tongana ti so gbanda ayeke gbu nyama.

Rome 11:35

Zo wa laa amu ye na Nzapa kozoni titene Nzapa akiri afuta mbeni ye na lo?”

Josué 10:7

Tongaso Josué alondo na Gilgal, lo na aturugu ti lo kue nga na angangu zo ti bira kue.

1 Pierre 2:8

Mbeti ti Nzapa akiri atene: “Ayeke têne so azo ayeke pika gere ti ala daa, kota têne so ayeke sara titene azo ati.” Ala yeke pika gere ti ala na têne ni, ngbanga ti so ala ke ti yeda na tënë ti Nzapa. Ye so Nzapa aleke ala ando ndali ni laa.