Ésaïe 8:13 - Mbeti ti Nzapa - Tënë so amu fini

¹³ Ayeke nzoni ala hinga atene, KOTA GBIA so ayeke na ndö ti dunia kue laa ayeke nde si lo yeke nzoni kue, lo laa ala lingbi ti sara mbeto ti lo, lo laa ala lingbi ti duti na mbeto ti lo.

Ésaïe 8:13 ပူးပေါင်းရင်းမြစ်များ

Tongo nda ti aye 31:53

Ayeke nzoni Nzapa ti Abraham na Nzapa ti Nahor afâ ngbanga na popo ti mbi na mo.” Tongaso Jacob adeba yanga ti lo na iri ti Nzapa ti Isaac, babâ ti lo, Nzapa so asara ye ti ziango mbeto na be ti azo.

Abia (Psaumes) 76:7

Nzapa ti Jacob, tongana mo suku na ala, azo ti kpengo na mbarata nga na ambarata ni aluti kpoo.

Sigingo 20:20

Moïse atene na azo ni, atene: “Ala sara mbeto pepe! Nzapa aga ti tara gi be ti ala, tongaso si ala kpe mbeto ti lo si ala sara siokpari pepe.”

Ésaïe 29:23

Biani, tongana ala na amolenge ti ala ayeke baa ande ye so mbi yeke sara na popo ti ala, fade ala yeke hinga atene mbi, mbi yeke taa Nzapa, Nzapa ti Jacob so ayeke nde si ayeke nzoni kue; ala yeke do na mbeto na dawa ti mbi, Nzapa ti Israel.

Ésaïe 5:16

KOTA GBIA so ayeke na ndö ti dunia kue, a yeke ya iri ti lo na lege ti fango ngbanga ti lo; Nzapa so ayeke nde si ayeke nzoni kue, lo yeke fa so lo yeke nde si lo yeke nzoni kue na lege ti mbirimbiri ti lo.

Ezekiel 38:16

Mo yeke ga ti tiri bira na Israel, azo ti mbi. Mo yeke kanga ndö ti kodro ti ala tongana ti so mbinda ayeke kanga ndö ti sese. Ye ni ayeke si ande na lango ti ndani. Fade mbi yeke tokua mo ti gue ti tiri bira na kodro ti mbi. Tongaso si amara nde ahinga atene, mbi yeke Nzapa so mbi yeke nde si mbi yeke nzoni kue. Mbi yeke fa ye ni na ala na lege ti mo, Gog.

Awayango-sandaga 10:3

Moïse atene na Aaron: “KOTA GBIA atene lani tongaso: ‘Azo so ayeke ga nduru na mbi, mbi ye si ala hinga atene, mbi yeke nde si mbi yeke nzoni kue; mbi ye si ala gonda mbi na le ti azo kue.’ ” Aaron aduti gi kpoo, lo zi yanga oko pepe.

Awayango-sandaga 22:32

Iri ti mbi so ayeke nde si ayeke nzoni so kue so, ala buba ni pepe. Ala azo ti Israel, ala sara si azo ane iri ti mbi so ayeke nde si ayeke nzoni kue. Mbi KOTA GBIA laa, mbi yeke sara titene ala duti nde si ala duti nzoni kue.

Malashii 2:5

Na lege ti mbuki so, mbi sara lani si ala duti na fini nga na siriri; ala kpe mbeto ti mbi. Biani, lani ala kpe mbeto ti mbi si na le ti mbi, ala do na mbeto.

Wungo ti azo 27:14

Biani, na ya ti benyama ti Zin, ala ke yanga ti mbi na ndembe so bongbi ti azo ti Israel ayeke gi yanga ti mbi. Na ngoi so azo ti Israel ahunda ngu ti nyongo ni, ala ke ti fa na azo ni so mbi yeke nde si mbi yeke nzoni kue.” KOTA GBIA atene tongaso ndali ti ye so asi na ngu ti Meriba, na Kades, na ya ti benyama ti Zin.

Matthieu 10:28

Azo so ayeke fâ tere ti zo, ala sara mbeto ti ala pepe; azo ni alingbi ti fâ yingo ti zo pepe. Me ayeke nzoni ala kpe mbeto ti Nzapa so alingbi ti sara si tere ti zo na yingo ti lo kue abuba na ndo so wâ ayeke gbi daa lakue.

Nzoni Tënë so Luc asu na mbeti 12:5

Me mbi ye ti fa na ala lo so ala lingbi ti kpe mbeto ti lo. Ayeke nzoni ala kpe mbeto ti Nzapa so, tongana lo fâ zo awe, lo yeke na ngangu ti bi zo ni na ndo so wâ ayeke gbi daa lakue. Biani, mbi tene na ala: lo laa ala lingbi ti kpe mbeto ti lo.

Rome 4:20

Me lo zia be ti lo na ndö ti zendo ti Nzapa, lo dekite pepe; lo kpengba na lege ti mabe si lo gonda Nzapa.

Ndia ti fani use ni 14:23

Na pekoni, ala yeke gue na ndo so *KOTA GBIA Nzapa ti ala asoro titene iri ti lo aduti daa. Kâ, fade ala yeke te dime ti *ble ti ala, ti fini vin ti ala, ti mafuta ti ala; ala yeke te nga akozo molenge ti abagara, ti ataba na ti angasa ti ala. Lege so ala yeke manda ti kpe mbeto ti KOTA GBIA Nzapa ti ala lakue laa.

Aye so Nzapa afa 15:4

Kota Gbia, zo wa laa ayeke kpe mbeto ti mo pepe? Zo wa laa ayeke gonda iri ti mo pepe? Biani, gi mo oko laa mo yeke nde si mo yeke nzoni kue. Fade amara kue ayeke ga ti kuku na gbe ti mo, ndali ti so ala kue abaa fadeso lege so mo yeke fâ na ngbanga ti mo awe.”

1 Samuel 11:7

Lo mu abagara use, lo doroko ala. Na pekoni, lo tokua azo ti gue na akasa ti nyama ni na sese ti Israel kue. Lo mu yanga na awatokua ni ti tene na azo ti kodro kue, lo tene: “Zo so amu peko ti Saul na Samuel pepe ti gue na bira, baa ye so ayeke si na abagara ti lo laa.” Mbeto ti KOTA GBIA agbu azo kue si ala londo tongana zo oko ti gue.