Ésaïe 8:10 - Mbeti ti Nzapa - Tënë so amu fini

¹⁰ Ala leke apialo ma, fade ayeke li ngu. Ala tene tënë mingi mingi ma, fade a yeke sara ye oko pepe, ngbanga ti so Nzapa ayeke na e.

Ésaïe 8:10 ပူးပေါင်းရင်းမြစ်များ

Tongo nda ti aye 21:22

Na ngoi ni so, Abimelek na Pikol, makonzi ti aturugu ti lo, aga atene na Abraham: “Nzapa ayeke na mo na lege ti aye so kue mo yeke sara.

2 Samuel 15:31

Azo ague, atene na David: “Ahitofel ayeke na popo ti azo so ala na Absalom aleke tënë na hondengo ni na tere ti gbia.” David atene: “*KOTA GBIA, mbi voro mo, sara si wango ti Ahitofel aga buba wango!”

2 Samuel 17:23

So Ahitofel abaa so azo ake ti ma wango ti lo, lo mu lele ti lo, lo ko na ndö ni si lo kiri na gbata ti lo. Lo leke tënë ti aye ti da ti lo, na pekoni, lo kanga kamba na go ti lo si lo kui. A lu lo na ya ti du ti kuâ ti babâ ti lo.

2 Samuel 17:4

Absalom na *akangba kue ti Israel abaa so tënë ti Ahitofel ayeke na legeni.

2 Agbia 6:12

Mbeni turugu ni oko atene: “Babâ gbia, zo tongaso ayeke na popo ti e pepe! Me Élisée, wayanga-Nzapa so ayeke na Israel alingbi ti tene peko ti atënë so kue mo yeke tene na ya ti kubu ti mo na gbia ti lo.”

2 Mbai 13:12

Fadeso, Nzapa wani ayeke makonzi ti e; awayango-sandaga ti lo ayeke na e, ala yeke na li ti e, ala yeke na atatalita ti huru ni si e yeke dekongo ti bira na li ti ala, azo ti Israel. Ala tiri bira na KOTA GBIA, Nzapa ti akotara ti ala pepe, ngbanga ti so ala lingbi ti so benda pepe.”

Mbeti ti Job 5:12

Azo so ayeke sara ye na sioni mayere, lo yeke buba pialo ti ala. Ye so ala ye ti sara, ala ha gbaa.

Abia (Psaumes) 21:12

Tongana ala gi lege ti sara sioni na mo si ala leke tënë na tere ti mo, ala yeke ha gbaa.

Abia (Psaumes) 46:1

Bia ti azo ti Kore; bia so ayeke ndali ti makonzi-bia. A he ni na aye ti mozoko so atoto na nduzu

Abia (Psaumes) 46:11

KOTA GBIA adekongo, atene: “Ala zia bira! Ayeke nzoni ala hinga so mbi yeke Nzapa! Mbi hon ndö ti amara kue, mbi hon ndö ti azo ti dunia kue.”

Abia (Psaumes) 46:7

Amara asara wusuwusu, akodro ti agbia ayingi; Nzapa atene tënë na kota go si sese aga tongana ngu.

Abia (Psaumes) 46:8

KOTA GBIA so ayeke na ndö ti dunia kue ayeke na e; Nzapa ti Jacob ayeke tongana ngangu gbagba na tere ti e. Luti kete

Amato 21:30

Ataa ndara ti zo, ataa hingango ye ti zo, ataa gbungo-li ti zo, aye so kue ayeke ye oko pepe na le ti KOTA GBIA.

Ésaïe 14:27

Tongana KOTA GBIA so ayeke na ndö ti dunia kue amu yanga, zo wa laa alingbi ti buba ya ni, zo wa? Tongana lo yoro maboko ti lo ti pika zo, zo wa laa alingbi ti gbanzi lo, zo wa?

Ésaïe 28:18

Mbuki so ala na kuâ asara so, fade ya ni ayeke fâ; lekengo tënë so ala na ndo ti akuâ aleke so ayeke luti pepe. Tongana ye ti ngangu asi ande, fade ayeke nika ala.

Ésaïe 41:10

Mo sara mbeto pepe, ngbanga ti so mbi yeke na mo. Mo baa ndo na mbeto pepe, ngbanga ti so mbi yeke Nzapa ti mo. Mbi yeke sara titene mo kpengba, mbi yeke ga ti mu maboko na mo; biani, mbi yeke bata mo na lege ti maboko ti mbi ti koli so ayeke so benda.

Ésaïe 43:5

Mo sara mbeto pepe, ngbanga ti so mbi yeke na mo. Kâ na mbage ti To, mbi yeke sara titene *ahale ti mo akiri; kâ na mbage ti Do, mbi yeke bongbi azo ti mo na ndo oko.

Ésaïe 7:14

Tongaso, fade KOTA GBIA wani ayeke fa na ala mbeni ye: maseka-wali ayeke mu ngo, lo yeke du molenge-koli, lo yeke di iri ti lo Emmanuel.

Ésaïe 8:8

Ngu ni ayeke sua na ya ti kodro ti Juda, ayeke suku, ayeke mu ya ti kodro ni, ayeke suku ngbii agbu zo na go ti lo. Ngu ni ayeke suku mbage na mbage si ayeke mu ndö ti kodro ti mo kue, Emmanuel.”

Ésaïe 9:6

Fade lengo-gbia ti lo ayeke mu ndo ti gue na ni, lo yeke mu siriri so ayeke hunzi pepe, lo yeke duti na ndö ti mbata ti gbia David si lo yeke le-gbia na kodro ti lo. Lo yeke sara titene kodro-gbia ni akpengba na lege ti sarango ye so ayeke na legeni nga na lege ti sarango ye ti mbirimbiri, ti to nda ni laso ti gue na ni ngbii kpu na kpu. Ye so KOTA GBIA so ayeke na ndö ti dunia kue ayeke sara na lege ti kota nzara ti be ti lo laa.

Jérémie 42:11

Fadeso ala kiri asara mbeto ti gbia ti Babilone pepe, lo so mbeto ti lo ahon ndö ti ala so. Ala sara mbeto ti lo pepe! So tënë ti yanga ti KOTA GBIA laa. Biani, mbi yeke na ala ti soo ala, ti zi ala na maboko ti lo.

Jérémie 46:28

Mo Israel, zo ti kua ti mbi, sara mbeto pepe! So tënë ti yanga ti KOTA GBIA laa. Biani, mbi yeke na mo. Amara so kue mbi kangbi mo lani na popo ti ala, mbi yeke fâ ala kue ti hunzi ala; me ti mo, mbi yeke hunzi mara ti mo pepe. Biani, mbi pika mo, me na legeni; mbi lingbi fade ti zia mo senge tongaso pepe!”

Abia ti demango tere 3:37

Zo wa laa atene gi tënë si mbeni ye abaa gigi, zo wa? KOTA GBIA laa ayeke mu yanga pepe?

Aggée 1:13

Na pekoni, Aggée, watokua ti KOTA GBIA atene tënë alingbi na tokua so KOTA GBIA amu na lo ndali ti azo. Tënë ni ayeke so: “Mbi yeke na ala; so tënë ti yanga ti KOTA GBIA laa.”

Wungo ti azo 14:9

Gi ye oko, ala sara ngangu li na KOTA GBIA pepe, ala sara mbeto ti azo ti kodro ni pepe, e yeke nika ala gi legeoko awe! Anzapa ti batango ala ado ala azia awe; me ti e, KOTA GBIA ayeke na e. Ala sara mbeto ti azo ni pepe!”

Matthieu 1:23

“Baa, fade maseka-wali so ade ti hinga koli pepe ayeke mu ngo, lo yeke du molenge-koli; fade a yeke di iri ti lo Emmanuel.” – Nda ti iri so atene: “Nzapa ayeke na e”. –

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Rome 8:13

Tongana ala yeke duti na fini na lege ti asioni nzara ti be ti ala, fade ala yeke kui; me na lege ti Yingo, tongana ala zi na ya ti fini ti ala asioni sarango ye ti ala ti zo, fade ala yeke duti na fini.

Rome 8:31

Tongaso, fade e yeke tene nyen na ndö ti tënë so? Tongana Nzapa ayeke na e, zo wa laa alingbi ti ke e?

Ndia ti fani use ni 20:1

Moïse atene: Ala azo ti Israel, tongana ala yeke gue ande ti tiri bira na awato ti ala, tongana ala baa ambarata, na apusu ti mbarata nga na gba ti aturugu so ahon ti ala, alingbi ala sara mbeto pepe. Biani, *KOTA GBIA Nzapa ti ala so asara si ala sigigi na Ezipte ayeke na ala.

Josué 1:5

Na lango so kue mo ngba na fini, fade mbeni zo ti gbu le ni na mo ayeke daa pepe. Fade mbi yeke na mo tongana ti so mbi yeke ando na Moïse; mbi yeke do mo ti zia mo pepe, mbi yeke zia mo oko pepe.

1 Jean 4:4

Ti ala amolenge ti mbi, ala yeke azo ti Nzapa. Ala hon ndö ti awayanga-nzapa ti mvene so awe, ngbanga ti so Yingo so ayeke na ya ti ala ayeke ngangu ahon lo so ayeke na dunia so.