Ésaïe 8:1 - Mbeti ti Nzapa - Tënë so amu fini

¹ *KOTA GBIA atene na mbi: “Mo mu kota le ti têne, mo de mbeti na ndö ni kota kota: ‘Maher-Shalal-Hash-Baz’, (so ti tene: ‘Hio-mo-nzi-ye-na-peko-ti-bira-Ti-na-ndö-ti-ye-mo-nzi-ni’)”

Ésaïe 8:1 ပူးပေါင်းရင်းမြစ်များ

Ésaïe 30:8

*KOTA GBIA atene na Ésaïe: “Fadeso, mo su aye so na le ti mbeni têne, mo su ni na ya ti mbeni mbeti, na dawa ti azo ti Jérusalem. Gbanda, fade ayeke duti ye so ayeke dabe ti ala na aye ni lakue lakue.”

Ésaïe 8:16

Tënë so mbi tene, mo bata ni nzoni; wango so mbi mu, le ti mo akpengba na ndö ni; mo fa ni gi na adisiple ti mbi.

Ésaïe 8:3

Na pekoni, mbi na wali ti mbi so lo yeke wayanga-Nzapa, e duti koli na wali; lo mu ngo si lo du molenge-koli. KOTA GBIA atene na mbi: “Mo di iri ti molenge ni ‘Maher-Shalal-Hash-Baz’.

Jérémie 30:2

“Tënë so KOTA GBIA, Nzapa ti Israel atene ayeke so. Atënë so kue mbi tene na mo so, mo su ni na mbeti.

Jérémie 36:2

“Mu mbeni *rulo so a sara na poro ti nyama, mo su na le ni atënë so kue mbi tene na mo na tere ti akodro ti Israel, ti Juda nga na ti amara kue, ti londo na ngoi ti Yosias ngbii asi laso.

Jérémie 36:28

“Mu mbeni rulo nde, mo su na le ni atënë so kue mo su na le ti kozo rulo ni so; so ti tene rulo so Yoakim, gbia ti Juda, agbi ni so.

Jérémie 36:32

Tongaso Jérémie amu mbeni rulo nde si lo mu na wakuasu Baruk, molenge ti Neria. Baruk asu na le ni atënë ti yanga ti Jérémie; so ti tene, atënë so kue ayeke na le ti rulo so Yoakim, gbia ti Juda agbi ni so. Lo su nga na le ti rulo ni ambeni tënë mingi so akpa tere na ti kozo rulo ni.

Aye so Nzapa afa 13:18

So ngoi ti dutingo na ndara laa. Zo so ahinga ndo alingbi ti hinga nimoro ti nyama ni, ngbanga ti so ayeke nimoro ti iri ti zo. Nimoro ni ayeke ngbangbo omene na baleomene na omene.

Aye so Nzapa afa 21:17

Ange ni ahaka tere ti gbagba ni na sosongo ni. Lo mu ndambo ti metere, lo haka na yongo ti gbagba ni na nduzu: yongo ni alingbi na ndambo ti metere ni fani ngbangbo oko na baleosio na osio. So lege ti hakango ye ti zo laa.