Ésaïe 7:9 - Mbeti ti Nzapa - Tënë so amu fini

⁹ Samarii ayeke li-kodro ti Efraim, Peka ayeke gbia gi na Samarii. Tongana ala ma na be pepe, fade ala yeke gbu le ni pepe.”

Ésaïe 7:9 ပူးပေါင်းရင်းမြစ်များ

2 Agbia 15:27

Na ngu baleoku na use ni so Azaria ayeke gbia ti Juda laa Peka, molenge ti Remalia aga gbia ti Israel na Samarii. Lo le-gbia ngu baleuse.

2 Mbai 20:20

Na kota ndaperere, azo kue alondo ti gue na benyama ti Tekoa. Na guengo ti ala, Yosafat aluti na nduzu si lo tene na ala: “Azo ti Jérusalem na azo ti Juda, ala ma mbi si! Ayeke nzoni ala zia be ti ala na ndö ti KOTA GBIA, Nzapa ti ala si fade ala yeke wara ngangu. Ala zia be ti ala na ndö ti azo ti tenengo peko ti yanga ti lo si fade ala yeke so benda.”

Ésaïe 28:1

So mawa na gbata ti Samarii so akpa kpoto ti gbia! Azo ti Efraim so ayeke angbaa ti samba ayeke pika kate ti ala ndali ni. Gbata ni ayeke na nduzu ti popo-hoto so akobe ayeke le daa mingi. Gbata ni akpa kongo so awoko awe si a zia na li ti azo ti sara pendere ti ala, azo so anyon vin si ahon ndö ti ala.

Ésaïe 5:24

Ndani laa, fade ala yeke ga tongana pere so wâ agbi ni, ala yeke ga tongana holengo pere so menga ti wâ agbi ni kue. Ala yeke duti tongana pere so gunda ni afun na ya ti sese, tongana kongo so pupu ahon na ni tongana fuku ti sese. Biani, ye so KOTA GBIA so ayeke na ndö ti dunia kue afa, ala ke ni; tënë ti Nzapa ti Israel, lo so lo yeke nde si lo yeke nzoni kue, ala baa ni tongana mbumbuse ye.

Ésaïe 7:10

*KOTA GBIA akiri atene na Ahaz:

Ésaïe 7:4

Fade mo yeke tene na lo: ‘Hange! Mo duti kpoo, mo sara mbeto pepe. Ayeke nzoni be ti mo ado pepe, ngbanga ti Resen, zo ti Sirii so nga na Peka. Agbia use so akpa gi anduru keke so guru ti wâ angba ti sigigi daa kete kete.

Ésaïe 8:4

Biani, kozoni titene molenge ni ahinga ti tene: ‘babâ’ na ‘mama’, fade azo ayeke mu amosoro ti gbata ti Damas na aye so ala gbu na peko ti bira na Samarii ti gue na ni na gbia ti Asirii.”

Ésaïe 9:9

“Abiriki ti ada atuku awe, fade e yeke kiri ti sara ada ni na têne so a de tere ni dengo. A de akeke ti sikomor na sese awe, fade e yeke kiri ti lu akeke ti sedre na plase ni.”

Jérémie 43:2

Azaria, molenge ti Hoshaya, na Yohanan, molenge ti Karea na ambeni zo ti sioni yanga, atene na Jérémie: “Tënë ti mvene laa mo yeke tene so! KOTA GBIA, Nzapa ti e atokua mo pepe ti tene na e: ‘Ala gue na Ezipte pepe ti honde tere ti ala kâ!’

Mishe 1:5

Aye so kue asi ndali ti ngangu li ti *ahale ti Jacob, ndali ti asiokpari ti azo ti Israel. Zo wa laa ayeke pusu azo ti Jacob titene ala ga azo ti ngangu li? Ayeke azo ti Samarii pepe? Zo wa laa ayeke pusu azo ti Juda titene ala voro anzapa nde na ndo so ayeke na nduzu so? Ayeke azo ti Jérusalem pepe?

Awatokua 27:11

Me kapita ti aturugu aye gi ti ma tënë ti kapita ti mangboko ni na ti wa ti mangboko ni ahon wango ti Paul.

Awatokua 27:25

Tongaso, a-ita, ala gbu ngangu! Biani, mbi zia be ti mbi na Nzapa: ye ni ayeke si ande gi tongana ti so lo tene na mbi.

Rome 11:20

Tënë ni laa. Me a fâ amaboko ti keke ni, ngbanga ti so ala ma na be pepe. Ti mo, mo ngba na tere ti keke ni, ngbanga ti so mo ma na be. Tongaso, mo pika kate ti mo pepe, me mo sara gi hange.

Ahebro 11:6

Andaa, tongana zo ayeke na mabe pepe, lo lingbi ti ga nzoni na le ti Nzapa pepe, ngbanga ti so zo so aga nduru na Nzapa, alingbi lo hinga so, Nzapa ayeke daa biani si lo yeke mu anzoni ye na azo so ayeke gi lo.

1 Jean 5:10

Zo so ama na be na Molenge ti Nzapa, tënë so Nzapa atene so ayeke na be ti lo. Zo so ake ti yeda na tënë so Nzapa atene, lo mu Nzapa tongana zo ti mvene, ngbanga ti so lo ke ti yeda na tënë so Nzapa atene na ndö ti Molenge ti lo.