Ésaïe 7:3 - Mbeti ti Nzapa - Tënë so amu fini

³ *KOTA GBIA atene na Ésaïe: “Mo mu molenge ti mo Shear-Yashub na tere ti mo, mo gue, mo wara tere na Ahaz. Lo yeke nduru na tere ti du so ngu ayeke sua daa ti gue na ndo so a yeke bata ngu daa na nduzu; du ni ayeke na lege ti yaka ti azo ti sukulango bongo.

Ésaïe 7:3 ပူးပေါင်းရင်းမြစ်များ

2 Agbia 16:1

Na ngu baleoko na mbarambara ni so Peka, molenge ti Remalia ayeke gbia laa Ahaz, molenge ti Yotam aga gbia ti Juda.

2 Agbia 18:17

Andaa gbia ti Asirii ayeke na gbata ti Lakish. Kâ, lo tokua turugu ti lo ti kota kamba, na makonzi ti akota zo ti kua ti lo nga na makonzi ti aturugu ti batango lo, ala na gba ti aturugu; lo tokua ala na gbia Ezekias na Jérusalem. So ala si kâ awe, ala gue, aluti na tere ti du so ngu ayeke sua daa ti gue na ndo so a yeke bata ngu daa na nduzu; du ni ayeke na lege ti yaka ti azo ti sukulango bongo.

2 Agbia 20:20

Tanga ti atënë na ndö ti Ezekias, na aye ti koli so kue lo sara, na kota du ti ngu so lo zi, na du so lo zi na gbe ti sese titene ngu asua daa ti li na ya ti gbata ni, a su tënë ni na ya ti “Mbeti ti aye so agbia ti Juda asara”.

Néhémie 3:16

Na peko ti Shalun kâ, Néhémie, molenge ti Azbuk, makonzi ti kete sese ti Bet-Sur, ayeke sara ti lo kua ni ti gue na ni na tere ti du ti kuâ ti David; lo gue na ni ngbii lo si na lende so azo laa azi ni, ngbii lo si na tere ti da ti aturugu ti batango gbia.

Sigingo 7:15

Na kota ndaperere, mo gue, mo wara Faraon na ndembe so lo yeke gue na yanga ti *bale ti Nil. Mo luti mo ku lo na yanga ti ngu ni. Keke so lani aga ngbo so, mo mu ni na maboko ti mo.

Ésaïe 10:21

Tanga ti azo so angba, ala so ayeke ti mara ti Jacob ayeke kiri na Nzapa ti ngangu.

Ésaïe 22:10

Ala diko ada ti Jérusalem awe, ala kungbi ambeni da ni na sese ti sara si gbagba ti gbata ni akpengba ngangu.

Ésaïe 22:11

Ala leke mbeni ndo ti batango ngu na popo ti agbagba use so awe ndali ti ngu ti ngbene du ti batango ngu. Me lo so asara si aye so abaa gigi, ala baa ndo na mbage ti lo pepe. Lo sara aye ni ngbene ye aninga awe, me ala baa lo pepe.

Ésaïe 36:2

Andaa gbia ti Asirii ayeke na gbata ti Lakish. Lo ngba kâ si lo tokua na Jérusalem makonzi ti aturugu ti batango lo na gba ti aturugu; lo tokua ala na gbia Ezekias. Turugu ni aluti na tere ti du so ngu ayeke sua daa ti gue na ndo so a yeke bata ngu daa na nduzu; du ni ayeke na lege ti yaka ti azo ti sukulango bongo.

Ésaïe 55:7

Alingbi zo ti sioni azia lege ti sioni ti lo; zo ti sarango sioni azia asioni tënë ti be ti lo. Ayeke nzoni ala kiri na KOTA GBIA si fade lo baa mawa ti ala. Ayeke nzoni lo kiri na Nzapa ti e si lo zi tënë na li ti ala biani biani.

Ésaïe 6:13

Tongana zo oko na popo ti azo baleoko angba na ya ti kodro ni, fade a yeke gbi lo na wâ tongana keke ti shene wala ti terebente so a de na sese. Me nduru gere ni na agunda ni angba si ayeke tongana ngoangoa so ayeke nde si ayeke nzoni kue.”

Jérémie 22:1

Tënë so *KOTA GBIA atene na Jérémie ayeke so: “Gue na yangbo ti gbia ti Juda, mo tene tënë so kâ.

Rome 9:27

Ésaïe ato mbela na tënë na ndö ti azo ti Israel, lo tene: “Ataa wungo ti azo ti Israel ayeke tongana wungo ti mbutu ti yanga ti kota ngu-ingo, fade gi ambeni kete laa ayeke soo kuâ.