Ésaïe 7:25 - Mbeti ti Nzapa - Tënë so amu fini

²⁵ Ti yaka so ayeke na li ti ahoto so azo ayeke de lani na kpoka, fade mbeto ayeke sara azo ti gue kâ ndali ti aki na akamba ti ki. Biani, yaka ni ayeke ga ndo so abagara ayeke te pere daa, ndo so ataba ayeke fono daa.

Ésaïe 7:25 ပူးပေါင်းရင်းမြစ်များ

Ésaïe 17:2

Agbata so ayeke na gbe ti Damas, fade ayeke ngba senge senge biani biani. Agbata ni ayeke ga ndo so ataba na angasa ayeke te pere daa si ala yeke lango daa, zo oko ti zia mbeto na be ti ala ayeke daa pepe.

Ésaïe 5:17

Fade ataba ayeke te pere na ya ti gbata so abuba kue so tongana ndo ti tengo pere ti ala; angasa so akono nzoni ayeke te pere na ndo ni so.

Ésaïe 7:19

Ala yeke ga si ala kue ayeke duti na popo ti ahoto so têne ayeke daa, na popo ti atêne so asuru, na popo ti akeke so agbu tere nga na ando so kue anyama ayeke te pere daa.

Ésaïe 7:24

Fade azo ayeke mu akokora na ale ti kokora ti ga ti gi anyama na ya ti yaka ni, ngbanga ti so kodro ni kue ayeke ga ndo ti aki na ti akamba ti ki.

Osée 4:16

Biani, Israel asara ngangu li tongana mama ti bagara so ake ti tambula. Fadeso, KOTA GBIA alingbi ti sara na azo ti lo tongana ti akete taba so a zia ala na ndo ti tengo pere?

Sofonii 2:6

Sese ti mo so ayeke na yanga ti kota ngu-ingo ayeke ga ndo so anyama ayeke te pere daa, ayeke ga ndo so azo ti batango nyama ayeke tambula daa, ayeke ga gbagba ti ataba.”