Ésaïe 7:23 - Mbeti ti Nzapa - Tënë so amu fini

²³ Na lango ni so nga, yaka ti vinye so a lu gere ni saki oko si ngere ni ayeke ale ti nginza saki oko, fade yaka ni ayeke ga ndo ti aki na ti akamba ti ki.

Ésaïe 7:23 ပူးပေါင်းရင်းမြစ်များ

Tongo nda ti aye 3:18

Sese ni ayeke sara titene aki na akeke ti ki asigigi ndali ti mo. Fade mo yeke te aye so ayeke sigigi na ya ti yaka.

Ésaïe 32:10

Ala so abaa tere ti ala atene, ala lingbi awe so, na peko ti ngu oko na ambeni lango na ndö ni, fade tere ti ala ayeke do, ngbanga ti so fango ale ti *vinye ahunzi awe, fango ale ti kobe ayeke daa mbeni pepe.

Ésaïe 5:10

Tongana ala fâ kota yaka ti vinye so akono hektare ota, fade ala yeke wara gi litere baleoku ti vin; tongana ala lu kilo ngbangbo oko ti ble, fade ala yeke wara gi kilo baleoko.”

Ésaïe 5:6

Fade mbi yeke zia yaka ni aga ngonda; zo ti fango *aguruma ni ayeke daa pepe, zo ti sukulango gbe ni ayeke daa pepe; aki na asioni kamba ti aki ayeke suku amu ndö ni kue. Fade mbi yeke mu yanga na ambinda ti gbanzi ngu ti pika na ndö ti yaka ni.”

Ésaïe 7:24

Fade azo ayeke mu akokora na ale ti kokora ti ga ti gi anyama na ya ti yaka ni, ngbanga ti so kodro ni kue ayeke ga ndo ti aki na ti akamba ti ki.

Jérémie 4:26

Mbi baa ndo: baa, yaka so lani kobe ayeke du daa mingi so, yaka ni aga gi benyama. Na lege ti ngonzo ti wâ ti KOTA GBIA, agbata ti kodro ni kue ati na sese, na gbe ti le ti lo.

Ezekiel 12:20

Agbata so azo ayeke lango daa ayeke ti biani si kodro ni ayeke ga benyama. Tongaso, fade ala yeke hinga atene, mbi laa mbi yeke KOTA GBIA.’ ”

Osée 2:12

Fadeso, mbi yeke fa tere ti lo so angba ndumbu so na le ti andeko ti lo; zo oko ti zi lo na maboko ti mbi ayeke daa pepe.

Osée 9:6

Baa, ala yeke kpe kodro ti ala so abuba so, Ezipte laa ayeke yamba ala; me gbata ti Manfis ayeke ga ndo ti lungo ala. Fade akeke ti ki ayeke kanga ndö ti mosoro ti ala ti kota nginza, akamba ti ki ayeke kanga ndö ti ada ti lango ti ala.

Matthieu 21:33

Ala kiri ama mbeni toli ni: “Mbeni wa ti sese afâ yaka ti *vinye. Lo sara gbagba na tere ni kue, lo zi du titene a pete le ti vinye ni daa, lo leke mbeni ndo na nduzu titene zo aluti daa ti baa ndo na tere ti yaka ni. Na pekoni, lo zia yaka ni na maboko ti ambeni zo ti fango yaka ti vinye si lo gue na mbeni kodro nde.

Ahebro 6:8

Me tongana sese ni asara titene aki na akeke ti ki asigigi, andaa sese ni so ayeke buba sese; fade Nzapa ayeke deba ni si na pekoni, a yeke gbi ni na wâ.