Ésaïe 7:21 - Mbeti ti Nzapa - Tënë so amu fini

²¹ Na lango ni so nga, zo oko oko ayeke bata mama ti bagara oko na amama ti ngasa use.

Ésaïe 7:21 ပူးပေါင်းရင်းမြစ်များ

Ésaïe 14:30

Fade awayere ayeke te ye nzoni, azo ti mawa ayeke wu tere nzoni, mbeni ye ti sarango ala ayeke daa pepe. Me ti ala azo ti Filistii, fade mbi yeke sara titene *ahale ti ala akui nzara si tanga ti azo ti ala so angba na fini, a yeke fâ ala.

Ésaïe 17:2

Agbata so ayeke na gbe ti Damas, fade ayeke ngba senge senge biani biani. Agbata ni ayeke ga ndo so ataba na angasa ayeke te pere daa si ala yeke lango daa, zo oko ti zia mbeto na be ti ala ayeke daa pepe.

Ésaïe 27:10

Gbata so a sara ngangu gbagba ti bira na tere ni, zo oko ayeke na ya ni mbeni pepe; azo ado azia si aga tongana benyama. Kâ, akete bagara ayeke ga ti te pere, ala yeke wu tere kâ si ala yeke te akugbe so asigigi.

Ésaïe 35:1

Ayeke nzoni benyama na kuru sese aduti na ngia! Ayeke nzoni lando so ngu ayeke daa pepe adodo na ngia, lo du apendere kongo!

Ésaïe 37:30

“Ti mo Ezekias, ye so ayeke fa na mo ye so ayeke si ande ayeke so: na ngu so, azo ayeke te le ti kobe so asigigi na be ti lo wani. Na ngu ti peko, ala yeke te gi mara ni. Me na ota ngu ni, fade ala yeke lu ale ti kobe, ala yeke fâ ale ti kobe ni, ala yeke lu yaka ti *vinye si ala yeke te alengo ni.

Ésaïe 5:17

Fade ataba ayeke te pere na ya ti gbata so abuba kue so tongana ndo ti tengo pere ti ala; angasa so akono nzoni ayeke te pere na ndo ni so.

Ésaïe 7:25

Ti yaka so ayeke na li ti ahoto so azo ayeke de lani na kpoka, fade mbeto ayeke sara azo ti gue kâ ndali ti aki na akamba ti ki. Biani, yaka ni ayeke ga ndo so abagara ayeke te pere daa, ndo so ataba ayeke fono daa.

Jérémie 39:10

Me lo zia na ya ti kodro ti Juda ambeni wayere kete so ye ti ala oko ayeke daa pepe; lo mu na ala ayaka ti vinye na ayaka.