Ésaïe 7:2 - Mbeti ti Nzapa - Tënë so amu fini

² Azo ague, atene tënë ni na gbia Ahaz, mbeni *hale ti David, lo na azo ti yangbo ti lo, ala tene: “Azo ti sese ti Sirii ali na sese ti Efraim awe.” Be ti Ahaz na ti azo ti kodro ti lo ato nda ti do tongana akeke ti gbako so pupu ayeke yingi ni.

Ésaïe 7:2 ပူးပေါင်းရင်းမြစ်များ

2 Samuel 7:16

Mbeni hale ti mo ayeke le-gbia na peko ti mo kpu na kpu. Biani, lengo-gbia ti asewa ti mo ayeke kpengba kpu na kpu.’ ”

1 Agbia 11:32

Fade mbi yeke zia na lo gi mara oko ndali ti zo ti kua ti mbi David nga ndali ti Jérusalem, gbata so mbi soro ni na popo ti amara ti Israel kue.

1 Agbia 12:16

So azo ti Israel kue abaa atene, gbia ama tënë ti ala pepe, ala kiri tënë na gbia, atene: “Nyen laa ayeke na popo ti e na David, nyen? Nyen laa abongbi e na molenge ti Yese, nyen? Azo ti Israel, e kiri na ndo ti e! Ti mo *hale ti David, fadeso, mo baa ndo na ndö ti da ti mo!” Na pekoni, azo ti Israel akiri na da ti ala.

1 Agbia 13:2

Zo ti Nzapa ni ato nda ti tene tënë ti KOTA GBIA na tere ti gbalaka ni, lo tene: “Gbalaka! Gbalaka! Tënë so KOTA GBIA atene ayeke so: Fade a yeke du molenge-koli na ya ti sewa ti David; iri ti lo ayeke duti Yosias. Awayango-sandaga ti ando so a leke na ndö ti ahoto ti gbi asandaga daa so, lo yeke gbi ala na ndö ti mo, gbalaka ni. Fade a yeke gbi nga abio ti azo na ndö ti mo!”

2 Mbai 25:10

Amasia atumba aturugu so alondo na Efraim si aga so titene ala kiri na ndo ti ala. Me ala sara ngonzo mingi na tere ti azo ti Juda si ala kiri na kodro na ngonzo ti wâ na be ti ala.

2 Mbai 28:12

Na popo ti amakonzi ti Efraim, ambeni ake tënë ti aturugu so alondo na bira si akiri. Azo ni ayeke so: Azaria, molenge ti Yohanan; Berekia, molenge ti Meshilemot; Yehizkia, molenge ti Shalum nga na Amasa, molenge ti Hadlai.

Abia (Psaumes) 11:1

Bia ti David; bia so ayeke ndali ti makonzi-bia. *KOTA GBIA ayeke ndo so mbi kpe daa ti bata tere ti mbi. Ngbanga ti nyen si ala tene na mbi, atene: “Kpe mo gue na ndö ti ahoto tongana ndeke!”?

Amato 28:1

Zo ti sioni ayeke kpe, ataa zo oko atumba peko ti lo pepe; me zo ti mbirimbiri ayeke tongana bamara so ayeke na mbeto oko pepe.

Ésaïe 11:13

Kota be ti Efraim na tere ti Juda ayeke hunzi, a yeke fâ awato ti Juda kue; Efraim ayeke kiri ti sara kota be na tere ti Juda pepe; Juda ayeke kiri ti duti awato ti Efraim pepe.

Ésaïe 22:22

Mbi yeke mu na lo kerere ti yanga ti da ti David. Tongana lo zi yanga ti da ni, zo oko ti kanga ni ayeke daa pepe, tongana lo kanga yanga ti da ni, zo oko ti zi ni ayeke daa pepe.

Ésaïe 37:27

Azo so ayeke lango na ya ti gbata ni, ala yeke na ngangu pepe, kota mbeto ahon ndö ti ala, kamene ahon ndö ti ala. Ala yeke tongana pere ti yaka, ala yeke tongana fini pere ti ngonda, ala yeke tongana pere so asigigi na li ti da, wala tongana sese so ayeke daa kozo titene le ti kobe asigigi daa.

Ésaïe 37:35

Fade mbi yeke bata gbata so si mbi yeke soo ni ndali ti mbi nga ndali ti David, zo ti kua ti mbi.”

Ésaïe 6:13

Tongana zo oko na popo ti azo baleoko angba na ya ti kodro ni, fade a yeke gbi lo na wâ tongana keke ti shene wala ti terebente so a de na sese. Me nduru gere ni na agunda ni angba si ayeke tongana ngoangoa so ayeke nde si ayeke nzoni kue.”

Ésaïe 7:13

Tongaso Ésaïe atene: “Ala *ahale ti David, ala ma mbi si! So ala ngba ti so li ti azo so, alingbi na ala pepe si ala ye ti so li ti Nzapa ti mbi so?

Ésaïe 7:17

Ti mo, na azo ti mo na azo ti sewa ti mo, fade KOTA GBIA ayeke sara titene ambeni lango ti kpale aga na ndö ti ala. Alango ni ayeke duti ande alango so zo ade abaa ni laoko pepe, ti londo na ngoi so Israel na Juda akangbi. Ye so aye ti sara tënë ti gbia ti Asirii.”

Ésaïe 7:5

Mbi hinga so azo ti Sirii na Peka na aturugu ti Efraim aleke na be ti ala ti sara sioni na mo. Ala tene:

Ésaïe 8:12

“Ye so kue azo so ayeke iri ni ‘mango tere ti kinda gbia’, ala iri ni tongaso pepe; ye so azo ni ayeke sara mbeto ni, ala sara mbeto ni pepe, ala duti na mbeto ni pepe.

Ésaïe 9:9

“Abiriki ti ada atuku awe, fade e yeke kiri ti sara ada ni na têne so a de tere ni dengo. A de akeke ti sikomor na sese awe, fade e yeke kiri ti lu akeke ti sedre na plase ni.”

Jérémie 21:12

ala asewa ti David! Tënë so KOTA GBIA atene ayeke so: Lakue na ndaperere, ayeke nzoni ala fâ ngbanga mbirimbiri. Azo so ayeke te amba ti ala na mbana so, ala zi azo ni na maboko ti ala. Tongaso pepe, fade ngonzo ti mbi ayeke londo tongana wâ so ayeke gbi ye kue; zo alingbi ti mingo ni pepe. So ayeke futa ti asioni sarango ye ti ala laa.

Osée 12:1

KOTA GBIA atene: “Azo ti Efraim angoro mbi na tënë ti mvene, azo ti Israel angoro mbi na tënë ti handango ndo. Azo ti Juda angba ti tambula na Nzapa, me ala ngba ti sara na anzapa nde.”

Matthieu 2:3

So gbia Herode ama tënë so, li ti lo aga kirikiri, lo na azo ti Jérusalem kue.